魚B又出世啦~

今日心情麻麻~

原定中午同姑姐們去睇老人院~

但睡魔纏繞~

太好訓~訓過龍~

或者~係我根本唔想醒~

可能我根本唔願意接受呢個事實~

奕覺得唔需要行到呢一步~

趁得閒~留係屋企~

為家居清潔一番~

再煮個公仔麵比蝦子餅做早餐~

執下屋~睇下電視~

之後就準備出發到醫院探嫲嫲啦~

嫲嫲精神不錯~

但心情就麻麻地~

有d炆~有d憂心~

對日後既安排~

奕係一樣擔心~

只希望一切隨緣~

探完嫲嫲就同蝦子餅買壽司返屋企~

準備邊食邊睇電視大結局~

精彩~好睇~滿意~

睇完電視~

正當準備餵魚時~

驚見魚媽媽又生左魚b啦~

今次生左27條~

而且係橙白色品種~

好驚喜呀~

多謝魚b為我帶歡樂~

奕令我暫時忘記苦惱~

我會盡力養大你地架~

加油呀~

充滿Energy的星期六

琴晚心情唔好~

攪到又訓得唔好~

幸好今日精神唔算太差~

今早幾位高層同老闆外出開會~

加上星期六可以relax d~

一於買個豐富d既早餐啦~

今早選擇較小食既kfc~

人流不多~以為好快買完走得啦~

點知個小姐慢吞吞~

悠悠閒咁買執外賣~

真係皇帝唔急太監急啦~

好彩買完即刻行去趕車~

幸好唔算太遲~

仲有時間慢慢嘆早餐~kaka

工作依然繁忙~

平時星期六都好d既~

而家星期六都好似平時咁~

忙到暈呢~

放工準時閃人~

買野食返屋企開餐~

食飽休息一陣~

就出門口到醫院探望嫲嫲~

嫲嫲~今日都算精神~

可惜~似乎心情麻麻~

同我一樣~

好多心事~好煩惱呢~

問候一下~

陪嫲嫲散步~陪嫲嫲食飯~

傾下計~開解一番~

傍晚時份~

蝦子餅都黎醫院探嫲嫲~

之後就一齊離開啦~

同蝦子餅到嫲嫲家睇下~

順道幫植物淋水~

之後就買多幾條孔雀魚~

食埋大拇指米線就慢步回家啦~

休息一陣~

忙碌將魚兒們放入魚缸啦~

餵埋魚仔~

再幫鼠鼠們沖涼洗籠~

今晚真係好快手呀~

可以安心睇電視輕鬆一下啦~^o^

kaka

悠閒星期六…這個早餐令我充滿Energy 呀！ (♡˘ө˘♡)

忙亂星期五

可能琴晚食左餐開心晚餐~
個人relax左好多~
舒服心情令人更覺好訓~
早左訓~充足睡眠~
今日似乎特別精神啵~
工作依然忙碌~
好多鎖碎事都要跟進~
好多單要打~
好多維修機需打報價單~
好多維修機要開job~
好多文件~好亂~忙到暈~ =.="
lunch同幾位同事趕頭趕命到遙遠既大廈食麥當當~
再次推出玉子將軍漢堡~
好味道~
再配埋紫菜粉shake shake薯條~
嘩~好好味呀~
幾位同事都食得相當開心~
不過~路途遙遠~
回程又要等車都幾麻煩呢~
下次又唔知幾時先可以好似咁落去食啦~
下午繼續忙亂~
更遇上麻煩客人~
好彩最終攪得掂~
放工準時閃人~
今晚繼續蛇王~
唔去醫院探病~
就當比自己抖下啦~
回家途中~
先到超市購物~
屋企好多用品,食品都需要入貨了~
今晚咁早返屋企~
大把時間可以休息~
仲可以安心睇下電視~
真舒服~
睇完電視就同bb魚換水洗缸~
bb魚大左dd~
但仍然算細粒~
唔知幾耐先養到大呢~
正當我浪衫,收衫時~
得知一個消息~
聽完後更覺心痛~
痛心到抱頭痛哭~
究竟仲有無其他方法呢~
苦惱~
睇黎今晚又失眠呢~.~

