日清揭開好味來嘉年華

又到星期六~

捱埋今日放假了~

哈哈~

星期六好小電話~

相當清靜~

更加無客人~

只好做內部工作~

跟下單~整理單號~

FILING~

本想UPLOAD DATA~

但經理們忙碌開單~

根本無機會比我用機做野~

間中跟下寄貨既事~

幾經艱辛捱到放工~

換埋工卡快快閃人~

今日約左三姑姐,大姑姐到荷里活TEA~

首次到麥當當食野做下午茶~KAKA

3人慢慢食~

慢慢傾計~

好味~輕鬆~又開心~

食飽飽就行陣街街啦~

今日剛巧廣場有活動~

(日清揭開好味來嘉年華)~

有製作自家製合味道杯麵~

奕有出前一丁遊戲~

我買左一袋有清仔清妹環保袋裝既麵~

有4杯麵~5包麵~

最重要有隻太陽能搖頭公仔~

加埋得意環保袋~

好中意呀~

買1袋麵~

附1張遊戲卡~

可玩3個遊戲~

哈哈~

成個小朋友咁~童真返晒黎~

有保齡球~飛鏢~碌波等~

其中拼圖仲同2位姑姐1齊玩~

好好玩呀~

最終贏左大獎~

清仔証件套1個~好精美呀~

真開心~

之後就一齊行下超市~

不過~人多真係好迫呀~

怕怕囉~

行一陣後~就各自離開啦~

返屋企~報好物品~

休息一陣~

原本想打算夜D去隔離邨入貨~

但熱到唔願出街~

涼下冷氣就訓著左啦~KAKA

訓醒已經10點LU~

明天再算啦~KAKA

今日買左咁多麵~

一於煮麵食啦~

加埋肉丸都好味好豐富呀~^^

好開心既星期六呀~^^V

有得食，有得玩，仲有獎品@ 清仔與清妹 (^o^)

Happy Friday

來到星期五了~

捱多半日又放假了~

很期待放假的時間~

工作超繁忙~

整日忙碌開Job~跟單~跟文件~

間中又要幫同事處理其他客既事~

仲要跟寄貨~

十分忙亂~

Lunch同東東,寶寶外出食麥當當~

天氣炎熱~

但為左試新包~

3人不惜熱死都要出去~

仲要好多人~等左好耐先有得食~

味道不錯~

食飽又要趕車返公司~

好彩無遲到~

返到去岩岩有客黎拎野~

更要忙碌趕出貨既事~

好急趕呀~

忙完一輪~

總算可以悠閒d filing~

更要開始處理6月份工卡~

很忙呢~

放工準時閃人~

原本想到荃灣Aeon行街購物~

但咁熱~

令人怕怕了~

最終還是坐車返黎~

到附近萬寧購物~

今日有蝦子麵~公仔麵贈送~

真精打細算呀~Kaka~

買完野就返屋企啦~

原本想等蝦子餅返黎出去食飯~

但返到屋企又唔多想出去了~

只好即興煮綠茶冷麵~

仲有小白熊魚蛋加麵豉湯~

哈哈~

簡單又好味~

好正呀~

食飽輕輕鬆鬆睇陣電視~

真舒服寫意~

Happy Friday~^^~

是日晚餐：自家製小白熊綠茶冷麵配麵豉湯＼(^o^)／yummy

舒服自在

捱到星期四了~

個人很攰很攰~

整日沒精打采~

不想多言~

只有專心入單~開job~跟文件~

下午忙碌搵零件~

更趁有時間~

將所有零件大執位~

左砌右砌~搬來搬去~

整體上整齊得多~

執好零件就執個人物品~

又係時候放工啦~

放工後到附近超市購物~

今晚打算唔煮飯~

準備煮雲吞刀削麵~煎餃子~

簡單又好味~

仲整埋芒果布甸作甜品~

真開心呀~

洗完碗~休息一陣~睇陣電視~

再涼住冷氣食甜品~

係屋企既時間真舒服自在~

很滿足~

再捱多日半就放假啦~

加油捱埋佢呀~

k形魚b出世了

今日仍很繁忙~

忙碌入單~

忙碌開job~

忙碌整理文件~

更要upload data~

很忙碌~

奕很充實~

整天很容易捱過~

放工準時離開~

到公司附近超市~街市購物買餸~

買完野就返屋企煮飯啦~

欖菜肉碎四季豆~炸菜牛肉~

煎粟米餅~

簡單~快捷~好味~

明天仲有飯帶添~

食飽就睇陣電視~

之後就忙碌洗碗~收衫~洗衫~

今晚仲要幫鼠鼠沖涼洗籠添~

好彩快手快腳唔算好夜~

之後就整理我d魚b啦~

前幾日魚媽生得1條魚b~

但肚仔仍然脹脹的~

由於不太肯定仲會唔會生魚b~

於是呢幾日都隔開魚媽~

事隔3日~

今日果然生左幾條魚b呀~

真係奇怪~咁都得既~

更奇怪既係幾條都係 k形魚b~

初初唔遊仲以為全部瓜晒=.="

一拎出黎發現有5條都ok~

1條就已經......

