月尾

4月份的最後一天~
捱埋今日~
終可放1日假啦~
實在太中意放假啦~
早上忙碌開job~開單~
本來心情不錯~
突然收到肥佬內線電話~
叫我沖定壺茶比客~
當時已經有d氣難下~
心諗~公司阿姐係到點解要叫我沖茶?
轉頭又見到阿姐準備緊沖茶~
原來佢話老闆娘叫佢左準備~
咁肥佬又叫我做乜呀~
最好笑係~
個客黎到~幾個人都唔飲茶~
又要叫阿姐再沖咖啡~
成堆人係會議室開會~
攪到公司好似無晒人做野咁~
街客上黎維修都要等~
電話更係聽唔切添~
幾經辛苦先捱到lunch~
今日約左蓮姐~東東~寶寶到百樂門飲茶~
四人盡情咁食~
好滿足~
最自由就係呢段時間~
唔使睇人面色唔使理人~
下午繼續遊魂~
個心早就放假了~
放工快快手換工卡離開~
坐車到kt行街等蝦子餅~
順道到電話鋪換mon貼~
靚晒啦~
行左好耐蝦子餅都未收工~
實在無力氣再行了~
只好企係到等~
等到9點幾又餓又攰~
終於等到蝦子餅~~
即刻快快坐車返黎~
趕快到附近搵食~
好彩呢間壽司唔使等~好快有位~
太耐無食刺身~壽司~
係咁食~好味道~
仲有最愛芝士餅~正呀~
食飽返屋企睇電視~
坐下~抖陣~舒服晒~
明天放假~
可訓到自然醒啦~
yeah~
放假萬歲~

魔警

星期二了~

再捱多一日可放假~

hoilday mood已一早出現~

整日有點遊魂~

有同事好有勇氣地請多2日半假~

一連放足6日~

登佢高興~真爽呀~

開job~跟維修~有點悶~

整日望見it同事不停忙碌整電腦~

原來係為新同事作出準備~

肥佬就開心啦~

佢果邊又多兩個自己人啦~

放工快快閃人~

坐車到荷里活睇戲~

今晚睇【魔警】~

等埋蝦子餅~再買汽水爆谷入場睇戲~

劇情一般~似乎唔夠緊張~

吳彥祖演技出色~

表現出內心掙扎~奕正奕邪的感覺~

張家輝雖然戲份不多~

但奕表現得相當出色~

不過~似乎有d浪費~出鏡唔夠多呢~

有點血腥~核突~

特技不錯~爆破場面震撼~

呢套戲無驚喜~無笑位~唔算緊張~

唔稱得上差~

但奕唔叫好睇~

幸好星期二特價日去睇~

蝦子餅直頭悶到呆左~kaka

睇完戲就坐車趕返屋企啦~

咁岩今晚11點至6點大廈暫停食水~

再唔快d沖涼恐怕無水沖涼啦~

要快d先得啦~

又到星期一

又到星期一了~
又係新既開始~
今日既工作不太繁忙~
仍然有點遊魂~
有點魂不附體的感覺~
至於心情就比琴日好~
有點輕鬆~
整日沒有理會其他人~
只努力做自己既工作~
放工快快閃人~
到荷里活買飛~
行下街消磨時間~
可惜無收穫~
行一陣就慢步返黎~
又到附近商場行街~
等待蝦子餅返黎~
今晚約左旺旺~肥仔一齊食飯~
我發覺佢地每到星期一就會即興約食飯~
唔通佢地屋企星期一唔煮飯既?kaka
我地到意八食西餐~
簡單又好味~
邊食邊傾計~
玩樂~打機~
都幾傾得埋~
食飽就各自回家~
睇陣電視~幫鼠鼠換木槺換糧~
又完了一天的工作~
有點攰~
早點休息吧~
good night~

冇電恐懼症

當你以為叉爆了卻原來1％都冇叉到。。。你會發癲的。

無聊的星期日

無聊的星期日~

很沉悶~

沒有外出~

只留在家中煲劇~

睇完一套(Master's Sun)~

繼續追(步步驚情)~

太多事發生~
很難受~
即使忍受奕氣難下~
好想外出散心一下呢~

大鄉里出城

終於捱到星期六了~
只係返左兩日半工就已經咁辛苦~
真很難想像日後日子點樣過~
無心工作令人更加頹廢~
放工步行到K F~
已經有好多年無去K F~
逃避某D人可以避足咁多年~
如果唔係約左姑姐~
我奕都唔會再落去啦~
今日兩位姑姐,彤彤專程搵我TEA~
先到好好粥麵食午餐~
邊食邊傾計~
食飽就開始行街街~
係BOSSINI買左2件衫~
都幾好笑~係情侶親子裝~
4件T 恤上印有DAD~MOM~BOY~GIRL~
好攪笑~
我覺得好CUTE~所以買左DAD~MOM~
呢件就係咁年來~
第1件情侶衫~
真悲哀呢~
四圍行街~行下精品店~
彤彤想買電話充電線~
於是行到葵涌廣場繼續努力~
好多靚衫~好多野睇~
我就同彤彤表妹一齊行~
2個姑姐後面行傾計~
佢地話好似陪女行街咁~
這場面我不太習慣~或者我未試過啦~
行左幾個鐘~彤彤暫未搵到心儀筆袋~
於是坐車到荃灣行千色~~
行左咁耐~總有點攰~
傍晚時份再TEA一TEA~
飲杯野休息一下~
之後繼續行~行到吉之島~
係家品部又買左唔小野~
再行超市買野食~
嘩~今日行左好多地方呀~
買左好多野~
好似大鄉里出城咁~
行得開心~買得輕鬆~
行街購物無煩惱~
真係好~
今日一計~
先想到~我同表妹彤彤看似沒有代媾~
實際年齡原來差別很大的~
哈哈~很誇張~KAKA
行到8點幾~
真係要離開啦~
好小行到天黑黑的~HAHA~
同大姑姐坐MTR返黎~
返到屋企差不多9點半~
蝦子餅當然唔記得我~只掛住訓~
睇完電視我就叫佢起身食野~
係吉之島買左蟹棒沙律~薯格~蝦餅~炸蟹鉗~
仲有TEATIME外賣既豬扒包~
WO~好味道~
食飽飽就準備幫鼠鼠沖涼洗籠啦~
近日天氣開始熱~
佢地好心急要沖涼換木槺呀~KAKA