補祝生日飯@紅磡一品雞煲

琴晚又訓得唔好啦~

已經夠晒夜訓啦~

仲失眠訓唔霖~

攪到今日又無晒精神啦~

工作相當繁忙~

又返左好多維修機要開job~

又要急趕開單送貨~

又急又亂~

忙到暈呀~

下午繼續努力~

勁攰之下仍死頂到放工~

面不改容~

掩飾得真好呢~

放工準時閃人~

今晚旺旺約左我,蝦子餅,車仔補祝生日飯~

隔咁耐仲有得慶祝~

多謝晒呀~

行陣街等埋一齊出發~~

由旺旺轉車接送到紅磡~

今晚食一品雞煲~

等一陣好快有位~

可惜要搭枱呢~

不過~絕對影響唔到我地食野同講野~kaka

雞煲真係好好味~

今次食小辣~

我就覺得唔夠辣啦~

但佢地竟然個個嗌辣~

估唔到佢地咁唔食得辣啵~

香滑雞肉~令人回味~

手切肥牛~蠔~4寶丸~

水餃~雲吞~魷魚~豬皮~豬潤~翠玉鯇~

好多火鍋美食都好好味~

邊食邊講笑~

食得開心~

多謝旺旺咁有心請我食生日飯~

真好呀~

食飽都已經11點啦~

好彩有旺旺順風車車我地返黎~

唔係又好夜啦~

休息片刻就準備沖涼休息啦~

今晚呢餐晚餐總算令人輕鬆晒~

朋友萬歲~~多謝你呀~^^

仲有生日飯食^o^多謝呀!! ☆^O^☆

              

傾盆大雨

今早又落大雨啦~
原定既計劃又被打擾~
又攰又頭痛~
真係好想病假好好抖下呢~
無奈工作繁忙~
只好死頂返工~
返工途中~更遇上傾盆大雨~~
即使早有準備~
奕難免都會濕晒呢~
真狼狽~
工作繼續忙碌~
又要跟單,又要開job~
更有不小維修追機~電話查詢等~
更覺混亂呢~
幸好好返捱到6點~
準時閃人~
趕車到醫院探望嫲嫲~~
嫲嫲今日精神不錯~
相信好快就可以出院啦~
而嫲嫲出院後既生活仍在安排中~
希望可以搵到個兩全其美既方法啦~
探完嫲嫲就坐車返黎啦~
趁有時間到超市購物~
再等埋蝦子餅返黎~
一齊買麥當當返屋企開餐~
簡單~美味~我中意~
邊食邊睇電視~
真舒服~
休息片刻~
就忙碌幫鼠鼠們沖涼洗籠啦~
今晚蝦子餅攰到係梳化訓著左~
見佢咁攰~奕唔想嘈醒佢~
只好一個人努力幫鼠鼠沖涼啦~
又要洗~又要抹~
的確有d輪盡~
希望今晚唔好整到咁夜啦~
好攰~我都想早d休息呢~

新開始

自yahoo blog宣佈停止服務開始~
已經煩惱左幾日啦~
今日終於解脫啦~
正式轉到google blogger~
新版面需要時間去適應~
希望快d習慣啦~
工作依然忙碌~入data~
開job~跟單等~
又忙又亂~
忙碌真係令時間過得好快~
準時收工閃人~
趕車到醫院探望嫲嫲~
嫲嫲今日精神都幾好~
不過似乎心情麻麻地~
我陪嫲嫲散步傾計~
開解下佢~
其實近日我同姑姐都好煩惱~
嫲嫲出院後既生活點安排好~
我地已經努力想緊辦法~
希望會有最好既方法啦~
探完嫲嫲就坐小巴到kt 等蝦子餅放工~
再到apm食晚飯~
新開既food court似乎幾靚~
一於入去試下啦~
味道不錯~
不過~似乎無咁方便啵~
比以前等得更耐呢~
之後就返屋企休息一陣~
再幫鼠鼠換水換糧~~
今日好攰呀~
都係早d休息啦~
gd night~