點解又會無啦啦諗起打Blog呢?因為突然有所感觸抒發一下😊
琴晚同個同事睇戲,真係夾左好耐先有時間去睇!!!
[ 29+1 ] 場數唔多,但依然爆場,勁呀!
據講女人到左30歲又一個關口,要到30歲先識開始了解自己想要D咩,先識去睇清楚呢個世界?
有D人會為自己事業拼搏,面對住極大工作壓力,甚至會犧牲某D野去完成自己......
有D人會係30歲前結婚,再生個小朋友,組織一個理想既家庭......
有D人會選擇平平淡淡,咩都唔需要改變一直生活落去......
原本一切順利既林若君,突然面對工作壓力,痛失親人,失去男友,種種都令佢唔識應對....
相反,黃天樂性格開朗樂天,會以樂觀態度面對所有事,悲劇命運都可以樂觀面對...
有D情節相當貼地,套戲好寫實,我都好欣賞2個角色都做得好好,對比下更顯得出色!
親人離開一Part更有所感觸,一個人離開後,留低既只有回憶,...
開心同唔開心都一樣要面對!!
將一D負面既情緒轉化為力量,用行動做更多有意義,令自己無悔既事!
加油向前行!勇敢面對!即使29+1 又有咩好驚呀! 😊