日日如是

今日係星期五~
未到放假~仍然要繼續返工~
心情沒有太大進展~差不多~
今早鄭經理約今晚一齊食飯~
話約左好耐無見既歌莉亞小姐~蓮姐同東東聚下~
無奈我尚未有心情~拒絕了~
蓮姐奕直說因由~
我只好講遲d先搵佢地食飯~
堆積如山既工作~
始終未能專心處理~
每日hea住返工~日日如是~
好沉悶呀~
放工又唔想返屋企~
又再次四圍行~
行一陣已經好攰~
只好返屋企休息~
趁有時間~
幫大細魚缸換水洗缸~
之後繼續食未食完既pizza~
睇埋電視大結局~
再繼續煲Master's Sun~
而家睇電視已經係我唯一既寄託~
其他既都不再感興趣~
現時既生活唔太適合我~好悶~
好懷念以前自己住既日子呀~

忙到7彩

放左兩日假~
今日返工果然忙到7彩~
成堆文件~幾袋維修機~
堆晒係枱面~
亂七八糟~
聽講琴日有人仲做到踢晒腳~
有人黎整機都無人理~
按門鐘又無人理~
連電話查詢都無人理~
唉~人手不足~
真煩呀~
整日都忙於開job跟單~
肥佬lunch好風騷問我放假去左邊到玩~
我好認真答有事無去玩~
佢好似完全唔知情咁~
我絕對唔信佢咩都唔知囉~
整日忙碌~好亂~
間中做做下野都有點燥~
更想起了嫲嫲~
不禁~又眼濕濕呢~
放工好唔想返屋企~
想行街又無地方去~
好無聊~有點迷失~
最終都係返屋企睇<步步驚情>~
蝦子餅買pizza返黎作晚餐~
可惜~胃口不太好~
其實我仲介意~~
氣難下~
我只想靜下~

相沖相剋

紅 事 不 能 沖 白 事

紅 事 不 能 沖 白 事 ， 這 是 傳 統 中 國 人 的 禁 忌 ， 有 些 人 認 為 是 迷 信 ， 只 要 時 間 配 合 到 ， 是 沒 有 問 題 ， 可 以 同 時 進 行 ， 百 無 禁 忌 。 實 際 上 「 相 沖 」 這 禁 忌 是 不 容 忽 視 的 ！

每 年 頭 很 多 堪 輿 大 師 都 會 提 到 ： 某 種 生 肖 的 人 這 年 會 刑 太 歲 、 某 種 生 肖 的 人 這 年 會 沖 太 歲 。 例 如 在 馬 年 ， 肖 馬 的 人 會 刑 太 歲 ； 肖 鼠 的 人 會 沖 太 歲 ！ 這 年 有 刑 有 沖 的 人 ， 都 可 能 會 比 較 動 盪 、 煩 惱 ！ 嚴 重 的 更 會 有 血 光 、 災 禍 ！ 這 便 是 五 行 相 刑 、 相 沖 的 影 響 。 而 筆 者 亦 曾 於 刑 太 歲 那 年 特 別 煩 惱 、 沖 太 歲 那 年 更 發 生 過 血 光 之 事 。

中 國 人 對 於 相 沖 是 更 為 重 視 的 ， 所 謂 物 沖 則 散 ！ 但 怎 樣 才 叫 沖 呢 ？ 當 兩 種 極 端 事 物 相 遇 時 便 叫 沖 ！ 術 數 上 是 ： 子 午 沖 、 卯 酉 沖 、 寅 申 沖 、 辰 戌 沖 、 丑 未 沖 ， 生 肖 上 即 是 ： 鼠 沖 馬 、 兔 沖 雞 、 虎 沖 猴 、 龍 沖 狗 、 牛 沖 羊 ， 這 是 生 肖 與 太 歲 的 六 沖 ； 亦 是 方 位 上 的 六 沖 。 如 地 北 與 天 南 ﹣ 象 徵 水 與 火 ； 極 西 到 極 東 ﹣ 象 徵 金 與 木 。 當 兩 種 相 反 的 特 質 放 在 一 起 ， 便 產 生 了 所 謂 “ 金 木 交 戰 、 水 火 不 容 ” 的 “ 沖 ” ！ 會 引 來 急 促 的 變 化 起 伏 。