整理後~分隔到bb魚缸~

但驚見條條都係k形魚~

全部脹到遊唔到~

沉晒底~

看似一大個水泡咁~

全部打側身~

呢幾條魚~同早幾日出世既魚b完全唔同~

真擔心~

希望魚b們順利捱過啦~~

變種特攻：未來同盟戰3D

今日仍然有點喉嚨痛~

個人奕有點攰~

想作病又未病出來~

喉嚨痛好辛苦~

不願多言~

加上早上左腳抽筋~

腳痛更慘~

連行多步都唔想呀~

今日準時返工~

終可安心嘆早餐~

工作繁忙~

好多文件需要處理~

文件太多~

有點混亂~

間中又有幾位同事叫我搵單~

原來公司同事係唔識自己搵FILE~

下下要人搵埋比佢放係枱面先得~

LUNCH最開心~

食飽有得訓~

但又比人門鐘嘈醒~

果位同事仲未有開門卡~

日日都要嘈醒午睡中既人~

真係唔識做呀~

下午繼續努力~

忙碌中渡過~

放工快快閃人~

到荷里活行街等蝦子餅~

只係行左半個鐘~

又係UNIQLO買左幾百蚊野~

近日已經買左好多衫褲鞋襪啦~

點解唔忍下手呢~

等到蝦子餅黎到~

我已經買完了~KAKA

今晚睇(變種特攻：未來同盟3D)

依舊買爆谷熱狗汽水入場開餐~

3D效果麻麻地~係現代既打鬥中都可以接收~

但係過去就差得遠了~

其實係因為要夾時間先睇3D~

如果唔係實睇返2D啦~

進度有D慢~

上半段拖得太長~

下半段開始緊張刺激~

特效不算太多~

比預期中差左DD~

但都OK~~

睇完戲就坐車返屋企啦~

天氣熱~實在唔願意留在室外~KAKA

返黎趕快沖涼~涼下抖下~

再餵鼠餵魚~

魚B似乎好健康~

真係好呀~

希望魚B快高長大~健康成長啦~

順手

我啲嘢放喺枱面，唔代表你可以亂用㗎？

你就好順手，我就唔多順氣咯！

渾渾噩噩的星期一

昨夜不知為何發惡夢~
驚到紮醒幾次~
訓醒十分頭痛~
有點想作病的感覺~
早上真不願起身返工~
無奈~還是死頂吧~
返到公司仍然遲到幾分鐘~
遲到未算遲~
大有人在也~
早上忙碌整理文件~
努力入單~
想upload data~
但個program永遠都有其他同事用緊~
永遠都唔到我去upload data~
唉~
渾渾噩噩的捱過了~
lunch想休息~
又被人嘈醒~
整日心情都麻麻地~
只想快d放工~
傍晚時份~
寶同事出去接大肚婆入黎~
人地生個仔似乎特別巴閉~
返黎擦鞋加派薑~
招呼都無打~
懶得理其他事~
6點正準時閃人~
急趕地趕車返黎~
到老人院探奶奶~補充物資~
抹面~整理好一切~
就離開了~
正當準備去銀行~
驚見商場連櫃員機都無埋~
只好行去更遠既銀行~
順路買六合彩~kaka
再趕下場~行去荷里活預售明晚戲飛~
趁有時間~
又行返過黎~
時間差不多~
蝦子餅~旺旺~肥仔剛好返到黎~
一齊到藍天使食晚餐~
邊食邊傾計~
攪笑又開心~
晚上總算能輕鬆d~
成個人放鬆晒~
食飽就返屋企洗衫~
餵鼠~餵魚~~
今日咁攰~
應該會好好訓~
希望今晚早點休息抖下啦~

下次或許已經是下輩子

 

