失敗的白汁海鮮螺絲粉

今日又回復繁忙~

整天不停開job~開單~跟維修~

有d亂~

但總算容易渡過~

近日有點腰酸~

好攰好攰~

攰到人都懶了~

今天沒有探嫲嫲~

想早點回家休息~

情況穩定~更有姑姐們探望照顧~

很放心~

既然回家~

想趁機玩下煮飯仔~

坐車返黎~
到超市購物~
今晚試整白汁海鮮焗螺絲粉~
蟹柳~蝦肉~青口~雜豆~
加忌廉磨菇湯~
初初都好好地~
但原來焗既時間與肉醬意粉不同~
肉醬意粉焗10分鐘就岩岩好~
今次既白汁螺絲粉10分鐘就燶晒=,="
下次唔使焗咁耐啦~
焗完粉~就到第2道菜~
芝士白汁焗雙花~
奕係第1次~
西蘭花同椰菜花~
落完白汁鋪上芝士~
可能芝士不足~
沒有預期的效果~
但味道還不錯~
第3道菜係金菇肥牛卷~
以前係煎完再加汁~
今次用更懶既方法~
放埋落光波爐~
幾分鐘後落埋照燒汁就食得~
相當方便~kaka
今餐又善用光波爐啦~
好玩又有新鮮感~
只係~個廚房好似打完仗咁~
哈哈~
除左燶螺絲粉外~
總算滿意~
下次仍需努力呀~
食飽睇陣電視~
再餵鼠餵魚~
都算充實~
2月既最後一天~
再見了~
但願3月會更好~

失敗左＝0＝白汁海鮮螺絲粉濃左(╯з╰)

很胃痛

終於捱到星期四啦~
呢個星期似乎特別難捱~
每日似乎都很沉悶的渡過呢~
今早工作不算繁忙~
仍然普通的工作~
跟維修~跟文件等~
暫時沒有大事發生~
悠閒的做~
總算ok~
lunch後很胃痛~
食左胃藥奕未能痊癒~
只好坐定定係位~
捱痛到放工~
工作其間~
得知大肚婆請假數天~
又得知將會提早離職~
或工作至3月就走~
更驚訝係~老闆準備請2位日本公司遣散既太太黎做~
難怪k小姐離開仲唔請人啦~
唉~日後公司將更亂更糟~
唔知點算啦=o=
放工準時閃人~
到醫院探望嫲嫲~
護士對姑姐說~嫲嫲正常~
只是太乾要輸鹽水~
已沒有氣喘~但手腳仍有水腫~
嫲嫲情況也算穩定~
應該過2日會出院呢~
之後就坐車返黎~
會合蝦子餅一齊到意八餐廳食晚餐~
嘿~突然好想食牛扒~
好耐無食~特別好味~
但胃部唔爭氣~
仍有點胃痛~
食飽飽回家休息一下~
今晚都係早d休息啦~

困擾

呢個洗衣機真係令人困擾~
幾日了~都未能令心情平靜~
今早有人黎收部機回廠維修~
又要我請半日假係到等~
早上請假後~落街買麥當當早餐~
買返屋企食住等~
食飽飽睇陣電視~
無耐師傅到達收機~
收完機就匆忙將廚房還原~
早前怕部機拆走時漏水~
所以d野遲遲唔敢搬返入廚房~
而家拆左部機走~
起碼可以整齊d啦~
搬好物品~
就落街到附近萬寧買野~
順道拎返琴日去磅洗既衫~
返屋企放好後~
又要拎日用品到老人院探奶奶~
抹一抹面~
補充物資~
之後就趕車返工啦~
時間緊迫~無閒食lunch~
只好買包返公司快食~
返到公司忙碌開job~
整理文件~
hea住等收工~
半日真係幾易過~kaka
放工準時閃人~
同kit到t w 食刀削麵~
五香牛肉刀削麵真係好好味~
食到好飽飽呀~
時間岩岩好~
7點準時到達中心~
今晚上韓文第5課~
仍然摸不著頭腦~
講得太快~
聽寫都有點困難~
仍然有d字句抄唔切~
今堂更為複雜~
已開始學句子~
愈來愈深啦~
點算呀~
落堂後坐小巴返黎~
車程順利~
好快返到屋企~
睇陣電視就幫鼠鼠們換糧換紙粒~
雖然今早放假半日~
但個人仍然好攰呢~
今日都做左好多野~
相當充實~
咁攰~
早d訓啦~
good night~

沒有洗衣機的日子~第4日

今早返工似乎特別忙碌~
忙碌開單~忙碌開job~
今日下午放假~
需於上午處理好種種事務~
更有客人前來取貨~
仲要跟收貨寄貨~
十分忙亂~
1點準時放工~
蝦子餅專程開車接我返去~
等我準時係屋企等待洗衣機師傅~
約左師傅今日check機~
等到3點半先到~
點知睇左唔夠5分鐘就話機板無得整~
要call人收機返廠整~
唉~
部洗衣機又渣~d人仲渣呀~
叫佢黎整時已講明部機咩事~
浪費我半日假返黎等~
等完仲要無得整><
真麻煩~
心情欠佳~
只好係屋企睇陣電視當輕鬆下~
傍晚時份出發~
到附近中心配隱形眼鏡~
順道拎d衫去磅洗~
之後就坐車到醫院探嫲嫲~
嫲嫲今天算隱定了~
唔使用貓鬚~奕唔使用心跳機測量~
雖然間中條氣仲有d喘~
但已好得多~
相信過幾日可以出院啦~
探完嫲嫲~
又坐車返黎~
由於十分肚餓~
蝦子餅仲未收工~
只好自己買吉野家返屋企開餐~
邊食邊睇電視~
總算滿足~
蝦子餅最終9點幾先返~
好彩無等佢食飯~
晚間收到電話~
明早有人黎收洗衣機~
唉~又要請多半日假~
麻鬼煩~><
愈來愈討厭惠而浦呢個牌子~
果陣冷氣機買返黎就已經壞左~
新貨都壞已經無晒信心啦~
而家到洗衣機~
用左9個月又壞~
唉~惠而浦真係好渣~
日後必定勸朋友唔好用啦~

憂經濟 中產唔敢生

【晴報專訊】港人遲婚又不願生育，有調查發現50％適齡人士因經濟條件影響生育決定。80後未婚少女指養兒育女如燒錢，「想生都唔敢生」；即使育有兩兒的中產媽媽更慨嘆生活坎坷，五萬月入月月清。