同 樣 道 理 ； 紅 事 是 極 喜 、 白 事 是 極 悲 ， 當 這 兩 總 極 端 事 情 發 生 在 同 一 人 身 上 ， 那 人 的 便 要 承 受 沖 的 力 量 ， 後 果 會 可 想 而 知 。 而 即 使 是 來 賓 如 帶 著 白 事 的 氣 息 ， 都 會 沖 到 辦 紅 事 的 主 人 。 雖 然 力 量 會 比 當 事 人 同 時 發 生 紅 白 事 為 低 ， 但 這 沖 的 力 量 都 同 樣 存 在 的 ！

所 以 奉 勸 各 位 ， 如 家 中 有 白 事 ， 應 要 避 免 與 紅 事 相 沖 ， 即 使 是 要 好 的 朋 友 辦 紅 事 ， 為 免 沖 到 主 人 家 ， 還 是 避 免 出 席 喜 宴 吧 ！

送別嫲嫲

昨夜仍然難眠~
好在早上很知醒~
坐的士到達~
送別嫲嫲最後一程~
仍痛心~很難過~
除傷感更感憎恨~
這事上~
叔叔,姑姐們辛苦了~
盡心盡力為嫲嫲處理好後事~
送別嫲嫲最後一程~
第1次坐上靈車~係老豆~
第2次坐上靈車~係嫲嫲~
感覺很難受~
很痛心~
我同嫲嫲的感情~
比老豆~爺爺更深更深很多倍~
其實我已接受嫲嫲離開~
但傷感~眼淚似乎沒有停止~
其後一同到酒樓英雄宴~
我認我有點情緒不穩~
已忍不住爆發~
同時~我更痛恨自己~
答應了嫲嫲的~始終做唔到~
日後的路將更難行~希望我學會習慣…

告別嫲嫲

今日仍然放假~
昨晚訓極都訓唔到~
幾個鐘醒幾次~
夢境全是嫲嫲~
到今日要出殯了~
非常傷心~
喊得最勁係琳琳~
希望嫲嫲安心上路~
有d事~解決不了~
討厭這種人~這種人生~
待嫲嫲所有事辦妥~
我將會繼續自己的人生~

病呢回事……

病好有「性」，放假就病，返工就病好。

點解？因為佢知你有好多嘢未做囉......

當然，你亦可以借機射波吧......

復活節假期第四天

復活節假期的第四天~

紅假期的最後一天~

仍然沒有特別事做~

三姑姐,彤彤兩個專程出黎搵我地飲茶~

大姑姐,姑丈~我同蝦子餅~

6人一齊飲茶真輕鬆~
姑姐仲拎左自製腸仔包請我地食~
多謝啦~

富臨向來人多混亂~

就連加水都要自己黎~

幸好美食搭救~

唔係實無人幫襯~

慢慢食左個幾鐘~

今次仲有大姑丈請客~

多謝晒~

之後三姑姐就同大姑姐到商場買野比嫲嫲~

而我就帶彤彤返屋企~

睇下電視玩下鼠鼠~

仲一齊研究整燒肉~

彤彤仲幫手用鬆肉針拮燒肉皮~

整出黎都似似地架~

可惜~彤彤無試到就走啦~

下次成功再請大家試啦~

睇陣電視就開始煮飯~

今晚有自家製燒肉~

可惜太小~唔夠食呢~

再試整埋燒豬頸肉~

不過~過火左~燶左d~=.="

下次再努力~

食飽飽就幫鼠鼠們沖涼洗籠啦~

攪掂整好野就早d休息啦~

明天要做早起~

good night~

復活節假期第三天

復活節假期的第三天~
仍然係好好既休息日~
好訓到中午先起身~
原本想同蝦子餅落街食野~
開電視無意中發現做緊(功夫)~
雖然我地睇過幾次~
但睇開又唔想錯過~
於是決定留係屋企煮野食~
我地今日食叮叮點心~燒賣~蝦餃~
仲有萄汁雞皇意粉~
快捷方便又好味~
邊食邊睇電視真輕鬆~
睇完電視就出發到老人院探奶奶~
奶奶今日再次開腔講野~
雖然唔係好多句~
而且聽唔明~
但始終係一大進步~
而家佢識點頭或擰頭~
都算唔錯啦~
探完奶奶就到附近街市~
想到衣紙店鋪睇下有無咩送比嫲嫲~
最終買左一套玉石手飾同按摩椅~
希望送比嫲嫲~嫲嫲會中意啦~
睇完衣紙~
就到超市購物一番~
蝦子餅未去過呢個超市~
好似開心大發現咁~行得好開心~
陪我掃左幾款肉類~生菜~生果等~
買完餸就返屋企煲湯煮飯啦~
今晚煲紅蘿蔔海底椰豬展湯~
可樂雞翼~xo醬炒生菜~
味道不錯~好味道~
但係可樂雞翼應該係失敗左~
無可樂味既~似鹵水雞翼多d囉~kaka
食飽洗碗~睇陣電視~
總算悠閒~
咁就過左3日假期啦~
唔使返工真係舒服呀~