圖片來源：互聯網

文：八輩子

連日發生多件人間慘劇，台北的江子翠站斬人事件﹑新彊的恐襲事件等等。

死傷者不計其數，有的死者身份是別人的父母﹑兒女﹑朋友﹑伴侶……

或許他們那天出門跟家人說「再見」的時候，也想不到，原來「再見」已經是下輩子的事。

中五的時候，也忘記了是那一天，班主任突然把我跟某幾個同學拉到一邊。

我們滿臉問號，霎時之間也猜不到是發生了甚麼事。

「某同學的爸爸昨晚心臟病發過世了。」

很突然，真的很突然，聽說就是晚飯過後，說下樓洗車的時候突然心臟病發離世的。

有誰會想到，原來死亡，就是下一刻？

又有誰會想到，死亡就潛伏在你身邊？

你上一次跟父母說我愛你是何時？

你上一次跟伴侶說我愛你又是何時？

你總愛說「下次吧，下次才說。」

誰又會知道，是不是真的有下次呢？

人們忙於工作，忙於生活，忙於興趣，

一早習慣身邊是站著他或她。

你忘了跟他慶祝生日，你說沒關係，還有很多年可以一起過；

你今早出門忘了跟他擁抱，你說沒關係，反正下班回家就可以盡情擁抱；

你沒有回覆那一句我愛你，你說沒關係，一會休息的時候再回就可以。

是嗎？真的那麼沒關係嗎？

請勿愛得太遲，請愛得及時，不要再讓世界存在著更多的遺憾，也別讓你的人生充滿遺憾。

轉自│yahoo│八輩子│

又到星期日

又到星期日~

唔使返工特別好訓~

早上起身忙碌繼續追劇~

整麵麵做早餐~

再忙碌幫鼠鼠們沖涼洗籠~

本來應該琴晚做既~

但太攰延至今日先處理~

鼠鼠們沖涼完好開心呀~

食飽又掛住訓啦~kaka

物似主人形~kaka

之後幫細魚缸換水洗缸~

休息一陣~洗衫~收衫~

再幫大魚缸換水清潔~

清潔其間~

突然見到多左條魚b~

原來魚媽成熟了生bb啦~

驚訝地快速分隔開~

有點擔心不知清洗其間有幾條魚b出世~

發現時只有1條~

其後分隔開~很期望魚媽繼續生b~

可惜暫時無~

隔開多一兩日吧~

呢條魚bb~係上次魚b第2代既下一代~

即係已經係第3代啦~

很開心~

會繼續努力飼養~

加油呀~

整理完魚缸~

就到隔離邨商場超市購物一番~

順道買八方雲集麵線鍋貼返屋企~

一齊同蝦子餅食晚餐~

蝦子餅仍有不適~

連我也開始喉嚨痛~想作病了~

今晚還是早點休息~

希望快d好啦~

預祝生日 @ 花月庭

琴晚訓得唔太好~

精神又麻麻地啦~

攪到返工心情都變得麻麻地~

近日公司相當嘈吵~

多左果兩個女人真係嘈得多~

笑聲又似薜家燕~

實在有D難頂~好煩~

老闆就鬼死咁中意~

有人同佢SO SO不知幾好~

我都想扮聽唔到~

但D人實在太大聲啦~

星期六不太忙碌~

呆呆下咁做野~

多艱辛先捱到1點~

準時閃人~

先返屋企食小小野~

睇陣電視~休息一下~

3點幾再出發到太子~

約左姑姐到新世紀行街街唷~

係UNIQLO買左條裙同衫~

難得心頭好~

真開心~

時間差不多~

就到帝京酒店花月庭等候~

一入去就拎至愛既生蠔~

細就細隻D~但即開夠晒新鮮好味~

長腳蟹~青口~刺身~

都鮮甜好味呀~

焗龍蝦~北京田鴨~燒羊脾~蒜香牛肉粒~香煎鵝肝~

更係食到停不了口~

好味道~

大家努力係咁食~

一邊食就一邊傾計~

真開心~

其後甜品更食得滿足~

為三姑姐送上聾貓頸枕~

預祝姑姐生日快樂~

希望岩用同中意啦~

食飽飽又各自回家~

坐MTR返黎好快捷方便~

今日好開心好滿足呀~

希望日日都係咁快樂就好啦~

Buffet 至愛環節~甜品(≧3≦)預祝姑姐生日快樂！

電話~回來我身邊^^

我部電話終於整返好啦~
陳經理幫我拎部機返公司比我~
換左機板部機快左好多~
系統重新裝機~
裝返所需APPS~
裝完換返鈴聲~主題~
舊既遊戲唔玩索性唔使裝~
邊做野邊裝機~KAKA
返到屋企又繼續整~
整日忙碌裝返晒舊程式~同聯絡人資料~
真係好呀~
有機用成個人開心晒啦~

生日飯 @ 極尚大喜屋

昨晚又好夜訓~

仲差d唔捨得訓添~

好彩今日仲知醒返工~

肥佬出完差返黎啦~

3日較自由既日子又過去了~

佢一返黎~

就對住果個小甜甜講猥瑣野~

仲要大大聲咁講~

相當肉酸~

我地幾乎零交談~

只有公事可言~

其他野千析唔好同我講~

我有我工作~

專心入單~

很忙亂~
忙碌令人有點燥呢~
今晚約左人~
大把時間~唔急趕的慢慢執野~
坐巴士到旺角行街~
再轉車到尖咀行街購物~
順道到the one 買聾貓禮品~
哈~買到心頭好啦~

時間差不多~
同蝦子餅~仲有一班同事會合~
一齊排隊入場~

今晚幫襯(極尚大喜屋)~
地方大~新開不足兩個月~
很乾淨整潔~

刺身拼盤砌得相當精美~
壽司奕很新鮮~
海膽壽司更鮮味十足~正呀~
黑松露帶子沙律~鮮甜~好味~
蟹籽沙律都好正架~
千島醬焗帆立貝~
正呀~
天婦羅脆口又少油~
而瑤柱粥更為推介~
仲有Haagen Daz雪糕~
呢間放題真係幾好~
侍應服務更一流~
好好禮貌~
(可能新開~同有員工投票比賽~)
放題排行榜中~
似乎比吉壽更勝一籌~
我就去到掛住食~
男士們除左食仲掛住傾~
食到好飽好滿足~
食到11點先離開~
坐mtr返黎都已經11點幾~
仲要快手準備沖涼~
餵鼠~餵魚等~
希望今晚唔好太夜訓啦~
好攰攰呀~

好豐富呀！基哥，生日快樂啦！

久違了的小籠包 @ 翡翠拉麵小籠包

今日工作仍然忙碌~

整日忙碌整理文件~

輸入機號資料等~

有點忙亂~

黃老闆似乎心情欠佳~

沒有半句交談~

甚至自己製作filing index~

也不願吩咐我做~

我有我忙~

間中有d難處理既事發生~

老闆娘又間中發下癲~

很無奈~

又多野做又麻煩~

唉~

只想快點離職呢~

lunch食飽訓陣總算好d~

新同事又出去行~

未夠鐘又返黎叮門鐘~

好彩有人開門比佢~

未夠鐘><我繼續訓~

訓醒努力工作~

又要開單~打單~開job~

忙到暈~

幸好~仍準時放工~

到九龍灣行陣街街~

邊行邊等BB~

今晚約左BB食飯~

已好耐無食小籠包了~

特意到( 翡翠拉麵小籠包)~

選擇左幾樣美食~

菜肉雲吞湯~鮮味十足~

小籠包~皮薄多汁~

干扁肉鬆焗四季豆~味道不錯~好味道~

嫩雞煨麵~肉嫩鮮甜~正呀~

甜品有桂花酒釀小丸子~

由細到大都咁中意~

超好味呀~

而BB就食杏汁豆腐~

今餐特別好味~

邊食之餘~

仲同BB大訴苦水~

暢談近況~

盡訴心中事~

奕感激一直以來的問候~

食飽順道行下街街~

幫助消化~

行一陣又要各自回家~

返到屋企只係10點幾~

蝦子餅已準備休息~

佢有d唔舒服要抖下呢~

而我就繼續努力~

收衫~洗衫~掃地~拖地~

仲要幫鼠鼠沖涼~換木槺~餵糧~~

餵魚等~

嘩~好忙~好充實唷~

希望快d攪掂~

期望今晚唔好太夜訓啦~kaka

久違了的翡翠拉麵小籠包

香港仔

今早返工遲左小小~

咁岩同黃老闆同lift~

同老闆講早晨佢竟然唔彩我~

唉~

返到公司好多人都未返~

肥佬老婆先9點03分先出黎開燈~

我果時岩岩又門口~

就係遲左3分鐘比人黑面囉=,="