工聯會去年12月至今年1月，訪問591名港人，當中514名是15至49歲適齡生育人士。結果發現，50％人指經濟收入影響其生育決定，其次是教育和居住問題；超過90％認為政府沒有提供足夠鼓勵生育政策。
結婚生育開支最多 80後：二選一
80後的Shirley（化名）與男友正計劃結婚，兩人月入三萬多元，若計及供樓、伙食費、供養父母等費用，「一係結婚，一係生仔，二選一。」她指，結婚及生育都是人生最大花費，即使不擺酒，亦需準備數十萬元作首期置業，「無論供樓或租樓，月最少花一萬元，未計管理費、雜費等，餘下的錢如何養兒育女？生活會好坎坷！」
她續指，由於雙方父母都要工作，無法照顧孫兒，又不放心將子女交由外傭照顧，或需辭職做全職媽媽。另外，現時社會競爭激烈，希望能給子女較好的教育，學費、興趣班等「樣樣都是錢」。
即將結婚的80後陳小姐亦指，與丈夫的經濟能力有限，認為月入至少五萬元才能生兒育女，「未變高齡產婦都唔生住。」
育有兩兒家庭掹掹緊 見步行步
不過，即使家庭月入五萬元、育有兩兒的中產何小姐，亦要捱快餐、公仔麵，甚至由奶奶補貼生活費。28歲生第一胎的她，因工作繁忙，只能做無飯家庭，扣除供養父母及子女等費用，每月只餘下約兩千元，「以前都有時會吃自助餐，現在無娛樂，連與朋友外出吃飯都難。」
雖然經濟壓力未令何小姐放棄生兩個的目標，不過「生完才知道原來奶粉好貴！而且哥哥（第一胎）搶不到有學券的學位，被迫讀國際學校，其後再轉讀官立學校節省開支。」
她稱許多時只能抱着「見步行步」的心態，望孩子長大成人多孝順父母。
贏在起跑綫壓力大碩士媽媽唔追多個
香港養育一個孩子至少花八百萬？香港婦女中心協會總幹事廖珮珊說，除經濟能力外，還有教育、時間、心力等。
她指不少父母希望子女贏在起跑綫，每月花錢讓子女參加各式各樣興趣班，曾有一名碩士媽媽，其丈夫從事生意，經濟尚可，「但生完一個，已經不敢追多一個」，認為身心都有無形壓力，難以負擔。
她倡議政府增加託兒名額，並鼓勵企業實行彈性上班時間，讓年輕夫婦既能穩定事業發展，又可以有經濟能力生兒育女。
另外，政府即將公布財政預算案，工聯會麥美娟建議提高子女免稅額至14萬元、向夫婦提供每年10萬元租住私樓免稅額，並盡快推行15年免費教育，落實男士侍產假。

憂經濟 中產唔敢生

工聯會倡財政預算案提高子女免稅額，鼓勵中產生育。

憂經濟 中產唔敢生

心酸星期一

今日腰酸稍為好轉~

終於都無咁痛啦~

但手臂仍然酸痛~

都怪果日實在太出力啦=,="

今早返工~

老闆娘又黑晒面~

貨倉部無晒人~

硬住頭皮叫佢收貨~

更要聽到悔氣說話~

真無奈~又難頂~

工作不太繁忙~

跟單~跟文件~

沒有太多緊急事要處理~

lunch後有客上黎搵老闆買野~

老闆竟然唔理~

仲要我做傳聲筒比老闆娘~

仲要我招呼埋客人~

唉~煩死人啦~

過多排k小姐走埋~

都唔知點算囉=,="

放工準時閃人~

到醫院探望嫲嫲~

嫲嫲情況與昨日差不多~

間中心跳很快~

面仍有點紅~

手仍水腫有瘀~

但總算隱定下來~

只希望快點出院~

探望其間同三姑姐傾計~

有些心結~有些心事~

有些不愉快~

但總算鬆一口氣~

希望不愉快的盡快忘記~

 希望~i forget~ i forgive~

其實~每當講起嫲嫲~

我都會忍唔住~

痛心既感覺會即刻湧出~

次次都會流眼淚~

願我可以學會放開點呢~

之後就坐車返黎啦~

到超市買個簡單餸~

再返黎煎魚餅~炒菜~

蝦子餅返黎岩岩有得食~

洗完碗~

仲有時間幫BB魚缸換水洗缸~

今晚似乎特別精神~

似乎唔想咁早訓咁~

睇多套戲先去訓啦~

塞

不用灰心，好司機仍在，只是我唔好彩罷了！

疲倦星期天

經過一整晚休息~
仍然很疲勞~

仍有點腰酸~手痛~頭痛~
嗚~真係渣呀=,="
起身煮雲吞麵做早餐~
順道將前日醃製既梅頭肉製作一番~
放入光波爐~
哈哈~
首次試整叉燒~
好簡單~好方便~
仲好香~好好味~
整完仲可以送麵食~
正呀~
蝦子餅大讚好味~
佢話第時唔識買燒味叉燒啦~KAKA
呢個光波爐真係幾好玩~
愈玩愈開心~KAKA
食飽飽就開始執野啦~
將琴日搬返黎既櫃抹乾淨~
放係電腦旁放日用品~
更可作書櫃用~
相當合用~
而膠櫃將放在廚房~
但要等過2日維修洗衣機後再搬入去~
以免整到濕晒啦~
執好野~
坐一陣同蝦子餅煲劇~
就出發到醫院探望嫲嫲~
嫲嫲今日情況麻麻~
心跳又開始快~
而且左手水腫~有瘀~
暫未知原因~
唉~真令人擔心~
希望醫生快D對症下藥~
更希望嫲嫲能早點康復~
返護老院休養總好過係QE呢~
探完嫲嫲~同姑姐一齊MTR返黎~
之後同蝦子餅買麥當當返屋企開餐~
邊食邊追劇~
愈追愈緊張~
再幫鼠鼠們沖涼洗籠~
上星期咁凍~都唔敢同鼠鼠沖涼~
今晚唔算凍~
快手幫鼠鼠們沖涼洗籠~
鼠鼠們奕好合作~
好快手攪掂晒~
咁攰~
今晚都係早D訓啦~
GOOD NIGHT~

今日玩叉燒 (★^O^★)