復活節假期第二天

復活節假期的第二天~
也沒有特別事情~
好似平時星期日放假咁~
休息一下~
中午起身睇陣電視~
煮扎肉鮑魚撈麵做早餐~
睇返舊既電視劇~
洗衫~做下家務~
原定打算傍晚時份去探奶奶~
點知蝦子飯又掛住訓晏覺~
唔願出街~
最終都係無去到~
整天都無出過街~
宅男加宅女~.~
好彩唔落街屋企都有野食~
夜晚煮餃子酸辣湯螺絲粉~
仲有泰式凍蝦~
好味道~
食飽就幫鼠鼠們沖涼洗籠~
過左潮濕既春天~
鼠鼠似乎又無咁炆掙~
乖返好多了~
放左兩日假好舒服~
但無工作分散一下~
似乎更覺傷感~
更多時間思念~
即使係廚房洗碗都會喊得出~
又頭痛了~早點休息~

復活節假期第一天

復活節假期第一天開始了~
比平時訓多1個鐘~
起身刷牙洗面~
準時10點出門口~
今日約左大姑姐,三姑姐~
一齊到龍山寺探望拜祭爺爺老豆~
順道交相比龍山寺~
方便下次嫲嫲骨灰龕上位之用~
而蝦子餅就唔可以陪我地去啦~
要留係屋企等房署黎油油~
去到龍山寺~
表面上大家都專心準備拜祭爺爺老豆~
但內心卻相當難受~
以往拜祭爺爺老豆~
我都會話希望嫲嫲身體健康~
更希望爺爺老豆守護嫲嫲~
保她平安~
今次有點不同~
希望爺爺老豆守護嫲嫲之餘~
奕希望在天上一起也快樂~
拜祭完畢~
坐車返市中心tea一tea~
食飽飽就到附近商場行陣家品店~
行完一輪先各自回家~
臨離開mtr前~
同三姑姐傾一陣~
得知~早前我facebook換左嫲嫲張相~
令大姑姐傷心哭了~
心內非常內疚~
一講起嫲嫲~
仍然傷感眼濕流淚~
傾左一陣~
各自回家~
返屋企拎野上去搵大姑姐~
順道到超市買餸~
唉~屋企附近無左間超市~
只好去到較遠既超市買餸~
買完餸就返屋企準備一下~
椒鹽豬扒~xo醬炒生菜~煎水蛋~
簡單又好味~
而且仲好早食飯~
真係好呀~
洗埋碗睇陣電視~
總算輕鬆d~
明天復活節假期第二天~
終於可以訓到自然醒啦~^^

假期前夕

返埋今日放假啦~
4天復活節假期可以輕鬆下~
雖然無特別地方去~
但輕鬆下留係屋企都唔錯啦~
反正都無心情去玩~
休息下仲好啦~
今日工作較忙~
早上不停整理維修機~
打單~報價~開job~
由於22,23日將繼續放假~
工作必須於今天完成~
好急趕呢~
下午忙完整理文件~
突然杜經理問我放假去邊到玩~
我都唔識比反應~
心裡一沉~
只係話有事做~
佢仲唔醒目繼續追問~
只好示意叫佢唔好再問啦~
差d我就忍唔住喊出黎~
只好繼續忙碌~
好快又收工~
交低其他公事比寶寶同事~
可以走啦~
臨收工前~
老闆娘問我嫲嫲幾時出殯~
比個信封我~
仲話係便心~
我都唔識講野~只係話唔使~有心~唔該~
這種人情~不能欠~
之後到公司附近超市購物~
買左好多野返黎~
又一次山長水遠搬返黎~
今晚整蜆肉磨菇白汁意粉~
煎左幾隻大大帆立貝~
仲有首次煎羊架~
用香草~黑胡椒醃~
加埋燒肉汁~味道一流~
正呀~
之後睇陣電視~
再幫鼠鼠換水換糧~
假期前夕~似乎特別精神~
希望唔好太夜訓~
明天仲要早起去探爺爺老豆~
good night~

韓文班第12課

今日有d不在狀態~
頭痛又眼訓~
工作忙亂~
好多文件要處理~
更有好多維修機要跟~
似乎開始回復正常~
唔會再好似之前3月咁清閒lu~
lunch仍然留係公司食飯~
無意中聽到陳小姐同寶寶講起母親節點慶祝~
心裡一沉~
只想快快訓著~咩都唔好諗~
小睡片刻~
真係好訓唷~
下午好多街客前來維修~
個個都話急~個個都話趕~
做到個人燥呀><
東師傅放假無人整機~
只好硬住頭皮比脾氣大既邦師傅整~
唉~
放工快快閃人~
先到醫療用品店幫奶奶買醫療用品~
再急步行去上堂~
好彩趕得切~無遲到~
今晚上韓文班第12課~
最後一堂了~
有d緊張~
當拎到聽講証時~
更感興奮~
雖然學唔足10成~
都學左幾句基本既說話~
好滿足~
同時仲鬆晒~kaka
放學後坐車返黎搵蝦子餅~
由於今日要去買野~所以無食晚餐~
要快d趕返黎食野啦~
好餓呢~
約左蝦子餅一齊買kfc~
試下新出既雞棒~
返屋企仲可以邊食邊睇電視~
睇完電視就要幫鼠鼠沖涼洗籠啦~
天氣開始熱~
佢地要清潔多d先得啦~