我都懶理佢~

食埋早餐先做野~

工作仍然繁忙~

維修機要打報價~

跟進維修~整理文件~

間中又要幫同事處理其他事~

一腳踢~

忙到有點燥~

lunch食飽本想訓陣~

又比果個同事叮門鐘嘈醒~

唉~

放工快快閃人~
坐車到荷里活行街~
等埋蝦子餅~
買爆谷汽水入場睇戲~
今晚睇(香港仔)~
呢套戲有吳孟達~
自從星爺既戲後~
好耐無睇佢做戲啦~
開頭交代各人物背景~性格~
起初有點悶~
其後劇情逐漸鮮明~
即使一家人~
也各有心事~各有秘密~
每人也藏著一件傷心事~

秘密~坦白~處理~關係才變好~
有時也要放下執著~
間中奕有笑位~
令人輕鬆一下~

一部有深度~叫人思考既戲~
個人認為不過不失~
而蝦子餅就悶到暈咁滯~kaka
睇完戲~
仲有時間入uniqlo睇衫~
蝦子餅更買得心頭好~
之後坐車返黎~
到附近既許留山食甜品宵夜~
好滿足~
食飽就返屋企啦~
餵魚~餵鼠~

攪掂晒就早d休息啦~
明天仲要返工呢~~

香港仔

睇完戲 ^o^ 食宵夜 ^o^

相當繁忙 @ 晚餐~順德經典

今日返工又遲到了~

明明早左出門口~

但偏偏就好遲先有車><

又等車~又塞車~

真係煩呀~

返工遲到~又比人啤了~

好彩肥佬出差3日~

佢唔係到輕鬆得多啦~

工作相當繁忙~

星期六只係放假半日~

文件已經堆積如山~

仲有一大堆維修機湧出~

wo~

忙到暈呀~

lunch較為輕鬆~

外出食餐喜愛的~

趁東師傅今日唔使外出工作~

同寶寶3人行外出食麥當當~

德國辣雞堡~配香烤雞翼~

wa~非常美味~

正呀~

食飽又要趕車返工~

可惜~連lunch都遲到~

仲要有客係到等緊~

會計又摧我拆信拎票~

唉~

有d野識做又要等人做~

真係小做小錯咩-.-"

煩~

下午繼續努力~

不停跟單~跟維修~

好快又到放工~

行陣商店想買件衫~

可惜又無收穫~

只係聽到消息~呢間鋪將會結業~

而另一間賣運動鞋的連鎖店今天奕已關閉~

成條巷仔封晒行唔到~

感覺上自己好似搬左去未開發既孤島一樣~

唉~

可能第時會更繁榮既~

但現時就要街坊受苦囉~

行完街~上樓休息一陣~

等待蝦子餅~旺旺~肥仔收工返黎~

一齊到(順德經典)食晚飯~

呢間野開咁耐都無試過~

今次4人行試下啦~

仲點左好多野食~

乳鴿~魚腸蒸蛋~口水雞~炸鮮奶~魚肉豆腐菜湯煲~

雞絲粉皮~小籠包~籠仔雲耳蒸雞飯~

4個人食咁多野~

真係勁呀~

仲要意料之外~

好大碟呀=,="

特別係籠仔雲耳蒸雞飯~

應該可以夠6-8人食啦~kaka

今餐奕算抵食~

唔貴之餘都算ok~

食到個個大肚腩咁走~kaka

食飽飽就返屋企睇電視啦~

執野~洗衫~收衫~

很充實~

攪掂d野又要準備休息啦~

明天繼續努力啦~

旺旺，做乜今日叫甘多野既@@kaka

哥斯拉

昨夜疲倦~

不算夜訓~

很自在舒服~

可能真的日有所思~

夜有所夢~

夢見了嫲嫲搬到公屋般的新屋~

更真實地強調自己電話壞左唔記得門牌~

又不知為何出現了41樓這地方~

很真實~

無奈未能同嫲嫲暢談~

訓醒有點呆~

睇觶電視~叮早餐~

做家務~洗衫~

再幫鼠鼠沖涼洗籠~

之後就出發到荷里活行街睇戲啦~

行左一陣~蝦子餅同我都大用收穫~

很滿足~

之後到food court食野~

我食豬頸肉凍撈檬~

佢食口水雞~

快捷又好味~

食飽岩岩好夠鐘~

到戲院睇戲啦~

今晚睇哥斯拉~

開頭拖得太長~有d悶~

有d似拍災難片~

怪獸出現~有恐懼徬徨氣氛~ 

電腦特技效果不錯~

另1隻怪戰-穆透~

外觀肉酸恐怖~

貌似曱甴~><

一見到佢就好驚啦~

嚇到我差d叫左出黎~

3隻怪戰打得激烈~

打鬥場面出色~

最終哥斯拉做左救世主~

贏晒~

呢套都算幾好睇~

值得一看~

睇完戲就坐車回家~

返屋企睇陣電視就沖涼啦~

之後幫鼠鼠換糧~

正當係廚房清洗食物碗時~

驚見大強出沒~

嚇得我快速離開廚房~

蝦子餅幫忙噴殺蟲水~

好彩好快攪掂大強~

仲快速清理屍體及清理現場~

嘩~

嚇到我超驚呀~

之後再唔敢入廚房~

而蝦子餅則笑我反應超快~9秒9速逃~=.=

可能今日出街無關窗~

下次都係關窗先好去街呀><

希望唔好再有強哥出現係我屋企啦~

哥斯拉

嫲嫲的新居

今日星期六~

請左半日假~

今日有重要事做~

嫲嫲龍山寺骨灰龕今日正式上位~
同平時返工差不多時間起身~
整理好一切就出發到附近街市買鮮花~
特意選購了特別的花~
黃白色白合~紅色~粉紅色康乃馨~
配埋紫色毋忘我~
多種色彩~睇到都開心~
早d出發~
好早到達粉嶺~
同大姑姐先買野食~
因為實在太肚餓啦~kaka
其後三姑姐到達~
一齊慢食慢傾~
之後就到龍山寺買祭品~
姑姐訂了兩個衣箱比嫲嫲~
但只得紅色~
而姑姐奕十分有心~
買了銀色紙為衣箱變身~