黑妹再現

好慘情呀~
琴晚洗衫~諗住今早起身浪衫~
點知洗衣機壞左唔識脫水~
仲要唔識停不停落水~
發出燶味~
地下去水位塞埋~
成個廚房水浸 ~
(｀ﾛ´)黑爆呀~
嚇得我大叫蝦子餅~
2人匆忙拖地掃水~
唉~地下D鞋濕晒~
相當狼狽~
無奈只能簡單處理~
畢竟我兩都要趕返工=,="
唉~
嫲嫲入院心情已經夠差啦~
而家洗衣機壞埋~仲要水浸~
唉~真係禍不單行呀=,="
返到公司仍然無晒心機~
只係簡單整理文件~
以免心情影響工作~
放工準時閃人~
蝦子餅順風車送我返黎~
今日無同姑姐們TEA~
無心情同大把野忙><
忙碌繼續清理(廚房現場)~
地下雖然乾晒~
但其他野都仲係濕晒~
仲要將洗衣機內既水盛出~
攪到腰都痛埋-,-
差不多花左2小時先處理妥當~
仲要處理洗左一半既衣服~
嗚嗚~用手洗~用手擰~
擰到手痛~
真狼狽~
約4點~蝦子餅同旺旺返黎~
於是就一齊落街食LUNCH兼下午茶~
之後返屋企執埋D手尾~
再借旺旺架車出去醫院探嫲嫲~
嫲嫲今日情況隱定了~
心跳不太快~
可算回復~
但面仍紅紅的~
希望快D無事出院啦~
陪伴嫲嫲1個鐘~
看見情況隱定總算安心D~
之後順路車三姑姐到MTR~
再車大姑姐返WTS~
然後我地就到嫲嫲屋企搬野啦~
嫲嫲間屋將賣出~
物品大多要掉~要賣~或我地自己分~
而我就要被~膠架~嫲嫲既床頭櫃~腳板按摩器~
我先上樓執好物品~
係嫲嫲床頭櫃內的物品~
看見愈執愈傷心難過~
因為入面全都係貼身物品~
眼鏡~藥~梳~
更有我們的電話號碼紙條~
很難過~
一邊執竟一邊流眼淚~
其後蝦子餅拍好車上黎~
見到我喊嚇死佢呀=,="
執完野~準備離開~
幸好有車~更有蝦子餅協助~
順利車晒D野返屋企~
拍好車再到超市買壽司回家~
邊食邊睇電視~
但疲憊不堪~
腰酸背痛~
真係好辛苦~
唉~可能扭到腰了~
食粒止痛藥~早D休息啦~

擔心

今早氣溫稍為回升~
無咁凍~個人都精神d~
返工途中左邊心口有d痛~
唔知咩事呢~
唔通暈車浪-,-'
返到公司稍為好d~
暫時無痛啦~
工作其間~
收到姑姐消息~
話嫲嫲氣喘入QE檢查~
真令人擔心~
未知情況下~只好繼續工作~
LUNCH同幾位同事外出食飯~
K小姐提意麥當當~
山長水遠行去~
仲要人山人海~
幾個分開等位~
等左好耐~某D人又坐係到掛住打機~
食飽又唔走~
唉~
如果唔係師傅仔買完野食放係枱~
果個人都唔走呀=,='
等得耐~最終個個都要匆匆忙忙咁食~
快速食飽~再趕巴士返公司~
食一次麥當當真係好辛苦架~
整日都無心工作~
又擔心~又難過~
只想快D見到嫲嫲~
放工準時閃人~
趕到醫院探望嫲嫲~
嫲嫲情況較差~
姑姐說~早上有點氣喘~
到醫院檢查時心臟跳得更快~
檢驗到血酵素高~
手腳冰冷~
我去到醫院嫲嫲仍然心跳得好快~
而且~個頭好紅~
就好似當日第2次中風咁~
好驚~
情況真的麻麻~
唉~
雖然人在醫院~
但係伊利莎伯醫院真係好擔心~
雖然設備完善~
但D職員態度真係好差好差~
我知工作真係好忙~
但咁HEA對病人~
仲要講難聽說話~
真係好差囉~
唉~
希望嫲嫲快D好返無事出院~
係護老院比人照顧總好過係QE-.-"
只好繼續祈禱~
探完嫲嫲同姑姐一齊坐車~
趁有空閒~到超市買野~
之後返屋企煮雲吞肉丸鮑魚麵~
方便又快捷~
突然心血來潮想執下廚櫃~
忙碌的整理一番~
都岩既~明天準備到嫲嫲家拎個櫃過黎~
而家整完天日都唔使咁忙啦~
快D攪掂快D訓~
今日心情欠佳~
早休息為妙~

我愛羊腩煲

今早差d唔知醒返工~

好彩仲趕得切返工無遲到~

早上天氣仍然清涼~

工作忙碌~

整理文件~維修單等~

仲要幫手招呼老闆個客~

個客佢幾乎理都無理過~

say個hi就咩都唔理~

好彩~普通話尚能應付~

今日蝦子餅休息~

原本想約埋佢一齊到老人院探奶奶~

可惜~有人懶訓~kaka

只好一人去探望一下啦~

探完奶奶就買家品返屋企~

先放低家品~

再嘈醒蝦子餅~

一齊出門同旺旺會合~

今晚去冬菇亭利豐小廚食羊腩煲~

暖笠笠~好好味呀~

叫埋蠔餅~大腸墨魚~

好味又開心~

的確非常滿足~

食飽飽返屋企睇陣電視~

再幫鼠鼠們換糧換棉~

攪掂晒就要早d準備休息啦~

好凍凍呀~@o@

我愛羊腩煲 (☆^ー^☆) 

Farewell

今日真係凍左好呀~
早上出門又大風~又落雨~
得9度咋~
又再次著到成隻糭咁返工啦~
真狼狽呢~
早上工作忙碌~
返左好多維修機需要開job~
很忙亂呢~
Lunch同寶~東~蓮姐~kit~5個人去嘆茶~
瘋狂的~放縱的~盡情食~
食得滿足又開心~
呢餐就我們4個同kit  Farewell~
祝前程錦繡~
可能食得太飽~
下午飯氣攻心~好眼訓呢~
一邊整理文件~
一邊filing~
似乎有點遊魂~
放工準時閃人~
原定今晚要上韓文班~
老師放假~將順延至4月16補課~
趁有時間~
到護老院探嫲嫲~
剛好仲有蝦子餅順風車~
好快就到呢~
天氣凍~仍然擔心嫲嫲會凍~
幫嫲嫲蓋多張被保暖~
幸好仲有暖爐~
探望一陣我都離開了~
太凍不宜步行回家~
只好轉小巴返去~
順道行下家品店
想買d焗爐專用既碗,甜品用具等~
可惜~仲未買到~
等埋蝦子餅返黎一齊買飯返屋企開餐~
邊睇電視邊食飯~
開埋暖風機就暖晒啦~
咁凍今晚都係早d休息啦~
我都幾怕凍架~kaka

鐵甲威龍

今日好返晒啦~

好野~

d藥真係好勁~

不過~仍然非常眼訓~

早上返工無車~

最終轉第架車返工~
之後又塞車~

匆匆忙忙趕返工~

仲要行多幾條街~

真係攰呀=,="

早上天氣潮濕溫暖~

但今晚又跌到12度~

早晚溫差成9度~

真係要小心d 呢~

今日肥佬唔係公司~

各人都過得特別輕鬆自在~

好爽呀~

無壓力工作~似乎更事半功倍~

放工準時閃人~
蝦子餅又順風車接我~
一齊到官塘~
仲有時間食車仔麵添~

簡單~方便~好味~
之後就一齊mtr到荷里活睇戲啦~

今晚睇【鐵甲威龍】~

其實呢套我並不感興趣~

只不過蝦子餅想睇~
以前果幾套~
我無睇晒~只係睇左小小咋~
奕唔識分有咩分別~
大多數都從蝦子餅口中得知~
開頭45分鐘都好悶~
似乎交代得太多~
悶到想訓=,="
中段開始有起色~
特技都ok~
槍戰奕算緊張~
行既時候有d搖~
轉方向奕轉得好暈呢~
不過~有d似打緊機~
好似打緊heat project咁~
男主角唔夠以前既man~
沒有驚喜~只屬一般~
悶到我呆晒kaka~
之後坐mtr趕快回家~
好凍凍呢~
回程時~順道買麥當當作宵夜~
邊食邊睇電視~
爽呀~
今日涼左都係唔同鼠鼠沖涼啦~
換紙粒換糧啦~
唔好凍親佢地啦~