那夜凌晨，我坐上了旺角開往大埔的紅VAN

呢個星期4天工作~

再捱多2日就可以放假了~

整天工作不太繁忙~

渾渾噩噩地渡過~

放工快快閃人~

坐車到荷里活睇戲~

事隔多日~心情稍有輕微回復~

等埋蝦子餅~買爆谷汽水準時入場~

今晚睇【那夜凌晨，我坐上了旺角開往大埔的紅VAN】~
事前並無睇過小說~
但奕略知大概故事~
感覺上~
沒有想像中咁差~
開頭都幾好睇~
懸疑氣氛做得不錯~
笑位都幾多~
笑下真輕鬆~
電影列為3級~
原來不算太血腥~只係粗口JA~
又南表現相當出色~
套戲靈魂人物係司機~林雪~
無左佢~可能套戲會有點失色~
後尾有D拖得太長~

又要留伏線等下集~

呢套戲~好反影人性~
不過不失~
星期2特價日睇2個鐘都抵睇啦~
之後就坐車返屋企~
忙碌洗衫~幫鼠鼠換糧~餵魚~
睇陣電視都係訓唔著~
悠閒地睇下相~
睇見嫲嫲既相~
更不禁流淚~
一睇到就忍唔住~
唉~~
睇黎今晚又失眠啦~
希望明天知醒返工啦~

hoilday mood

昨晚又夜訓啦~
今早精神又麻麻地啦~
hoilday mood 提早出現~
個心好唔想返工呢~
無奈~尚未辭職~
仍要努力呢~
工作未算忙碌~
打單~跟維修~
肥佬整日對人歡笑~對我黑面~
咁睇我唔順一係炒我啦~
黑面~暗串~單打又有咩意思~
黑人憎~
lunch食飽小睡片刻~
訓左15分鐘~
咁短時間都發惡夢~
寶同事話我精神緊張~
叫我放鬆d呢~
我都想呢~
下午繼續努力~
肥佬突然外出~
原來去接某行家的員工~
果間公司香港線結束~
佢就要晒人地既野~
貨車~用具~雪櫃~
甚至司機同2個師奶班員工~
重金禮聘請人過黎~
開心到佢呀~
事不關己~己不勞心~
總知各有各~
唔好攪到我煩到我~
佢有佢開心~我有我收工~kaka
原定今晚打算煮飯~
突然心血來潮又想食kfc~
於是行陣街就返屋企等待蝦子餅~
佢收工時打比我~
話旺旺同肥仔約一齊打邊爐~
未算太熱~仲有冷氣~
還可接收~
4個人一齊打邊爐~
我仲食左好多肥牛~
好味好正呀~
一邊打機講笑~
朋友短聚輕鬆晒~
食飽就返屋企~
睇多陣電視~
幫鼠鼠換糧~
唔使煮飯~唔使幫鼠沖涼~
總算悠閒~
攪掂就沖涼訓覺啦~
good night~

噏乜？

你做乜食晒啲字呀？

搞到我都亂晒......

充實的星期日

昨夜有點緊張~
攪掂晒d野~差不多2點9先訓~
緊張到訓唔著~
蝦子餅陪我到2點已訓著~
只有自己1個有d驚~
蠟燭燒完還有點聲音~
其後~終於訓得著~
訓下醒下~
始終不能熟睡~
心掛掛咁~
訓到朝早8點~突然紮醒~
看見沒有特別~奕沒有分別~
返去繼續訓~
10點幾先起身~
星期日真係好小咁早就起身~
清理好現場~
就煮早餐~
睇陣電視輕鬆下~
做家務~陪鼠鼠玩~
之後就同蝦子飯到老人院探望奶奶~
奶奶精神ok~但似乎心情就麻麻啦~
蝦子餅幫佢剪指甲~
而我就幫忙清潔~
佢就不停掙扎~
很吃力~
之後就到迷你倉放好防蟲樟木~
再坐車到ssp行街街~
早2日壞左hard disk~
要買過新hard disk啦~
行一陣~食酸辣米線~
之後就返屋企啦~
睇電視~幫鼠鼠換水換糧~
很充實的星期日呢~
攪掂就要訓啦~
明天仲要返工啦~
good night~

懷念

捱到星期六了~
返埋今日終於可以抖下啦~
早餐過後~
有幾個街客上黎拎機~整機~
自己都有野跟緊~
突然要打單開JOB~
有D忙亂~
忙完一輪~
就入房問黃生扣假既事~
原來黃生根本睇唔到果句事假備註~
幸好~公司仲會比恩恤假~
知道佢係睇唔到~而唔係大細超到連假都唔肯比~
條氣都順返晒~
其後hea住等放工~
約左大姑姐,三姑姐,彤表妹一齊到茶餐廳飲下午茶~
呢間茶餐廳係同嫲嫲最後一次飲茶既地方~
很懷念~
很傷感~
其後再一齊買蛋糕~祭品~
齊齊返我屋企啦~
姑組們上來我家坐一陣~
細心睇相~
而彤彤表妹就同我D仔仔玩~
同樂樂~笠笠玩得好開心呀~
SO CUTE~
已幫嫲嫲選好相片~
而家一齊再幫爺爺重選相片~
希望揀張更適合的~
選完相片~
一齊準備祭品~
放係枱上~
晚上返黎拆袋就得啦~
很方便~
好感激姑姐們來我家協助一切~
THANK YOU~
之後等埋大姑丈~
6個人一齊到附近西餐廳食晚餐~
一人一份餐~好好味~
一邊食一邊傾計~
好笑又開心~
仲有法式焦糖燉蛋做甜品~
美味呀~
今次有三姑姐請客~
多謝呀~
之後返屋企睇陣電視~
準備沖涼同餵鼠鼠~
早D攪掂晒自己野~
預先準備夜D要做既事~~
希望所有事順利~
嫲嫲~I MISS U~