大家努力為箱剪剪貼貼~

終成銀色衣箱~

望落真係幾似嫲嫲的舊鐵箱呢~kaka

之後就一齊摺元寶~

摺滿2箱~

時間也差不多啦~

姑丈~叔叔~琳琳奕到達~

分頭行事~

我同叔一齊拎嫲嫲的骨灰~

而我就拎嫲嫲的墓碑~

跟隨師傅辦理儀式~

大家奕買左嫲嫲喜愛的食物~

花生軟糖~提子~姑姐自製蛋糕仔~

芒果小蛋糕~韮菜餃等~

骨灰龕儀式完成~

再到4樓辦第2個靈位儀式~

辦完儀式就一齊化寶~

為嫲嫲送上衣箱~

之後影張大合照~

再坐車到中心~

一齊到大快活tea一tea~

這場面~真太小有~

tea一tea傾幾句就各自離開了~

人車返屋企~休息一陣~

再落街買kfc做晚餐~

繼麥當當結束~

原來kfc奕將於明天結業~

唉~

乜都無晒~無得食~

真可憐~

邊食邊睇電視~

總算自在~

今晚好好訓一覺~

期待明天會更好~

嫲嫲的衣箱~

DIY護膚產品工作坊~part 2

沒有note 2的日子第1日~

很難捱~

好彩仲有部舊電話iphone4用下~

當然~很不習慣~

本想學習沒有whatapp的日子~

但始終未能適應~

最終~唔嫌麻煩~

全部通訊app裝返晒~

可如常通訊使用~

總算ok啦~

就當係慢慢學習使用~

今日病情好轉~

退左燒果然精神晒~

一返到公司~

就問同事有無人識朋友整電話~

最終~問到陳經理~

可試下拎去佢朋友到整機~

除了考慮維修~

更開始選擇換機的可能性~

其中有款新機都似乎不錯~

但我始終對note2情有獨鍾~kaka

工作繁忙~

好多客人追維修機~

更要忙碌處理文件~

十分忙亂~

間中又要幫同事跟寄貨~

仲要幫某d人搵catalog~

乜都搵我~唔識自己搵咩><

放工準時閃人~

趕mtr到尖沙咀上堂~

今日DIY護膚產品工作坊~part 2~

仍然有3個item~

1.玫瑰透明質酸B5保濕精華液 

2.Body Butter

3.免冲洗護髮乳

今次人數不多~
只有5個人~
保濕精華液最為容易製成~
其後整左兩次免沖洗潤髮乳都失敗左~
很不成功~
最終同另一個同學分左miss果枝~
之後再做Body Butter~

在失敗的陰影下總算完成~
好高興滿足~
之後趕車返屋企啦~
10點幾先返到黎~
蝦子餅仲等我食野添~
由於樓下麥當當將於3日後結束~
於是把握機會食多d啦~kaka
睇陣電視~洗衫~餵魚~
很充實的一天~
明天星期六請假半日~放假~^^v
但都要早起身~
今晚要早d訓先得~

今晚整免沖洗潤髮乳，玫瑰透明質酸精華，香橙味身體潤膚霜！

黑色星期四

今日繼續忙碌~
繼續整理堆積如山既文件~
有點混亂~
暫時無閒處理其他事~
忙足一日~
很充實~
遲左放工~
本想趕回家煮冷麵~
可惜~
放工後突然頭暈~肚痛~
周身無力~不能企直~
成隻捲公蝦米咁~
這情況已知道發燒~
係巴士等車~暈到差d暈低~
好彩好快有車~
即刻上車閉目一陣~
真係好辛苦~
好艱辛先捱到返屋企~
食兩粒退燒藥~
訓陣抖下~
出左身汗總算好d了~
病到死下死下~
蝦子餅返黎即刻煮米粉比我食~
唉~今得無得食冷麵呀><
訓到呆呆下~
起身仲整跌個電話~
之後就出現橫紋~
唉~黑仔到跌壞左=.=
攪咩呀><
黑色星期四>.<
無whatapp~無wechat~無line~T.T
唉~
食飽沖涼抖一陣~
蝦子餅除左煮~仲要洗碗~
更要幫鼠鼠換木槺~
今晚佢一腳踢了~
而我~就好好抖下吧~
希望訓醒好返晒啦~

忙亂的星期三

今日工作繁忙~
整日忙碌整理file~
整一完一個file~
又要整理其他文件~
整日都十分忙亂~
精神緊張=,="多麼忙亂呢~
遲左半個鐘收工~
仲要趕住到街市買餸~
整d方便簡單既晚餐~
食完洗碗睇陣電視~
今日特別攰~
要早d訓呀~

十分忙

今日返工遇上大雨~

相當狼狽~

又等車~又塞車~

足足遲左15分鐘先到公司~

當然~實比人眼望望啦~

一大清早已相當繁忙~

整個早上忙碌開job~

昨日既廿幾隻機~

足足忙足一個早上~

忙完開job~

又要開單~

很忙亂~

lunch食飽訓陣真舒服~

訓醒繼續努力~

努力整理文件~

自己既事都未忙完~

filing箱又儲左一大堆單~

之後又到黃老闆拎個file叫我跟返d野~

會計部更係呢個時候拎成堆statement比我~

真係驚我唔夠忙=.="

