29+1

原來已經好耐無打Blog啦! 自從上年開始新既體驗後, 人生一直忙碌充實咁過, 除左Basic返工同community service 外,夜晚仲努力返學進修一下, 雖然過程艱苦, 時間永遠唔夠用咁, 但總比以前過得充實快樂!
點解又會無啦啦諗起打Blog呢?因為突然有所感觸抒發一下😊
琴晚同個同事睇戲,真係夾左好耐先有時間去睇!!!
[ 29+1 ] 場數唔多,但依然爆場,勁呀!
據講女人到左30歲又一個關口,要到30歲先識開始了解自己想要D咩,先識去睇清楚呢個世界?
有D人會為自己事業拼搏,面對住極大工作壓力,甚至會犧牲某D野去完成自己......
有D人會係30歲前結婚,再生個小朋友,組織一個理想既家庭......
有D人會選擇平平淡淡,咩都唔需要改變一直生活落去......
原本一切順利既林若君,突然面對工作壓力,痛失親人,失去男友,種種都令佢唔識應對....
相反,黃天樂性格開朗樂天,會以樂觀態度面對所有事,悲劇命運都可以樂觀面對...
有D情節相當貼地,套戲好寫實,我都好欣賞2個角色都做得好好,對比下更顯得出色!
親人離開一Part更有所感觸,一個人離開後,留低既只有回憶,...
開心同唔開心都一樣要面對!!
將一D負面既情緒轉化為力量,用行動做更多有意義,令自己無悔既事!
加油向前行!勇敢面對!即使29+1 又有咩好驚呀! 😊

復仇者聯盟2：奧創紀元

等左幾星期，終於等到！☺

五個小孩的校長

誠意推介-五個小孩的校長👍好睇好感人呀!👍

雛妓

今晚捉左蝦子餅陪我睇呢套~雛妓...

阿sa今年獲提名影后,

真係好想睇下阿sa既表現,

果然表現出色,盡心盡力,

劇情以插敘形式描述,

睇完感覺好沉重,難過,

並唔係大家以為黃色既三級片,

總括而言,人物故事都算ok 啦!

皇家特工：間諜密令

星期二特價日~仍然係睇戲~呢套都ok ar~

年初二@12金鴨

年初一@賭城風雲2

大年初一,恭喜發財~夜晚到荷里活食小黃牛肉麵~

再到冒險樂園擲彩虹~

玩得好開心~

之後入場睇戲~

第二志願~賭城風雲2~好好笑呀~kaka

年三十@ 衝上雲霄

新年睇戲~第1志願緊係去睇衝上雲霄啦~好浪漫好Sweet呀!!