胃痛~

今早如常返工~
本來一切正常~
忙碌工作~無特別~
約11點幾~
突然十分胃痛~
起初只係有d(乸)住(乸)住~
到lunch食飽飽後~痛得更勁~
只好食粒胃藥止痛~
痛左兩個鐘~
終於唔痛啦~
繼續整理文件~
卻發現一大堆幾個月前既文件~
呢堆文件就係肥佬成日話搵唔到既單~
仲問我放係邊~
難怪一直搵唔到啦~
堆左幾個月先拎出黎比我filing~
真大整蠱呀><
臨收工前~
收到放假表既收據~
得知黃生竟然將22,23呢2日扣我大假~
有點心有不甘~
太大細超啦~
決定明天問黃生-,-"
6點準時閃人~
但條氣仲唔太順~
要快d離開公司呀><
先到街市買紅燒雞翼~.
再去眼鏡鋪拎眼鏡~
新眼鏡好靚~十分喜歡~
之後返屋企睇電視~
等埋蝦子餅返黎開餐~
今晚簡單d整鮑魚麵撈麵~
配埋雲吞牛丸~仲有紅燒雞翼~
十足十去左大排檔咁~
好味呀~
睇多陣電視~再幫鼠鼠沖涼洗籠~
原本應該係明晚先沖涼~
但明晚應該要準備其他事~
只好提早一晚沖白白啦~
攪掂就早d訓啦~
good night~

DIY護膚產品工作坊

昨晚又訓得唔好~

攪到個人好攰呢~

近日經常頭痛~

可能訓得唔太好關係啦~

頭痛~頸緊膊痛~

無奈仍要死頂工作~

無閒休息呢~

工作回復繁忙~

好多野做~

人手不足~

時時刻刻進入緊張狀態~

就快精神衰弱了~

放工準時閃人~

今晚到TST上堂~

早前報左名整DIY護膚品~

準時7點到達~

今晚整3個ITEM~

收緊抗皺緊緻眼霜~

 薰衣草乳木果潤手霜~

 香薰蜜蠟潤唇膏~

MISS細心講解~

講果陣好似明白咁~

但到做果有D輪盡~

好彩~MISS邊講邊教~

其他學員都係幾個人一齊學~

而我1個人學~

有唔明只有問MISS~

好彩~仲攪得掂~

成份天然~自己整~好玩又開心~

成功製成眼霜~潤手霜~潤唇膏~

MISS仲好好人~

用心慢慢教~

原本呢堂只係上90分鐘~

但係大家進度都較慢~

差不多要120分鐘先完成晒~

攪掂就快快趕回家啦~

蝦子餅奕等我返黎食野~

附近幾乎無野食買了~

只好買麥當當返屋企開餐~

睇陣電視~慢慢食~

再幫鼠鼠換糧~餵魚~

今晚上完興趣班~總算輕鬆D~

下次繼續~好好玩呀~

我整架~眼霜~潤手霜~潤唇膏^^v

韓文班第11課

今日工作相當繁忙~

好多job要開~

好多單要打~

相當充實~

忙碌令時間過得好快~

奕沒有時間思想其他野~

放工~快快閃人~

今晚上韓文班第11課~

kit小姐已經放棄了~

佢已經講左~最後兩堂都唔會出現~

唉~

食個麥當當醫肚~

再去上堂啦~

今次1個人上堂~

唔明都無得再問人啦~

自己努力啦~

已經好努力去學啦~
但仍聽唔切~

下星期係最後一堂~
繼續加油呀~

落堂後坐小巴返黎~

睇陣電視~執下郵票簿~

好快又到休息時間~

早d訓~抖下啦~

好攰呢~
good night~

美國隊長2

嫲嫲離開剛一星期~
本來心情稍有平伏~
但想起今日係頭七~
更思念~更想念嫲嫲呢~
近日有姑姐們安慰~老公開解~同事哄我笑~
已漸漸振作~
忙碌工作可減輕傷感~
更要腦筋清晰處理嫲嫲的後事~
姑姐們盡力為嫲嫲安排~
慶幸還有她們決定所有大小事情~
今日都幾忙碌~
公司大部份人外出開會~
無晒人氣~水靜河飛~相當清靜~
但電話就響過不停~
查詢電話眾多~
但無人處理呢~
接電話都接到煩~
真係無咩心機做野呢~
放工到荷里活等待蝦子餅~
佢已經等左好多日話要睇戲啦~
是但啦~陪佢放鬆一下~
星期二睇【美國隊長2】~
經濟又抵睇~
講真~其實無咩心情睇戲~
不過~當輕鬆下啦~
開頭有dd悶~
中段開始緊張~
特技效果不錯~
場面震撼~
間中有幾個笑位~
星期二特價日睇2個鐘~
都夠晒抵睇啦~
睇完戲返屋企整理家務~
好多野要執~
仲要幫鼠鼠換木槺換糧~
希望快手d攪掂~
唔好再咁夜訓啦~