緊急既先處理~

其他既明天再努力啦~

忙到連放工都唔記得@@

遲左半個鐘收工~

趕快到附近街市買餸~

今晚無去街街~無去睇戲~

乖乖返屋企煮飯~

簡單~方便~快捷~

食飽就去洗碗~

洗衫~收衫~

很充實~

而蝦子餅因有點不適~

好早就訓左啦~

只好自己一個幫鼠鼠們沖涼洗籠~

一邊睇電視~

一邊整理鼠鼠家居~

得自己一個整~有d輪盡呢~

睇黎~今晚又無咁早訓lu~

百走！

偶然走車走lift唔係問題，但一路上搭乜走乜，會令人發癲。

黑開有條路，或許是日「亦」不適宜上班吧，哈哈！

星期一 @ 和亭日本料理

昨夜失眠~

3點幾先訓~

好彩今日仲知醒返工~

不過就相當眼訓囉~

工作忙碌~

好多街客前來維修~

不停忙碌開job~

仲要幫人打信封寄信~

更要臨急臨忙幫老闆娘打單~

十分忙亂~

lunch食飽飽訓覺~

卻被新同事門鐘嘈醒~

佢暫時未有開門卡~

次次趁人訓到正甜先返黎~

真麻鬼煩呀><

下午努力整理文件~

filing其間~

被黃老闆叫左入房~

突然比人照肺~.~

佢話我d filing好亂wo~

亂七八糟~

要我全部重新整理下wo~

呢d係上一手佢個女教落黎架~

7年前我整得唔好你唔話我?

7年後先黎話我~

真係咁得閒由頭整理一次filing咩~

自己d單都未攪得掂啦~

而家叫我重新做過真係好困難囉~

唉~比人話完~

個心始終好唔舒服~

於是~沉默的繼續工作~

到6點正~靜悄悄的離開公司~

真的想冷靜一下~

其後坐巴士到旺角行街街~

本想買對水鞋~

可惜無岩心水~

之後再到太子為鼠鼠們加添食糧~用品等~

然後坐車返屋企放好物品~

再到商場會合蝦子餅同旺旺~

今日又同旺旺食飯啦~

選擇到附近(和亭)食日本野~

牛油帶子~燒墨魚筒~

海鮮石頭鍋飯~

蟹子沙律~刺身~壽司~

服務生態度不錯~

味道尚算可以~

但遠遠比不上(和民)~真唔明~

同一個集團~竟然有咁大差別~

我諗~呢間(和亭)~

有排都唔使幫襯lu~

食飽回家~睇電視~

再幫鼠鼠換糧~

攪掂就早d休息啦~

好攰攰啦~

good night~

開餐啦喂！ （　´∀｀）

矛盾母親節

今日係母親節~
心情有點矛盾~有點忐忑~
本想祝願姑姐們母親節快樂~
但自己果關都過唔到~
更怕令她們傷心~
還是不聞不問~
平靜地渡過~
天氣惡劣~
整日落雨~
只好留在家中睇電視~
一連睇左幾套電影~
夜晚落街買KFC返屋企開餐~
邊食邊睇好味道~
再幫鼠鼠沖涼洗籠~
鼠爸爸眼睛愈來愈嚴重~
又無野可以做到~
真令人擔心呀~

happy星期六

終於到星期六了~
這星期4天半的工作似乎都很難捱~
又要搬~又要執~
真係好攰呀~
好彩捱埋今日咋~
星期六返工真係好無謂~
無電話~又無客人~
開job~清理文件等~
其他重要的留待下星期努力~
1點準時放工閃人~
今日大姑姐,三姑姐黎我屋企坐下~
開小食會~
一齊買kfc桶餐~
坐係梳化睇電視~邊食邊傾計~
仲有慧儀表妹既韓國手信~
多謝晒~
我仲試整叉燒比2位姑姐試下~
不過~有d燶~有d乾~
希望下次再努力~kaka
其後~大姑姐先離開~
而三姑姐就留低~
教我整芝士餅啦~
多得姑姐整定個芝士餅底~
其後逐個步驟教我~
從旁協助~
哈哈~終於成功~
之後姑姐就買飯返去同彤彤食飯~
而我就返屋企清洗用具~
睇陣電視~夜晚食完飯就食cheesecake~
好好味~
好滿足~
好開心~
多謝姑姐做我大師傅呀~kaka
第1次整算不錯啦~>3<
下次再努力~^^

第1次整cheesecake,好好玩，好好味！又肥多幾磅啦！kaka

朋友短聚

今日又做咕哩啦~

我同寶寶忙碌左一整日~

兩個不停整理櫃後的catalog ~

又要執~又要搬~

今日果d仲烏糟過琴日果d~

塵埃滿天飛~

忙亂整理~

自己既工作無法處理~

客人既維修機尚未job~

更有一大堆文件未處理~

已經夠晒忙亂~

轉頭肥佬又拎晒d單比我整理~

3~4月既單一次過比晒我~

唉~睇見都頭痛呀~

無閒處理~明天再算~

努力執貨~

終於清晒d catalog~

整理分類好~

就要準備收工啦~

今日遲左半個鐘離開~><

好彩唔算趕時間~

今晚約左阿彭食飯~

本來仲有joe~同zero~

可惜佢兩個又話取消唔黎~

見阿彭無人陪咁失望~

於是繼續2人行食放題~

今次佢揀朗田日本料理~

比約定時間早半個鐘~

早d入去開餐~

刺身都幾新鮮~但款式不多~

炸蝦天婦羅非常好味~

但蕃薯天婦羅就普通d啦~

炸蠔~炸芝士年糕~燒雞翼都好好味~

焗蠔味道尚可~但相當細隻~

羊架香而不膩~都ok~

但以我食咁多間放題黎講~

呢間只算中級評價~

幸好我們不至在食~

大家至在傾計聚舊~

邊講邊食~

2小時好快過去~

離開時竟然非常大雨~

只好到家品店行下消磨時間~

行一陣雨勢漸減~

各自離去坐車回家~

返到屋企~忙碌洗衫~

幫鼠鼠換水換糧~

餵魚等~

攪掂就睇陣電視~

真舒服寫意~

捱埋聽日就放假啦~

加油捱埋佢呀~>'<

好滿足呀 (≧∇≦)