Tonight -RoboCop (≧０≦)

地獄廚房 ~ 第1次玩光波爐

放假2天~

今早仍有點聲沙～

其實都差不多好返晒~

只係仲有d沙聲~

工作不算忙碌~

大堆文件暫時無心處理~

hea住做野~跟維修~

藥力發作~始終都有點呆~

放工蝦子餅有順風車接送~

好快捷就返到黎啦~

先去家品店買用具~

再去超市材料~

今晚首次玩光波爐~

剛回到家有點手足無措~

都唔知做咩先~

最終都諗到做咩先啦~kaka

切蕃茄~醃牛肉~煮熟意粉~

煎好配料~加落意粉~

鋪上芝士~

終於攪掂~

可放落光波爐焗~

依照食譜~焗了8分鐘~

果然夠晒香味~

第1味~蕃茄肉醬焗意粉~終完成啦~

之後就烤雞翼~

原本想自己醃製蜜糖雞翼~

可惜時間不夠~

只好買現成既黑椒雞翼~

焗8分鐘再反轉焗5分鐘~

十分香口~

第2味~黑椒焗雞翼~又完成~

之後換個低架~

開始燒粟米~kaka

8分鐘~似乎又于不夠~

而且有d硬同乾~

下次加d水試下~

第3味~燒粟米~都尚可以接收~

但最後一味~薯條~

效果就差d啦~

外乾內軟~

完全唔似薯條~

唔知係自己唔識調校溫度?

定係本身光波薯條係唔得泥=,="

要再多加研究一下~

總括而言~

第1次玩光波爐~

有意粉~粟米~雞翼~薯條~

呢套兒童餐都算ok啦~

希望快d研究多幾款~

快d學整多d美食啦~

kaka

加油呀~

玩就玩得開心啦~

洗就有d困難~

雖然有自動清洗~

但都要拎出黎洗下架~

太大個~有d輪盡~

希望快d摸索成功~

我仲想整甜品呢~^^v

今晚食兒童餐 (☆^O^☆)

甜蜜過後……

甜蜜過後，只剩下殘花敗柳......

放假星期天

琴晚藥後果然好訓~
今早訓醒仍然呆下呆下~
準備好一切就出門~
到護老院探望嫲嫲~
幫嫲嫲洗面~按摩申展一下~
其後叔同老婆,2個女都到達探望~
之後一齊到附近中心酒樓等位~
一齊飲茶~間中傾談幾句~
2個女都似乎乖左好多~
佢老婆都似乎ok~
看見他們一家都似乎不錯~
嫲嫲應該也高興呢~
奕送上遲來的新年祝福~賀禮~
比利是2位堂妹~
叔奕回禮同比利是我同蝦子餅~@@
多謝晒~
大家還算以禮相待~
笑笑口~
今餐我們請客吧~
之後各自離開~
先回家休息一陣~
再到老人院探奶奶~
奶奶精神也不錯~
可惜見到個仔又無出過聲wo~
探完奶奶就到超市購物~
買左壽司刺身~
準備返屋企開餐啦~
今晚有電視大結局~
可以邊睇電視邊食刺身~
仲同蝦子餅一齊研究光波爐~
先學習清洗~預熱~
其實仲買左粟米返黎準備試玩架~
可惜食壽司太飽飽啦~
真係食唔落啦~
之後睇陣電視~
就準備幫鼠鼠換糧啦~
早d訓~
明天又要返工啦~
加油啦~

放假了

今日又到星期六~
唔使返工又放假啦~
真開心啦~
訓醒已到中午~
起身睇陣電視~
就準備出門口啦~
今日約左大姑姐,三姑姐下午茶~
大家一齊到壹粥麵食下午茶~
一邊食一邊傾計~
大家好似好耐無見咁~
好多野傾唷~
之後就返嫲嫲屋企~
傾談一陣~
大家奕要商討一下家居物品既安排~
有用的看看誰需要~
暫時沒用的~
遲下再看看捐出或賣出~
今日已拿部份食具~花樽等~
下次才執拾其他吧~
之後一齊上護老院探嫲嫲~
剛好嫲嫲換完片~
眼仔碌碌的望四周~
見到嫲嫲好似望到我地~
好似奕聽到我地說話咁~
我好小見她開眼~
而且四圍望~
覺得好親切的感覺~
望見嫲嫲~很滿足~
姑姐幫嫲嫲做運動~
我奕努力同嫲嫲傾談~
陪伴一陣~
大家就一齊離開~
各自回家~
返到屋企~執拾一下~
再煮日式拉麵作晚餐~
配三文魚刺身~蟹肉棒~
簡單又好味~
食飽睇陣電視~
再幫鼠鼠沖涼洗籠~
食左藥~有點眼訓~
早點休息吧~
但願明天會回復精神~
拜拜~

慶祝中西情人節 @花月庭

今日中西情人節~

西曆2月14同農曆正月15均為同1日~

19年1次~真難得呢~

情人節快樂呀~

早上仍然天氣清涼~

雖然仲係得9度~

但似乎已開始適應~

又或者今日既心情已摭蓋寒冷感覺~kaka

感覺良好~

輕鬆愉快~

準時返到公司~

早餐後開始努力入資料~

跟進維修~

總算充實~

康表弟今晚飛往澳洲讀書~

我沒有送機~

只有在whatapp祝他順風及萬事小心~

仔仔不在港~

相信三姑姐也很會不慣呢~

然而~希望表弟努力加油~

這更可學習獨立呢~

放工準時閃人~

坐車到朗豪坊買朱古力~
龍島朱古力~@@
食就食過啦~
自己就第1次買~
都幾貴~.~
不過~是但啦~
難得一次~
之後繼續行街~
到太子等待蝦子餅~~

今晚訂左帝京酒店既花月庭~

慶祝中西情人節~
8點半第2輪~
仍然人山人海~
生蠔~長腳蟹~刺身~虎蝦~龍蝦~
即開生蠔~鮮味十足~
主打~黑松露~
好多野都有黑松露~
無論薯蓉~凍烏冬~熟食~沙律~
甚至雞蛋仔都有黑松露~kaka
幾得意~幾好味~
北京填鴨~燒牛肉都相當好味~
鵝肝更係至愛~
甜品款式奕多~
邊食邊影相~
帝京酒店仲送出幸運星同咖啡杯作紀念~
而我就送上y3布帶同龍島朱古力比蝦子餅~
希望佢中意啦~
慢慢食~都幾好味~
不過~太人多~
不論生蠔~刺身~虎蝦~鵝肝~
樣樣都要排長龍~
似乎浪費很多時間係排隊~
不過~難得一次~
呢間野食都好新鮮好味既~
好滿意~
慢慢食左3個鐘~
之後就坐mtr返屋企啦~