毒舌

有些人，係要批評下你才開心。

如果佢係你波士，除咗笑下同啞忍，都冇咩可以做。

忙碌的一天

放完2日假~
又要返工啦~
今早非常忙碌~
好多貨要處理~
單係要趕呢批貨~
足足整左幾個鐘~
非常忙亂~
整理後~
更要幫忙處理寄貨~
唉~
人手嚴重不足~
一腳踢呀~
加上寶同事放假~
無人傾談更覺孤單~
lunch胃口不佳~
食個點心後小睡片刻~
下午繼續努力~
可惜胃痛有點力不從心~
放工到附近街市買餸~
無左間超市真不方便呢~
山長水遠咁拎返去~
又唔知買咩好~
有d輪盡呢~
返到屋企匆忙準備晚飯~
簡簡單單算了~
食飽睇陣電視~
執下郵票簿~
本想開三姑姐隻usd睇相~
可惜~開唔到~
只好等明天返公司再試試~
忙碌的一天~
令心情有所平伏~
不要亂想~早點休息吧~
good night~

暫存迷你倉

昨夜又訓得麻麻地~

可能因錯手殺死飛蛾而耿耿於懷~

記得嫲嫲曾說過不要殺死飛入家中的飛蛾~

又或者聽到叔所說關於嫲嫲的事~

日有所思~夜有所夢~

竟然發夢看見嫲嫲~

夢境中~嫲嫲沒說甚麼~

只是安靜的望住我~

紮醒後~更掛念嫲嫲呢~

起身煮麵做早餐~

之後趕到老人院探望奶奶~

順道交4月份院費~

再開旺旺架車去入油~

之後就到嫲嫲屋企等候~

我最先到達~

一個人望住這間屋~

望見嫲嫲既衫~

很傷感~

又眼濕濕了~

等埋姑姐到達~

一齊為嫲嫲選衣~

揀左幾件嫲嫲較喜歡的~

將會陪同嫲嫲一同陪葬~

其他鐵箱~行李箱~

將送到迷你倉暫存~

蝦子餅幫忙開車睇車~

我地自己上去搬~

好彩唔算重~

完成後~

一齊返黎tea~

三姑姐請客~

多謝~

其後各自離開~

我同蝦子餅為慳點時間~

迫車在附近~直接去整頭~

今日做負離子~染髮~

比預期的時間更耐~

某職員用風筒吹頭髮~

竟然吹到我頭皮好熱~好痛~

另一個同事更整到我件衫濕晒~

今次整頭髮有點不愉快~

很失望~

下次唔多想再幫襯呢間呢~

最終8點半先走得~

唉~坐左4個半鐘~

腰酸背痛了~

之後開車到荷里活廣場~

蝦子餅提意到戲院買星期二既特價飛~

之後到小王牛肉麵食晚餐~

第1次食小王~

味道的確不錯~

呵仔煎更鮮味可口~

雖心情麻麻~但最終還是影相留念一番~

食飽就返屋企啦~

簡單執好嫲嫲物品~

嫲嫲家中既相已暫存我家~

仲有以前送比嫲嫲既紀念品~

以及~幫嫲嫲選好既衣服~

執好晒就幫鼠鼠換糧餵魚~

今日四圍走又落雨~

有d攰啦~

早d休息啦~

good night~

清明假期

今日清明節假期~
可以訓晏d了~
昨晚又訓得麻麻地~
今早10點就起身啦~
起身做左一輪家務~
再整早餐~
其後坐mtr出去~
約左姑姐們一齊去代辦殯儀既公司~
呢間公司有一條龍服務~
而且比大公司便宜~
反正我地都係自己人辦事~
唔會有其他親戚朋友~
禮堂細d都可以啦~
最終選擇左呢間~
法事~打齋~衣紙~火化~
一條龍齊晒~
更已幫嫲嫲擇日出殯~
經商議~棺木顏色~壽衣款式奕已選妥~
每當提起嫲嫲~
我都會眼濕濕~
很難過呢~
心情很不快~
辦妥事後~
一齊去食下午茶~
心情稍有平伏~
其後~各自離開~
同蝦子餅到花墟~
一心想買個靚花樽~
行左幾間~終於買到紫色大花樽~
好襯我d富貴竹呢~
行下行下~
突然想買束鮮花返屋企~
最終買左一束色彩繽紛既花~
有粉紅玫瑰~藍玫瑰~2枝又紅又橙既花~
仲有幾枝襯花~
見到呢束花~就令人心情放鬆~
於是決定買返屋企哄下自己~
回家後~忙碌整理鮮花~
更要幫大魚缸換水洗缸~
有點忙呢~
晚餐叮返熱pizza~同咖哩海鮮飯~
雖然隔夜晚餐~
但仍然好味呢~
睇陣電視再幫鼠鼠沖涼洗籠~
這個假期都算充實~
今晚早點休息~
明天又有新任務呢~
good night~

你變晒喇...