不過~同飛機無關既~

睇完戲仲去犘士公園行年宵~

真開心呀~~

恐怖在線

星期六~

又攰又眼訓~

下午放工回家做家務~洗魚缸~

休息下同蝦子餅外出探奶奶~

再到戲院睇戲~

近日好多正戲上畫~

幾套戲都未有時間睇~

早幾日先睇鄭秀文套(失戀急讓)~

感到普通~

比想像中失望~

純粹支持藝人同芝SEE菇B~

到今日~

竟然先選擇睇(恐怖在線)~

套(等一個人咖啡)~

遲遲未睇添~

雖然好攰~

但睇鬼片就精神晒啦~

故事OK~

新導演手法唔錯~

插敘~另故事顯得特別~

尾段交代一切~

真的有鬼~定心中有鬼~

好睇個人感覺呢~

利用幾個舊有鬼故事改篇~

恐怖~唔算恐怖~

但有個鏡頭真係比佢嚇到~

張兆輝就憑呢套戲獲得影帝~

可能自己中意恐怖片~

感覺呢套都OK呀~~

盂蘭神功

終於有時間去睇戲啦~

套戲上左2星期啦~

一直抽唔到時間去睇~

好彩仲有場夜場岩時間睇~

本身自己都好中意睇鬼片~

但今次入場~

主要為左支持張家輝首次做導演~

如果講驚嚇未算夠驚~

大多數估到驚嚇鏡頭幾時出現~

張家輝~劉心悠~表現相當出色~

故事情節唔難估~

部份情節令人想到藍可兒~咒怨~驅魔人~

不過~第1次都算不錯~

可以再驚嚇D~

期待下次會更好呢~

盂蘭神功

變形金剛：殲滅世紀

星期日~好好訓~
訓到中午先起身~
精神百倍~
琴晚攰到連賽果都無睇就訓左~
真驚訝~巴果場贏波輸盤~
真肉赤唷~
好彩第二場贏返dd~
總算無甘傷~
唔緊要~四年一次玩下ja ~
煮愛心公仔麵做早餐~
邊食邊睇電視~
真輕鬆~
之後忙碌幫鼠鼠沖涼洗籠~
攪掂後就出發到老人院探奶奶~
再到新果間老人院安排一下~
離開時~
不禁傷感起來~
眼濕濕~
很痛心~
日後還需繼續面對~
唉~冷靜~沉默~
慢步去荷里活~
買爆谷~熱狗~汽水~
準時入場~
今晚睇變形金剛^^
開頭拖得有d長~
其後開始緊張
特技效果不錯~
打鬥場面奕很緊張~
剪接似乎有點亂~
沒有預期的好~
拍攝香港果部分~
場景就麻麻地啦~
完全唔似香港~
中段好睇~緊張刺激~
個人認為~呢集只算不過不失~
比起之前果幾集~
似乎有點失色呢~
睇完戲就坐車返黎啦~
時間尚早~
仲可以去許留山食宵夜~
星期日~唔使返工真舒服又開心~
捱埋聽日又放多日假啦~
放假萬歲~

3D 異空戰士

昨夜壞晒兩部電腦~

導致訓得唔太好~

攪到今早仍然非常眼訓~

好不願意起身返工~

好想繼續休息呢~

工作繁忙~

好多單~好多維修機要處理~

又要協助倉整理貨物~

一腳踢TAT~

Lunch 食飽訓陣真舒服~

下午繼續入單~

好怏就捱到放工~

到K T  Aeon拎KFC信用卡~

蝦子餅奕提早送放工等我~

今晚會係Apm 戲院睇戲~

睇3D異空戰士~

買埋爆谷~熱狗~汽水入場~

3D 效果出色~

飛來飛去~天旋地轉~

很精彩~

題材新鮮~幾緊張~無悶場~

男主角由普通人變成戰士~

更為左殺死外星生怪物一次又一次死亡~

死完又翻生~

好似打機咁~

無限復活~

都幾攪笑~

睇完返屋企已經10點半啦~

真係快樂不知時日過~

返到黎~忙碌餵鼠~餵魚~

仲要用電話打Blog ~

有點不慣~

很輪盡~

希望快D整返好部機啦~

變種特攻：未來同盟戰3D

今日仍然有點喉嚨痛~

個人奕有點攰~

想作病又未病出來~

喉嚨痛好辛苦~

不願多言~

加上早上左腳抽筋~

腳痛更慘~

連行多步都唔想呀~

今日準時返工~

終可安心嘆早餐~

工作繁忙~

好多文件需要處理~

文件太多~

有點混亂~

間中又有幾位同事叫我搵單~

原來公司同事係唔識自己搵FILE~

下下要人搵埋比佢放係枱面先得~

LUNCH最開心~

食飽有得訓~

但又比人門鐘嘈醒~

果位同事仲未有開門卡~

日日都要嘈醒午睡中既人~

真係唔識做呀~

下午繼續努力~

忙碌中渡過~

放工快快閃人~

到荷里活行街等蝦子餅~

只係行左半個鐘~

又係UNIQLO買左幾百蚊野~

近日已經買左好多衫褲鞋襪啦~

點解唔忍下手呢~

等到蝦子餅黎到~

我已經買完了~KAKA

今晚睇(變種特攻：未來同盟3D)

依舊買爆谷熱狗汽水入場開餐~

3D效果麻麻地~係現代既打鬥中都可以接收~

但係過去就差得遠了~

其實係因為要夾時間先睇3D~

如果唔係實睇返2D啦~

進度有D慢~

上半段拖得太長~

下半段開始緊張刺激~

特效不算太多~

比預期中差左DD~

但都OK~~

睇完戲就坐車返屋企啦~

天氣熱~實在唔願意留在室外~KAKA

返黎趕快沖涼~涼下抖下~

再餵鼠餵魚~

魚B似乎好健康~

真係好呀~

希望魚B快高長大~健康成長啦~

香港仔

今早返工遲左小小~

咁岩同黃老闆同lift~

同老闆講早晨佢竟然唔彩我~

唉~

返到公司好多人都未返~

肥佬老婆先9點03分先出黎開燈~

我果時岩岩又門口~

就係遲左3分鐘比人黑面囉=,="

我都懶理佢~

食埋早餐先做野~

工作仍然繁忙~

維修機要打報價~

跟進維修~整理文件~

間中又要幫同事處理其他事~

一腳踢~

忙到有點燥~

lunch食飽本想訓陣~

又比果個同事叮門鐘嘈醒~

唉~

放工快快閃人~
坐車到荷里活行街~
等埋蝦子餅~
買爆谷汽水入場睇戲~
今晚睇(香港仔)~
呢套戲有吳孟達~
自從星爺既戲後~
好耐無睇佢做戲啦~
開頭交代各人物背景~性格~
起初有點悶~
其後劇情逐漸鮮明~
即使一家人~
也各有心事~各有秘密~
每人也藏著一件傷心事~