回家後~
驚見枱上多左件貨~~kaka

原來蝦子餅買左光波爐比我~
哈哈~多謝~
這個情人節禮物很喜歡~
最大得益都係佢~
遲下咪可以整好多新野食囉~
kaka
情人節快樂~
gd night~

有至愛既即開生蠔♥ 鵝肝  黑松露  仲有龍島朱古力  ♥Yummy又Happy  ♥情人節快樂! (´∀｀)♡

帝京酒店送出幸運星同咖啡杯作紀念~

回家後~驚見枱上多左件貨~~kaka

古巨基今夏娶Lorraine

適逢明天是19年一遇的雙料情人節，娛圈再爆甜蜜喜事，古巨基和助手兼女友Lorraine廿年情路開花！兩人的情侶關係雖是公開的秘密，惟基仔一直將戀情密冚，「哎吔基嫂」Lorraine的正印夢等了又等，一等就20年。不過新年被親友展開催婚攻勢後，基仔決定將人生最重要的一份大禮送給女友，計劃今年暑假舉行婚禮，結束五分一世紀的愛情長跑。

現年41歲古巨基與Lorraine識於微時，兩人於90年代初在唱片公司邂逅，自此緋聞就傳足20年，二人早已是圈中公認的一對，期間傳出過他們雙喜臨門，惟最終只聞樓梯響。但多年來基仔抗拒公開承認彼此關係，只以「得力助手」來稱呼女友，Lorraine正印地位就等足20年。

近年二人關係開始浮面，新年期間又以「古氏伉儷」身份與容祖兒、劉浩龍等到著名設計師陳華國家食開年飯，愈愛愈高調。在難得一遇的中西雙料情人節前再有「基蜜」流出，有消息指基仔將擺脫「冇腳雀仔」的生活，年中正式迎娶女友。

事業漸見穩定 據知一直被指「愛得太早、結得太遲」的基仔之所以的起心肝做老襯，原來有三大婚「因」，先是二人在農曆新年向雙方家長拜年時被起勢催婚，他亦認為是時候成家立室，所以有親友催他結婚派利是時，基仔一反常態表示：「好呀，多謝晒！」其次是公司英皇對於二人婚事舉腳支持，高層吳雨不時在公開活動中做媒人幫手催婚，據悉基仔向公司試探口風，欲攞年中暑假的假期來籌備婚禮，而公司當然第一時間首肯。而最重要的是基仔近年事業漸見穩定，去年積極拓展內地市場狂吸人仔，除了榮膺首屆世界廣府人懇親大會頒發的「十大傑出青年」外，更與內地歌手李泉在歌唱比賽《夢想星搭檔》雙雙奪冠，最近更夥拍兩大影帝任達華、吳鎮宇進軍影壇，為老婆本做足準備。 傳於美國註冊 好事近的基仔日前與Lorraine拜年後煙韌出巡，預演新婚生活，兩人貼肩而行，又在商場互相等對方去洗手間。戴上口罩的基仔發現記者時更難掩靚爆心情，大方對着鏡頭揮手示意。而明天情人節，二人將繼續寓工作於拍拖，飛到長沙出席商演，之後再直抵美國登台，有傳更指兩人會在美國提早註冊結婚，Sweet爆度過婚前最後的一個情人節。 轉自│東方日報│

中西情人節快樂 ♥♥

中西情人節快樂 ♥♥

寒冷星期四

今日繼續寒冷~
加上落雨真係好凍~
好唔願意起身返工呢~
可能太凍關係~
竟然有2聲咳~
希望只係乾燥而唔係病啦=.="
早上工作繁忙~
一大堆維修機需要開job~
又有幾個客上黎拎機~
更要忙碌準備開單~
十分忙亂~
下午飲咳水希望好轉~
但藥力太勁~睡魔急call~
好眼訓呀=,="
一邊入電腦資料~
一邊釣魚~
真難捱~
幾經辛苦捱到6點~
準時閃人~
到TST k11~行街買禮物~
特意幫條y3布帶比蝦子餅作情人節禮物~
其實有d唔捨得買架=,="
不過~明天係情人節同元宵節~
19年先1次~
是但啦~
之後仲要收埋咁拎返屋企~
幸好~無比蝦子餅發現~kaka
返到黎仲約埋一齊買kfc~
試下新出既西檸雞~
味道比想像中差dd~
但都ok既~
之後睇陣電視就幫鼠鼠換紙粒換糧~
天氣咁凍都唔敢同鼠鼠沖涼啦~
今晚早d訓~
希望明日精神奕奕過中西情人節~^^

仍然好凍~

今早起身得6度~

真係好耐無試過~

好凍好凍呀~

加上落雨~

寒風刺骨~

今日工作非常繁忙~

師傅整完一大堆機比我開單~

仲返左一大堆維修機要開job~

更有幾個客上黎買野~拎機~維修等~

十分忙亂~

岩岩新年無耐ja~

唔係咁快就忙成咁呀?

下午混亂地過~

亂七八糟~

放工準時閃人~

先趕到醫療用品店買醫療用品~

而k小姐就去吉之島買牛肉~

分頭行事~

由於時間緊迫~

今次無食野就去上堂啦~

今日上韓文第4課~

隔左2星期無上堂~

大部份記憶都已交返比miss~

由要由頭記起~

miss講解又中又英~

部份聽唔切奕抄唔切~

睇黎要惡補一下啦~

落堂後準備到萬寧買野~

可惜行左2間都無貨~

又要冒雨等車~

真係好凍呀~

最終9點半先返屋企~

快手煮個麵食下啦~

餓死人啦=o=

食飽睇陣電視~

再幫鼠鼠換糧~餵魚~

洗完衫又要浪衫~

很忙呢~

天氣仍然好凍~

都係早d訓啦~

good night~

仲要落緊雨(╯з╰)

英研究：6種睡姿看出你是哪種人？

【英研究：6種睡姿看出你是哪種人？

英國睡眠研究發現，有6種主要睡姿顯示不同種性格，你是屬於哪一款人呢？

1.胎兒睡姿（The Fetus）：⋯⋯
最常見的姿勢，有41%的人睡覺姿勢像胎兒。這類人外剛內柔，情緒容易起落，有一顆敏感的心，且容易「想太多」。當這類人遭受到挫折時，會用這個睡姿讓自己感到有安全感。

2.海星睡姿（The Starfish）：
仰臥著睡，身體躺平，雙臂向上伸到肩上，喜歡抱著枕頭，這種睡姿通常會引起打呼。這類人平易近人，樂於助人，對人慷慨，交友廣闊，但不喜歡成為眾人的鎂光燈焦點，反而比較喜歡低調。如果你有這類睡姿的朋友，恭喜你／妳，他們是非常好的傾聽者，並且是你的垃圾桶。