2014可樂

今早又掛住追劇~

又差d趕唔切出門口啦~

好彩~仲趕得切返公司~

早上忙碌為別人處理其他事~

仲要跟寄貨~跟維修等~

相當忙亂~

本想lunch食飽飽訓下~

點知肥老闆突然話全公司飲茶~

相信係同3位同事迎新呱~

唉~事出突然~

攪到我無得食自家製午飯~

仲要無得訓覺>m<

肥佬發板一向都唔夠食~

1圍12個人~叫得1籠燒賣~

1個飯~幾個點心~幾籠包~

我地女士都唔夠飽啦~

更何況男士們~

唉~

次次都係咁~

真無奈呀~

下午~忙碌做咕哩~
要整理後面櫃頂既catalog~
又烏糟又大塵~
好彩有寶寶幫手~
搬搬抬抬~真係好攰~
不過時間過得好快~
準時放工~閃人~
仍然選擇到公司附近既超市購物~
終於買到梅頭啦~
過兩日整叉燒~hehe~
行過759~見到有新板2014可樂啦~
愛不釋手~即刻買~
就當哄下自己啦~^^v
之後就坐車返屋企啦~
趁有時間準備定今晚晚餐~
今晚打算整綠茶芝麻冷麵~
配日式煎餃子~麵豉湯~

簡單又好味~正呀~
食飽飽~坐下睇電視~
終於追晒成套(步步驚情)~
係時候搵第2套劇睇啦~
經過一日辛勞~
相當疲倦~
今晚早點睡吧~
good night~

又多一罐可樂啦！♡

假期後~

放假後~

總有點力不從心的感覺~

文件雖多~

但無心處理~

早上忙碌開單~開job~

很混亂~

自己既野都未攪掂~

肥佬就叫我幫佢搵單入report~

我一早分好比佢老婆啦~

又要我搵多1次~

浪費時間-,-"

新黎既同事笑聲非常大聲~

我老闆就係中意呢d笑面人~

佢既行為~衣著~

同離職既c小姐極為相似~

我同寶寶都不禁愕然呢~
中午~收到冼師傅送出的平安包電話繩~
真係1年1條~
好感動呀~
多謝冼師傅~ 

lunch後稍為悠閒~

呆呆地整理文件~

仲要做咕哩~搬貨執零件~

幾經辛苦捱到6點放工~

快快閃人~

今晚想玩煮飯仔~

到公司附近超市~街市購物~

可惜毫無收穫~

只好坐車返黎~到隔離邨買餸~

幸好~仲買到新鮮肉排~

今晚蒜蓉豆豉蒸肉排~

炒生菜~蕃茄炒蛋~

簡單又好味~

食飽睇陣電視先洗碗~

之後收衫~洗衫~

餵鼠~餵魚~

倉鼠爸爸~哈姆近日行為有點異常~

眼睛奕開始出現白點~

初步估計係白內障~

唉~真令人擔心~

希望唔係想像中咁差啦~
奕希望佢平安無事啦~

今年又有平安包電話繩啦！多謝冼師傅 (☆^O^☆)

佛誕假期

今日係佛誕假期~
放假又可以訓到自然醒~
真舒服自在~
起身繼續努力煲劇~
真勤力呢~
做下家務~清潔家居~
趁放假~清洗床單被鋪~
當洗到尾段時~
聽到很大既滴水聲~
立即跑去廚房睇下~
原來去水位喉管漏水~
好彩及時發現~
即熄洗衣機~
更立即叫醒蝦子餅看看情況~
原來條水喉管跌下~
導致塞住去唔到水~
好彩即刻攪掂~
只係滲左小小水出黎~
今次都算好彩啦~
雖然係廳睇緊電視~
但聽到水聲都仲識即時入去睇下~
自上次壞洗衣機水浸廚房後~
我已學會打醒12分精神~
真係經一事長一智呀~
整理完廚房~
就可以安心煮肉丸麵做早餐~
食飽繼續睇電視~
再幫鼠鼠沖涼洗籠~
攪掂晒所有野~
就出發到megabox行街街~
今日專程去行aeon~ikea~
仲大有收穫添~
買左好多實用家品~煮食用具等~
最開心係~又可以ikea開餐啦~
今次食肉丸~雞翼~豬肋骨~凍蝦~
嘩~超好味~
百吃不厭~kaka
食飽飽就準備回家~
返到屋企已經10點半啦~
沖完涼~叮爆谷食~
再繼續煲劇~kaka
唔使返工既日子真係舒服寫意呀~^o^
i love hoilday~~kaka

升職呢家嘢……

升職呢家嘢，你識條鐵咩！

老闆想升邊個，邊有得用常理去分析㗎！

發呆星期一

星期一又要返工了~
今日精神麻麻地~
可能昨晚又訓得唔太好啦~
整夜行雷閃電相當嘈吵~
好彩今日只係返一日~
明天佛誕又休息啦~
工作不太繁忙~
死板既文件令人有點發呆~
加上幾位同事外出工作~
公司更覺寧靜呢~
hoilday mood更令人想快點放工~
幾經艱辛先捱到6點~
準時閃人~
到醫院幫奶奶拎藥~
前往醫院的一刻~
不禁想起了嫲嫲~
奕忍不住眼濕濕了~
很痛心~
11月29日嫲嫲還在醫院和我傾談~
估唔到第2日已經昏迷不醒~
所以~這次我其實很不願意再到呢間醫院~
無奈~蝦子餅唔得閒~
我奕要學會面對這現實><
拎完藥就返屋企休息一下~
冷靜後~
再同蝦子餅~旺旺~肥仔一齊到叻沙食晚飯小菜~
4餸1湯~配油飯~
好好味呀~
食飽飽~心情也好d~
返屋企繼續睇電視~
又可以慢慢睇~
明天放假又可以訓到自然醒啦~
輕鬆d放假吧~