同事們，情願他們即日離去吧！

離職的，也不願逗留整個月吧！

哀傷

琴晚徹夜難眠~
訓極都訓唔到~
懶訓既我~終感受到失眠的感覺~
今早起身~眼睛較乾~
幾經嘗試先帶上隱形眼鏡~
好想帶有框眼鏡~
至小令眼睛舒服D~
可惜~新的眼鏡仲未有~
今早工作相當繁忙~
根本無時間諗野~
又要跟寄貨~
又要跟客人查詢~
仲要幫杜經理跟出貨~
轉頭又到鄭經理問我D客既事~
跟住又到T先生叫我幫手叫車送貨~
唉~人手不足就係咁亂~
下午~叔打電話問我~
嫲既事點處理~
以及二姑姐何時返~
已坦言一切~
奕問過三姑姐~
三姑姐今天拿醫院証明到生死註冊處辦手續登記~
嫲嫲的死因係肺炎~高血壓~心臟問題~中風~
睇見呢張死因証明~
更傷感呢~
姑姐們更會拿其他後事資料看看~
再商量如何處理~
放工後要幫朋友拎野~
再去樂富等蝦子餅放工~
其實~今日係我同蝦子餅拍拖17年紀念日~
可惜~心情已不同了~
蝦子餅想我行下~
希望我會舒服D~
行到玩具博物館~
大眼開界~
可惜~仍無心情~
連影相既興趣都無~
行一陣~到麻布茶房食飯~
可惜~胃口不太好~
回家後~
又忍唔住了~
好痛~
同三如姐WHATAPP傾談幾句~
更忍唔住~
蝦子餅都唔知點哄我好~
好頭痛~
好想早D休息~

痛

早上返工~
仍未能平伏心情~
但已比昨日好d~
同事看得出我眼腫腫~
多加問候~
沒心情~只好寄情工作~
昨日的工作~
堆積至今天~
很忙~
工作時還好~
很專心~
寶寶間中過黎陪下我~
lunch食飽想訓陣休息~
卻想起嫲嫲~
不自覺地又喊左出黎~
嚇親寶寶呢~
下午努力~還好~
一班朋友係fb留言慰問~
謝謝~
放工坐車返黎配眼鏡~
昨夜不小心跌爛有框眼鏡~
又要再配一副~
又幾千蚊~好貴呢~
剛好蝦子餅早點回來陪我~
想買野食回家~
但餐廳執晒都無得買~
只好買pizza回家~
其間同2姑姐傾電話~
可能無心之失的說話~
令佢傷痛~
講起嫲嫲~
大家都忍唔住喊了~
很傷感~
食飽睇陣電視~
又不經不覺喊出黎~
冷靜下來~
幫鼠鼠沖涼~
諗諗下又喊~
連陪鼠鼠玩既心情都無了~
眼睛有點痛~
頭奕有點痛~
但心更痛~
希望今晚可以訓到啦~

別了~嫲嫲

2014年4月2日~

這令人傷痛的日子~

呢世都唔會忘記~

今早返工~早餐後匆忙打單~

坐的士趕到醫院探嫲嫲~

嫲嫲今日情況轉差~

大姑姐,三姑姐,叔都趕到醫院~

當我到達醫院已經10點20分~

大家一直守護嫲嫲~

陪伴嫲嫲~支持嫲嫲~

嫲嫲呼吸很辛苦~

即使有呼吸機協助仍含氧不足~

心跳奕快~~

這2小時情況差不多~

12點~叔先行離開返工~

還打算明天再來探望~

12點20分~

我們打算分批食飯~

三姑姐先落樓下餐廳~

其後15分鐘~

嫲嫲呼吸開始轉弱~

眼睛有點紅~

已即刻通知姑娘~

奕即刻通知三姑姐回來~

短短幾分鐘~

心跳奕開始下降~

好驚~好難過~

慢慢呼吸停止~

仍有微弱心跳~

數秒後~看見心跳機變成直線~

樣子安祥~

12點45分~
嫲嫲離開我們了~

3人哭成淚人~

嫲嫲~謝謝你這124天的努力~
最終~還是離開了我們~~

你安心走吧~

回去陪爺爺老豆啦~

護士很體恤我們心情~

給我們時間陪伴嫲嫲~

大家一直企在床邊~

捉住嫲嫲隻手~輕撫面部~身體~

雖說已有心理準備~

但仍難面對~接受~

老公其後趕到~

不停安慰~

直至2點半~

護士說真的要處理了~

只好在門外等待~

差不多4點~

有人上來推嫲嫲了~

我們陪同一直運送~

直到真的說再見了~

我們冷靜過後~

到餐廳食野~

兩位姑姐到嫲嫲家執野~

而我同蝦子餅就回家休息~

今晚~原本係要上韓文班~

最終同kit小姐講取消~

很頭痛~回家休息下~

晚上仍沒心情~

一想起~還會喊出來~

嫲嫲~我真係好掛住你~

嫲嫲~你放心~我會乖啦~
大家都會過得很好~
I love you~

充實的星期二

今早天氣仍然很差~
返工時遇上大雨~
有點狼狽~
天雨路滑~
公路上有交通意外~
非常塞車~
遲左半個鐘返公司~
肥佬仲要坐左出黎~
眼啤啤咁~
很無奈~
早上工作有點忙亂~
走既走~
出街既出街~
開會既開會~
人手不足~
電話響個不停~
客人電話查詢無人處理~
d客有點枯燥~
lunch後更忙於開job~跟寄貨~
很充實的星期二~
放工後準時閃人~
坐車到醫院探嫲嫲~
嫲嫲今天仍然氣喘~
呼吸急速~
而且很熱~成身汗~
見佢咁熱咁辛苦~
連按摩伸展都唔敢做了~
很心痛呢~
探完嫲嫲~坐車返屋企~
今晚蝦子餅想試下kfc新出盬酥雞~
買返屋企慢慢嘆~
好味道~
睇陣電視再幫鼠鼠們換糧~
很充實的星期二呢~
good night~