3.軍人睡姿（The Soldier）：
完全仰睡平躺，四肢伸直，雙手緊貼身體兩側。這類型的人性格內向、一絲不苟、神經兮兮，容易睡不好，像是軍人總是在待命，個性比較含蓄內斂。

4.思念型睡姿（The Yearner）：睡覺時身體偏向一側，雙手向外伸展，與身體形成直角。這類型的人喜歡與人交往、性格外向，在選擇任何事都需要很長的時間，很難接受不同意見，但一旦下定決心就不會改變。思念型睡姿是冷戰或逃避問題的一種折射。

5.自由落體式睡姿（The Freefaller）：
趴在床上，雙手伸到肩上抱枕，這類睡姿很少見，被認為是最不舒服的姿勢。這類人容易緊張，也比較好動，行事魯莽，很海派，很想掌控生活，努力衝向前，卻常事與願違。

6.木頭睡姿（The Log）：
側睡，雙手向下伸展，看起來像塊木頭，這類人大多和藹可親、活潑開朗、善於社交。他們很容易相信別人，有點天真爛漫。

持續寒冷

今早特別早起身~
特別快手準備出門~
早d返公司附近買早餐~
希望早d返工免得遲到啦~
自公司出左個(警告遲到)Email後~
各同事都識做準時返工~
當然~同事們到6點都會準時收工啦~
返到公司~
忙碌跟進維修機~
又要打單~又要試機~
突然又忙過不停~
lunch眼訓到食慾大減~
食件三文治後快快小睡片刻~
訓陣總算精神d呢~
下午繼續整理文件~
繼續忙碌~
放工準時閃人~
趕返黎到老人院探望奶奶~
天氣咁凍真令人擔心呢~
幫奶奶蓋多2件褸~
仲問佢凍唔凍~
突然佢應我一句唔凍~@@
仲發聲講(阿仔)~
相信佢係搵蝦子餅啦~
雖然仲未可以對答如流~
但佢已明白我既意思~
仲開始發聲表達~
真係好驚訝呀~
都係一個好開始~
一離開老人院就即刻whatapp蝦子餅啦~
探完奶奶就到超市購物~
乖乖買餸煮飯~
今晚煎椒鹽雞翼~蠔油西蘭花草菇蝦仁~蕃茄牛肉~
簡單好味~
但次次都咁岩咁橋~
我煮親飯蝦子餅都夜放工=,="
餓死我~
等到9點幾唔願意再等了~
只好自己先食啦~
食飽飽佢先返黎~
其他碗碟都已經洗好啦~
好彩無等佢咋~
蝦子餅下午轉程幫我買木槺布甸蛋糕~
今晚有甜品食~
好味道~
今次算數啦~
之後睇陣電視~
再幫鼠鼠換水換糧~
鼠鼠們好怕凍~
要幫佢地加多d保暖棉先得啦~
今晚仍然好凍~
著多件衫早d訓~
早d入被竇取暖仲好啦~kaka

起身喇！

校幾多個響鬧時間都是徒然！根本完全唔知幾時撳熄了alarm！

天寒地凍

今日真係好凍呀~

起身得7-8度~

仲要加埋強烈季候風~

又大風又凍呀~

仲要著到成隻糭咁返工添~

   好凍呀！著多件衫啦！

放多左半日假~

果然堆積如山~

維修師傅努力整機~

好多機相繼湧出~

一下子變得忙碌起來~

整日忙亂的過~

忙碌既時候~

竟然沒有眼訓的感覺~kaka

放工坐車到護老院探嫲嫲~

今日咁凍~

有d擔心嫲嫲唔夠暖~

幸好~護老院已開暖爐~

嫲嫲奕蓋左2張被~

手腳都好溫暖~

哈哈~似乎比我仲暖呀~

嫲嫲仍然沒有張開眼望我~

一直在床邊說話奕未能使她望我~

有點失望呢~

今天她訓得很安祥~

很舒服~

咁樣望住佢~

很滿足~

只想一直都這樣舒服就好了~

希望不要有一點痛苦呢~

今晚旺旺約左我同蝦子餅打邊爐~

專車上護老院接我~

免我受寒風吹襲~kaka

thank you~

今晚似乎特別多人~

又係既~

天氣咁凍~

打邊爐暖下都好正常ja~

今日心情尚好~

加上咁凍似乎特別開胃~

出街打邊爐同屋企打邊爐的確不同~

唔使洗~又方便~又多野食~

食得特別開心~

食飽暖笠笠~

返屋企睇陣電視再幫鼠鼠換糧~

今晚咁凍~鼠鼠都唔願沖涼啦~

都係無咁凍先同佢地白白啦~

天氣清涼~

今晚實好好訓啦~

早d訓~希望明天唔好遲到啦~

   8度(╯з╰)唔打邊爐點得呀

初十 之 拜車公

星期日~

好好訓呀~

今日天氣凍左好多~

早前天氣和暖~

而家又跌返至12-14度~

咁既天氣訓得更舒服啦~

訓到中午先起身~

煮牛肉粉絲做早餐~

睇陣電視就出發到沙田車公廟~

蝦子餅話想拜下車公~

希望渣車安全更事事順利~

沙田車公廟已多年無去過~

估唔到變化咁大~

真係大開眼界~

更大規模~

連職員都著晒制服~

賣香燭~飾物檔更多左好多~

而賣風車既更強~

門口全部都係~

比以前真係強得多~

難怪已成為景點之一啦~

係廟內行過圈~

就轉車到新城市行街街啦~

同樣地好耐無行過~

好多鋪頭好好行~

行得好開心~

行左2個鐘~

竟然買唔到野~

真失望啦~

之後到一田food court食咖哩豬扒飯~

簡單又好味~

食飽飽返屋企睇電視~

今日真係過得開心~

非常享受放假既時間呢~

熱門小馬 @ Mikiki

你仲記唔記得佢呀？ 拉屎藏…haha 做隻出色的馬仔 (☆^ー^☆)

放假嘆茶 @ 譽宴

雖然琴晚玩得唔算夜~
但返黎仲掛住整呢樣~忙果樣~
最終都3點幾先訓~
幸好~今日放假~
哈哈~
可以訓晏d~
真開心呀~
訓到11點幾先起身~
睇陣電視就出發到酒樓~~
附近間譽宴開左咁耐都未試過~
既然放假咁開心~
一於同大姑姐,三姑姐一齊去飲茶啦~
早d去開位~
慢慢食~慢慢傾~
3個人~但都叫左好多野食~
其中~蝦餃~燒賣~煎堆仔特別好食~
可能新年關係~
無下午茶價錢~
都幾貴~
不過~耐唔耐1次~
無所謂啦~
食得開心~
傾得仲開心~
如果唔係酒樓追人賣單~
我地實有排傾呀~kaka
由於三姑姐已探嫲嫲~
所以佢就上屋企整理一下~
而我同大姑姐就坐車上護老院探望嫲嫲~
嫲嫲面色不錯~