休息

今日係休息既好日子~
好好訓~
訓左大半日~
連街都唔想去~KAKA
抖夠果然精神百倍~
無地方去~只係去老人院探奶奶~
補充物資~
之後到隔離邨商場行街~
到超市掃貨~
蝦子餅在場幫手拎野~
可買更多物品KAKA
夜晚返黎玩煮班戟~
第1次整有D輪盡~
仲要WHATAPP問姑姐~KAKA
最終都算成功~
其後愈整愈燶~
下次要再整好D~
玩完整野食~
就可以安心睇電視啦~
繼續努力煲劇~
捱埋明天又放假了~
好期待唷~

悠閒星期六

捱到星期六了~
返埋今日半日又放假了~
一大清早返到公司~
收到mail話肥佬出差~
哈哈~好事呀~
一整日唔使對住佢~
正呀~
星期六相當悠閒~
又無電話又無客人~
真係悠呢~
只好整理一下文件~
開單跟維修等~
去12點鐘左右~
老闆娘叫我搬櫃執櫃~
將catalog搬入櫃~
一堆堆既catalog~
好重呢~搬來搬去~
唉~好攰呀~
打雜一樣~
早又唔叫我整~
次次都咁遲先叫人做~
攪到又唔可以準時收工啦><
蝦子餅仲專程接我~
等左我幾個字呀~><
今日約左姑姐到樂富行街~
有蝦子餅順風車好快就到~
仲有時間行陣書局添~
之後準時會合2位姑姐~
一齊到大家樂食下午茶~
今餐大姑姐請客~多謝晒啦~
食飽就行街街啦~
由玩具展~家品店~萬寧~屈臣氏~
再到uny~超市~街市等~
邊行邊傾計~
很快樂~
係超市更大有收穫~
同姑姐一齊研究討論整麵包~
哈哈~好攪笑~
行左幾個鐘~
已到傍晚時份了~
係時候各自回家啦~
趁有時間~我就慢步行返去~
就當做下運動吧~
返到屋企整理好物品~
蝦子餅就掛住訓~
我就繼續努力煲劇啦~
一連睇兩集~
之後先開始煮晚餐~
今晚整忌廉白汁蜆肉意粉~
仲有蜜汁雞翼~茄汁青口~
簡單~快捷~好味~
食飽飽就要快手洗碗~
之後就要幫鼠鼠們沖涼洗籠啦~
可能天氣開始轉熱~
鼠鼠們身體開始脫毛~
睇黎好快要放散熱板比佢地啦~
明天放假~
今晚可盡情睇電視~
夜d訓都唔驚啦~呵呵~

特別攰

今日係5月份第1個工作天~
放得1日假似乎不太足夠~
好想繼續放假~
今日返工有3位新同事返工~
與預期一樣~
我地既消息的確很靈通~
只係大家無出聲ja~
3個由日本公司遣散過黎既同事~
肥佬非常中意佢地~
話佢地又叻又好笑容~
事不關己~己不勞心~
佢有佢工作~
我有我忙碌~
除左要開job~跟維修外~
仲要執下位準備放櫃~
由於接收左日本公司既文件櫃~
我同寶寶都忙碌得多了~
準備左2個大櫃比我同寶寶同事~
話比我地放零件wo~
一下子左執右執~
認真忙亂~
lunch最為輕鬆快樂~
同寶寶~東東3人行到麥當當食lunch~
以往都係只得長洲有脆香素菇包~
仲要係只供應佛誕前後一星期~
今年全線都有得食啦~
一齊到麥當當再品嚐脆香素菇包~
好味道~
食飽坐車返工繼續努力~
今日真係忙到9彩呀~
鄭經理又同助理經理上左大陸~
d野又無人做~又踢晒腳~
老闆娘又愛理不理~
真麻煩~
幾經辛苦先捱到放工~
準時閃人~
快速離開公司~
坐車返黎~到隔離邨超市掃貨~
慢慢行~買左好多野~掃左唔小特價品~
買完野又返屋企放好戰利品~
再到文具店買郵票簿~
舊的郵票簿又滿了~
又要開本新的了~
買完郵票簿~再等埋蝦子餅~
一齊買kfc返屋企開餐~
今次kfc有芝麻雞~
邊食邊睇電視~特別好味道呀~
今日腳仔特別攰~
都係早d休息啦~
good night~

3D蜘蛛俠 2 決戰電魔

今日5月1勞動節放假~

唔使返工~訓到夠自然醒~

真舒服~

起身忙碌幫鼠鼠沖涼洗籠~
趁有時間~
洗衫~收衫~清潔家居~
仲可以舒服地睇電視~
真爽呀~

傍晚時份同蝦子餅落街嘆吉野家下午茶~
呢期介牛肉~食雞扒麵一樣好味~
食飽坐車到荷里活~
行陣街街~
再去冒險樂園玩擲彩虹~
真好玩~
之後準時入場睇戲啦~
今晚睇(蜘蛛俠 2 決戰電魔)
開頭拖得太長~感覺有d悶場~
3D效果出色~
特技相當精彩~
打鬥場面震撼~
都幾好睇~
最終女主角都係死左~
太可惜了~
睇完戲就慢步回家~
順道買宵夜~~有豬雜~雞翼尖~辣魚蛋~
好味道~
邊食邊睇電視~
真寫意~
無拘無束的假日又過去了~
明天又要返工啦~><嗚嗚