秘密~坦白~處理~關係才變好~
有時也要放下執著~
間中奕有笑位~
令人輕鬆一下~

一部有深度~叫人思考既戲~
個人認為不過不失~
而蝦子餅就悶到暈咁滯~kaka
睇完戲~
仲有時間入uniqlo睇衫~
蝦子餅更買得心頭好~
之後坐車返黎~
到附近既許留山食甜品宵夜~
好滿足~
食飽就返屋企啦~
餵魚~餵鼠~

攪掂晒就早d休息啦~
明天仲要返工呢~~

香港仔

睇完戲 ^o^ 食宵夜 ^o^

哥斯拉

昨夜疲倦~

不算夜訓~

很自在舒服~

可能真的日有所思~

夜有所夢~

夢見了嫲嫲搬到公屋般的新屋~

更真實地強調自己電話壞左唔記得門牌~

又不知為何出現了41樓這地方~

很真實~

無奈未能同嫲嫲暢談~

訓醒有點呆~

睇觶電視~叮早餐~

做家務~洗衫~

再幫鼠鼠沖涼洗籠~

之後就出發到荷里活行街睇戲啦~

行左一陣~蝦子餅同我都大用收穫~

很滿足~

之後到food court食野~

我食豬頸肉凍撈檬~

佢食口水雞~

快捷又好味~

食飽岩岩好夠鐘~

到戲院睇戲啦~

今晚睇哥斯拉~

開頭拖得太長~有d悶~

有d似拍災難片~

怪獸出現~有恐懼徬徨氣氛~ 

電腦特技效果不錯~

另1隻怪戰-穆透~

外觀肉酸恐怖~

貌似曱甴~><

一見到佢就好驚啦~

嚇到我差d叫左出黎~

3隻怪戰打得激烈~

打鬥場面出色~

最終哥斯拉做左救世主~

贏晒~

呢套都算幾好睇~

值得一看~

睇完戲就坐車回家~

返屋企睇陣電視就沖涼啦~

之後幫鼠鼠換糧~

正當係廚房清洗食物碗時~

驚見大強出沒~

嚇得我快速離開廚房~

蝦子餅幫忙噴殺蟲水~

好彩好快攪掂大強~

仲快速清理屍體及清理現場~

嘩~

嚇到我超驚呀~

之後再唔敢入廚房~

而蝦子餅則笑我反應超快~9秒9速逃~=.=

可能今日出街無關窗~

下次都係關窗先好去街呀><

希望唔好再有強哥出現係我屋企啦~

哥斯拉

3D蜘蛛俠 2 決戰電魔

今日5月1勞動節放假~

唔使返工~訓到夠自然醒~

真舒服~

起身忙碌幫鼠鼠沖涼洗籠~
趁有時間~
洗衫~收衫~清潔家居~
仲可以舒服地睇電視~
真爽呀~

傍晚時份同蝦子餅落街嘆吉野家下午茶~
呢期介牛肉~食雞扒麵一樣好味~
食飽坐車到荷里活~
行陣街街~
再去冒險樂園玩擲彩虹~
真好玩~
之後準時入場睇戲啦~
今晚睇(蜘蛛俠 2 決戰電魔)
開頭拖得太長~感覺有d悶場~
3D效果出色~
特技相當精彩~
打鬥場面震撼~
都幾好睇~
最終女主角都係死左~
太可惜了~
睇完戲就慢步回家~
順道買宵夜~~有豬雜~雞翼尖~辣魚蛋~
好味道~
邊食邊睇電視~
真寫意~
無拘無束的假日又過去了~
明天又要返工啦~><嗚嗚