姑姐幫嫲嫲按摩申展~
我就係咁同嫲嫲講野~
實在太多太多心事啦~
其間又見到嫲嫲濁親~
似乎又有痰呢~
想咳又咳唔出~
真辛苦~
陪伴一小時~
之後同姑姐各自離開~
我就到家品店選購花盆~
另外奕買左幾件實用家品~
之後行下凍肉店~超市買配料~
四圍行下~
估唔到一個人~咁樣行都行左2個鐘~
哈哈~
行得真自在呀~kaka
之後就返屋企~
忙碌幫發財樹換花盆~
細盆換大盆~
希望生長得更好啦~
攪掂晒就開始洗配料~
今晚凍左~
可以繼續打邊爐~kaka
邊食邊睇電視~
之後就幫鼠鼠沖涼洗籠~
唔使返工真係好開心~
好輕鬆好舒服~
放假真係好開心呀~^^

放假嘆茶 ♡＾▽＾♡ 

瘋狂唱k夜

今日起身精神奕奕~
心情大好~
臨近放假~
真係令人心情愉快d啵~kaka
蝦子餅就放完假啦~
今日返去開工啦~~
祝開工大吉啦~^^
早上有點忙碌~
好多文件堆晒出黎~
突然好似好忙咁~
有d手忙腳亂呢~
奕得知k小姐今日遞辭職信~
噢~
比預期更快~
祝前程似錦啦~
工作其間~收到老闆mail~
提醒同警告各同事上班時間~
老闆娘早前仲拎一大堆工卡入人地既返工時間~
而家附表比晒同事睇~
真係無聊~
出警告信比個別同事仲好啦~
浪費人力~時間~
lunch鄭經理提意到酒樓開年~
工程部東師傅~倉務部a小姐~蓮姐~同經理既助手~
我地一同6人齊齊飲茶~
今次鄭經理請客~
多謝晒啦~
經理都會請我地飲茶啦~
相反公司今年無開年飯~
難怪惹人不憤啦~
下午有點遊魂工作~
以為可安然渡過等放工~
但世事往往事與願違~
5點鐘開始變得繁忙~
有客上黎維修~
又有客上黎拎貨~
更要幫忙追蹤寄貨既事~
一下子忙到非常混亂~
最終~又遲左收工啦~
趕快閃人~
坐mtr到太子~
我最早到~先係新世紀行一陣~
本想買份情人節禮物比蝦子餅~
可惜~又睇唔岩~
時間差不多~
就一齊到卡拉ok登記~
今日玩唱k兼派利是~
buffet食物不多~
而且味道一般~
咁小野食~的確有點影響心情~
加上自己個咀生飛滋~
痛到唔想講野呢~
間中唱幾首歌~
邊食邊唱~
反正明天放假~
本想慢慢玩~
可惜~唱得3個幾鐘就叫我地走啦~
真係玩得唔夠皮呀~
無奈地~只好坐小巴返屋企啦~
由於快將12點~
蝦子餅有點擔心我安危~
於是主動落街接我~@@
^^~thank you ar~
返到屋企都算好早~
雖然明天放假唔使做ja~
都唔好咁夜訓啦~
哈哈~放假了~
好高興呀~^^

初七人日

早上起身~

仍然十分眼訓~

每日都好似訓極唔夠咁=,='

好攰好眼訓唷~

工作並不繁忙~

尚算悠閒整理舊文件~

lunch食飽後可休息一陣~

叉一叉電總算好d~

渾噩的渡過整個下午~

放工快快閃人~
蝦子餅奕前來接我放工~
佢今日辛苦了~
左走右走~
又要到社署~又要到醫院搵醫護社工~
仲要趕去老人院見社工姑娘排買位~

真忙碌呢~
仲要開車接我放工~
唔該晒啦~
有蝦子餅順風車~
快捷地到護老院探望嫲嫲~
可以早d陪嫲嫲啦~

嫲嫲已甜睡69日~

已沒有對話兩個幾月~

真的很想念她的聲音~

加上今日人日~

更多添一份掛念~

嫲嫲~祝你生日快樂~
陪伴嫲嫲~傾訴心事~
其間見到嫲嫲似乎有痰~
似乎濁親~
眼見嫲嫲咁辛苦~
又咩都做唔到~
真痛心~
我只希望嫲嫲唔好咁辛苦~
希望佢訓都訓得舒服d~
陪伴一陣~
之後就返黎到凍肉店買肥牛~牛柏葉~
今晚繼續打邊爐~
正呀~
邊食邊睇電視~
總算輕鬆d~
之後就忙碌洗碗~洗衫~
再餵魚~幫鼠鼠換水換糧~
攪掂就早d休息啦~
養足精神啦~
明晚去蒲~呵呵~

初七人日…各位生日快樂 (☆^O^☆)

攰

今日第2日返工啦~
依然好攰好眼訓~
同幾位同事一樣~
似乎大家仍然未準備好返工咁~
工作不太繁忙~
清理舊文件~filing~
整個早上坐係到入資料~
愈入愈眼訓~
肥佬整日坐係寫字樓~
攪到我地行開傾2句都唔方便-,-"
反正無心工作~
索性申請星期六放假~
真羨慕蝦子餅仲放緊假~
早知我都放多兩日啦~kaka
整日遊魂般渡過~
幾經艱辛先捱到6點~
放工準時閃人~
蝦子餅竟然開車接我~
真係慳返好多時間~呵呵~
原本打算返屋企煮飯~
突然心血來潮想打邊爐~
於是同蝦子餅即刻去買火鍋配料~
鵝腸~肥牛~牛柏葉~炸魚皮~丸類~餃子~娃娃菜~
嘩~好多野食呀~
一邊慢慢食~
一邊睇電視~
真輕鬆寫意~
洗完碗就忙碌幫bb魚缸洗缸換水~
乾淨晒~
魚bb健康成長~
真開心呢~
之後坐陣~打下機輕鬆下~
真享受唔使返工既時間~
太舒服啦~
努力捱多兩日啦~
就放假啦~

時差

還未適應返工的時差....好眼訓呀~T.T

真人Pi漂流14個月回歸文明

	「我活着，我活着，實在難以相信！」Jose Ivan踏上馬紹爾群面露虛弱笑容。「太平洋奇蹟之男」漂流一萬二千公里後，未有像電影橋段一樣變成皮包骨，反而有點臃腫。 英國《每日郵報》報道，一頭亂髮、滿臉虬髯，手拿汽水的Jose，在攙扶下登岸。他前年年底在墨西哥駕船出海獵鯊，豈料變成一場奇幻漂流歷險之旅，在太平洋顛沛流離近14個月，只靠吃魚生和飲龜血續命，直到上周漂到有人居住的偏遠環礁，終於重返文明。 Jose對漂流生活回憶不多，「全部融為一個記憶──海啊海」。他與一名少年同伴在2012年12月21日開着玻璃纖維船獵鯊，沒料船隻故障，之後更被颶風吹出太平洋。 過去一年多的時間，Jose靠徒手捉魚和海鷗生吃充飢，又以雨水和龜血解渴，憑驚人意志活下來，可惜是同伴出海約四周後喪生，未知是生病或不慣生食。 「我常想家人，想像他們很擔心、以為我死了。我知道我活下來真的走運。」上周Jose漂到馬紹爾的Ebon Atoll，村民找到懂西班牙語的人翻譯才知他的遭遇，村長以村裏唯一電話聯絡外交部。Jose受訪時稱只想早日回家：「我很想回墨西哥，但我不知怎辦。」 轉自新城廣播│自家‧說 │

年初五~開工~

年初五啦~
返工啦~
開工大吉啦~
今早仲算知醒起身返工~
抖左4日~
真唔捨得假期就咁完結~
返到公司~
向老闆~同事問好祝賀~
向同事們派利是~
仲被肥老闆串左幾句~
有刺又有骨~
算~新年唔好勞氣~
之後hea住咁做野~
lunch各同事都以為有開年飯食~
點知老闆今年唔食開年飯~
連開年飯都無囉-.-
雖然首日返工~
但已初五啦~
奕唔使望會提早放工~
文件雖多~但無心工作~
hea住咁做~
又攰又眼訓~
幾經艱辛先捱到放工~
6點準時閃人~
今晚約齊人係旺角吉壽食放題~
幫康康表弟farewell~
下星期康康表弟將飛到澳洲讀書了~
真依依不捨~
無論如何~你都要加油啦~
邊食邊傾計~
總算輕鬆自在~
我地仲食左好多野~
好豐富~
之後又各自回家~
返到屋企睇陣電視~
再幫鼠鼠們沖涼洗籠~
鼠鼠們今晚好乖乖~
非常合作~
所以好快就攪掂啦~
之後餵魚~浪衫~
所有事都算順利完成~
又過左日啦~
明天開始~將真正的正常工作~
唉~加油呀~

一年一會

唔係咁熟，唔派利是唔緊要，但竟敢帶個囡囡嚟逗利是，等同搶劫。

年初四的心情

琴晚睇電視又睇到5點~
真瘋狂~
呢幾日農曆新年假期~
幾乎日夜癲倒~
哈哈~完全放縱~
咁樣放假真輕鬆呢~
今日訓醒已日上三竿~
真好訓~
煎年糕~做早餐~
原本想外出行下~
但又想留係屋企休養下~
最終都係睇下電視~
咁又一日啦~
今日病情好返好多~
又一証明我真係辛苦命~
放假先黎病~
返工就好返~=.="
傍晚時份蝦子餅去探奶奶~
而我就到超市購物一番~
第1次推架私家手推車到超市購物~
哈~買左好多野呀~
真真似師奶呀~
詢眾要求~
今晚玩煮飯仔~
蝦子餅似乎恨左好耐咁~
簡單d煮菜心炒牛肉~煎粟米餅~酸甜咕嚕肉~
蝦子餅食到津津有味~
食飽睇陣電視~
之後就忙碌洗碗~整理家務~
忙完一輪就要收心養性啦~
明日初五要返工啦~
真捨不得這假期呢~

年初三 @ 西遊記之大鬧天宮

琴晚又掛住睇電視~
又睇到差不多天光先訓~
哈~難得放假~
幾大放縱下啦~
就係太過放縱~
食野又唔介口~
始終都未好得晒~
仍有2聲咳嗽呢~
幸好食完熱咳茶後稍有好轉~
訓醒呆呆下~
同蝦子餅到附近餐廳食下午茶~
食飽飽到超市購物~
返屋企放好戰利品~
再出發到護老院探望嫲嫲~
嫲嫲仍然好好訓~
陪嫲嫲傾計~傾訴我既心事~
之後就慢步到荷里活~
買埋汽水爆谷熱狗~
準時入場~
今晚睇【西遊記之大鬧天宮】~
坦白說~如果唔係蝦子餅想睇陳喬恩~
我諗我唔會選擇睇呢套戲~
今次我堅持要蝦子餅睇2D版~
以免失望又徙錢啦~
開場無耐~
已經有點沉悶感覺~
唯一有驚喜~
係有古天樂既聲演~
及史上最有型既牛魔王~郭富城~
呢套戲慶幸係新年上畫~
睇完果3套賀歲片~
無聊時總會睇埋呢套~
間中都會有幾個懶好笑既笑位~
特技還算可以~
化妝效果最強~
好難先睇到孫悟空係甄子丹~
最好笑係變身後~
猩猩王大戰紅牛~KAKA
真係咁都諗得出~
新年4套賀歲片都睇晒啦~
最不值得睇就係呢套~
很無聊呢~
睇完戲~就慢步回家~
途中見到不小街頭小食~
同蝦子餅非常開心~
因為除左新年~
應該無咩機會啦~
於是我地快速掃街~
牛雜~煎雞翼尖~碗仔翅~
買左幾樣小食~
返屋企食宵夜~
仲可以一邊睇電視添~
真輕鬆寫意~
夜D仲要幫鼠鼠沖涼洗籠~
不過~夜D訓都唔驚啦~
明天仲可以訓到夠嘛~KAKA

年初三睇大鬧天官，玩極都唔願去返工(＾▽＾)

年初二 @ 六福喜事

大年初二~

病情沒有好轉~

可能為食關係~

似乎有點惡化~

早上有點胃痛~

無奈~要頂住~

中午約左蝦子餅幾位表哥飲茶~

問候一下~祝福大家~以及派利是~

之後上老人院接奶奶落酒樓與家人見面~

一上到去~

另一班職員又衝過黎~

就連唔識既都跑晒黎~

哈~好勁呀~

原來果到d人係可以咁主動既~kaka

利利是是~

最緊要佢地唔好難為奶奶同對佢好d~

之後就返屋企睇陣電視~休息一陣~

再同蝦子餅到冬菇亭食簡單晚餐~
簡單又滿足~

之後就去睇【六福喜事】~

早前聽聞唔好睇~

都係果句~想睇套賀歲片笑下ja~

可能本來無期望~

反而覺得唔係咁差ja~

開頭好好笑~

故事較成人~有點色情~

似乎不太適合一家大細合家歡~

呢類話題~可製造更多冷笑話~
其實谷德昭~黃百鳴d戲~
預左啦~得啖笑~求開心ja~
其實~有1part~
講得好有feel~幾感動~
(究竟有幾耐無哄過老婆開心呢)
的確~好有感觸~~
新年睇套笑片笑下都算ok啦~
總算輕鬆晒~
睇完戲就坐車返屋企啦~
時間尚早~仲有時間睇陣電視~
kaka
放假真係好開心呀^^

年初二到六福喜事，希望每天都有快樂事! (＾▽＾)