魔警

星期二了~

再捱多一日可放假~

hoilday mood已一早出現~

整日有點遊魂~

有同事好有勇氣地請多2日半假~

一連放足6日~

登佢高興~真爽呀~

開job~跟維修~有點悶~

整日望見it同事不停忙碌整電腦~

原來係為新同事作出準備~

肥佬就開心啦~

佢果邊又多兩個自己人啦~

放工快快閃人~

坐車到荷里活睇戲~

今晚睇【魔警】~

等埋蝦子餅~再買汽水爆谷入場睇戲~

劇情一般~似乎唔夠緊張~

吳彥祖演技出色~

表現出內心掙扎~奕正奕邪的感覺~

張家輝雖然戲份不多~

但奕表現得相當出色~

不過~似乎有d浪費~出鏡唔夠多呢~

有點血腥~核突~

特技不錯~爆破場面震撼~

呢套戲無驚喜~無笑位~唔算緊張~

唔稱得上差~

但奕唔叫好睇~

幸好星期二特價日去睇~

蝦子餅直頭悶到呆左~kaka

睇完戲就坐車趕返屋企啦~

咁岩今晚11點至6點大廈暫停食水~

再唔快d沖涼恐怕無水沖涼啦~

要快d先得啦~

那夜凌晨，我坐上了旺角開往大埔的紅VAN

呢個星期4天工作~

再捱多2日就可以放假了~

整天工作不太繁忙~

渾渾噩噩地渡過~

放工快快閃人~

坐車到荷里活睇戲~

事隔多日~心情稍有輕微回復~

等埋蝦子餅~買爆谷汽水準時入場~

今晚睇【那夜凌晨，我坐上了旺角開往大埔的紅VAN】~
事前並無睇過小說~
但奕略知大概故事~
感覺上~
沒有想像中咁差~
開頭都幾好睇~
懸疑氣氛做得不錯~
笑位都幾多~
笑下真輕鬆~
電影列為3級~
原來不算太血腥~只係粗口JA~
又南表現相當出色~
套戲靈魂人物係司機~林雪~
無左佢~可能套戲會有點失色~
後尾有D拖得太長~

又要留伏線等下集~

呢套戲~好反影人性~
不過不失~
星期2特價日睇2個鐘都抵睇啦~
之後就坐車返屋企~
忙碌洗衫~幫鼠鼠換糧~餵魚~
睇陣電視都係訓唔著~
悠閒地睇下相~
睇見嫲嫲既相~
更不禁流淚~
一睇到就忍唔住~
唉~~
睇黎今晚又失眠啦~
希望明天知醒返工啦~

美國隊長2

嫲嫲離開剛一星期~
本來心情稍有平伏~
但想起今日係頭七~
更思念~更想念嫲嫲呢~
近日有姑姐們安慰~老公開解~同事哄我笑~
已漸漸振作~
忙碌工作可減輕傷感~
更要腦筋清晰處理嫲嫲的後事~
姑姐們盡力為嫲嫲安排~
慶幸還有她們決定所有大小事情~
今日都幾忙碌~
公司大部份人外出開會~
無晒人氣~水靜河飛~相當清靜~
但電話就響過不停~
查詢電話眾多~
但無人處理呢~
接電話都接到煩~
真係無咩心機做野呢~
放工到荷里活等待蝦子餅~
佢已經等左好多日話要睇戲啦~
是但啦~陪佢放鬆一下~
星期二睇【美國隊長2】~
經濟又抵睇~
講真~其實無咩心情睇戲~
不過~當輕鬆下啦~
開頭有dd悶~
中段開始緊張~
特技效果不錯~
場面震撼~
間中有幾個笑位~
星期二特價日睇2個鐘~
都夠晒抵睇啦~
睇完戲返屋企整理家務~
好多野要執~
仲要幫鼠鼠換木槺換糧~
希望快手d攪掂~
唔好再咁夜訓啦~

鐵甲威龍

今日好返晒啦~

好野~

d藥真係好勁~

不過~仍然非常眼訓~

早上返工無車~

最終轉第架車返工~
之後又塞車~

匆匆忙忙趕返工~

仲要行多幾條街~

真係攰呀=,="

早上天氣潮濕溫暖~

但今晚又跌到12度~

早晚溫差成9度~

真係要小心d 呢~

今日肥佬唔係公司~

各人都過得特別輕鬆自在~

好爽呀~

無壓力工作~似乎更事半功倍~

放工準時閃人~
蝦子餅又順風車接我~
一齊到官塘~
仲有時間食車仔麵添~

簡單~方便~好味~
之後就一齊mtr到荷里活睇戲啦~

今晚睇【鐵甲威龍】~

其實呢套我並不感興趣~

只不過蝦子餅想睇~
以前果幾套~
我無睇晒~只係睇左小小咋~
奕唔識分有咩分別~
大多數都從蝦子餅口中得知~
開頭45分鐘都好悶~
似乎交代得太多~
悶到想訓=,="
中段開始有起色~
特技都ok~
槍戰奕算緊張~
行既時候有d搖~
轉方向奕轉得好暈呢~
不過~有d似打緊機~
好似打緊heat project咁~
男主角唔夠以前既man~
沒有驚喜~只屬一般~
悶到我呆晒kaka~
之後坐mtr趕快回家~
好凍凍呢~
回程時~順道買麥當當作宵夜~
邊食邊睇電視~
爽呀~
今日涼左都係唔同鼠鼠沖涼啦~
換紙粒換糧啦~
唔好凍親佢地啦~

Tonight -RoboCop (≧０≦)