哈哈……今晚食乜好 ≧▼≦?

寒酸

請得咁肉酸，真係唔請好過。
（分分鐘開公數。哈哈！）

盂蘭神功

終於有時間去睇戲啦~

套戲上左2星期啦~

一直抽唔到時間去睇~

好彩仲有場夜場岩時間睇~

本身自己都好中意睇鬼片~

但今次入場~

主要為左支持張家輝首次做導演~

如果講驚嚇未算夠驚~

大多數估到驚嚇鏡頭幾時出現~

張家輝~劉心悠~表現相當出色~

故事情節唔難估~

部份情節令人想到藍可兒~咒怨~驅魔人~

不過~第1次都算不錯~

可以再驚嚇D~

期待下次會更好呢~

盂蘭神功

Tea Buffet@富豪九龍~雅廊咖啡室

終於都捱到星期六啦~

呢個星期相當難捱~

今早更攰到唔願起身返工~

加上身體有點不適~

好攰唷=O=

真係要好好抖返夠呀~

今個星期六特別清閒~

整個上午無聊的~遊魂般渡過~

連電話都好小響~
真浪費時間呢~

放工準時閃人~

坐車到荷里活買定今晚戲飛~

自己行一陣~

再到地鐵會合蝦子餅~

一齊坐車出發去~

今日約左三姑姐一家人~大姑姐~表妹~

一齊到富豪九龍酒店雅廊咖啡室食下午茶Buffet~

除左係嘆茶傾計外~

主要係要見下康康~

不經不覺~康康離港已半年~

今次返黎~好難先夾到時間見面呢~

康康肥左又廋左~Kaka

不過依然靚仔有型~

問候一下~

幸好佢話讀書唔算太忙~

主要係生活習慣很大改變~

無論如何~

加油呀~

雖然食物不算多~

但下午茶奕算Ok~

最緊要係味道好~

樣樣都好好食~Kaka~

甜品更為不錯呢~

Tea一Tea~

傾下計~

輕鬆又開心~

今次三姑姐請客~

多謝晒呀~^o^

食飽又要各自離開~

我同蝦子餅去行永安~

之後就返屋企睇陣電視~休息一下~

抖夠一陣又要去睇戲啦~^o^

Yeah~~~

Tea Buffet (≧3≦)

今月一嘆

OH~今早好慘呀~

我份早餐吞拿魚蛋沙律三文治竟然係酸味既~

原來變壞了><

好彩~臨時叫未返到公司既寶同事幫我買燒賣牛肉~

總算有早餐食~KAKA

早上工作忙碌~

不停忙人地既事~

幫人打信封~

幫人跟寄貨~

幫人打報價~

有點混亂~

自己既事就無法處理~

有排做啦=,="

LUNCH同東東,寶同事一齊外出飲茶~

3人嘆茶真開心~

叫左好多野食~

開心又滿足~

正呀~

食飽返工繼續努力~

下午總算能做到自己既工作~

總算能清理部份文件~

捱到6點~

準時閃人~

原本想到荃灣行街買魚仔~

等車期間得知蝦子餅今晚提早放工~

於是更改行程~

早點回家啦~

等蝦子餅返黎~

一齊到PHD買PIZZA~

新出既(和風蟹棒飛魚籽PIZZA)~

味道不錯~

邊食邊睇電視~

真舒服寫意~

睇多陣好早D訓啦~

腳仔攰~要休息多D呀~

GOOD NIGHT~

Yeah !今月一嘆(≧∇≦)

身心疲倦~

今日仍然好攰~
身心疲倦~
工作很不如意~
很多阻滯~
近日更有人想爭晒我D野去做~
咁中意爭比埋你做啦~
連我個位都比埋你啦~><
放工快快閃人~
出門口之際老闆娘叫我返轉頭問野~
問我D單係邊WO~
個客又唔係我既~搵我問做咩~
我都費時理佢呀~
坐車返黎~
到老人院探奶奶~
畢竟近日經常出街~
已多天無去探訪~
情況依然~沒有太大分別~
坐一陣就離開～
趕返去買外賣冬瓜盅開餐~
同蝦子餅一人一份~
回家開冷氣~睇電視~開餐~
十分滿足~
係屋企真係特別舒服自在~
正所謂在家千樣好~
唔使係呢間公司做更好~
哈哈~

朋友短聚 @ Berliner - German Bar & Restaurant

今早又有大笑話啦~

出門口買奶買三文治返公司準備做早餐~

點知落車行行下~

行到樓下飯堂竟然入去買燒賣做早餐~

最嚴重係~

買完都唔記得買左早餐~

返到公司放奶入雪櫃先見到三文治~

嘩~失憶症相當嚴重~

記憶太差了~

不過~我承認整個車程我都諗緊馬拉松~

報名與訓練真的很難決定~

繼上次(雪櫃有自家製飯盒仲叫外賣)後~

今次又一新笑話~

係咪我想得太多呢?
早上工作不算忙碌~
悠閒的整理文件~
開單~跟進維修等~
LUNCH食飽小睡片刻~
精神晒~^^
下午繼續努力~
原本都係準備FILING~
點知突如其來變得忙碌~
杜經理趕住出街~
將兩個客既單同貨交晒比我跟~
陳經理將幾份文件比晒我整理~
仲有幾份文件都寄~
最忙既時候~黃老闆又叫我安排寄貨~
突然變得好忙~

亂七八糟~@@
好彩~最終幾件事都算順利完成~
順利渡過~
臨收工前~
倉同事又拎堆貨比我跟~
唔收工都唔比我既>.<
攪到我遲左收工添~
好彩仲趕得切坐MTR到LCK~
今日約左人換公仔~
1隻熊大換2隻古士~
總算順利~
而家仲差1隻咋~
加油呀~^O^

換完公仔~就轉車到奧海城~
先到書店拎我預留既(留下士多)~
順道幫寶同事買寵物書(唐狗尾笑女)~
之後就行返過去會合BB,嘉塋,細妹~

今晚嘉塋男友TOBY都有份參與飯局~

今晚進軍德國菜~

Berliner - German Bar & Restaurant~

1人點1餸~
德國咸豬手~
黑森林火腿~蘑菇~松子仁配芝麻菜脆薄餅~
肉腸拼盤配燒薯及酸椰菜 ~
Sausage Platter ~
 煙三文魚德國黑麥包~
樣樣都好好味~
不過~有D咸囉~KAKA
飲品味道更感清新~
 邊食邊傾計~
真RELAX~
好味~好滿足既一餐~
食飽飽同BB~細妹慢步到旺角~
幫助消化~順便行下波鞋街~
無收穫~
仲行到成身汗~>.<
熱到暈呢~
行一陣坐小巴回家~
涼涼冷氣~睇陣電視~
真舒服~
今日都總算過得輕鬆舒服~
哈哈~
朋友與美食萬歲~~

今晚想食德國菜呀！(≧∇≦) 

感恩

好攰呀~

可能琴日行得太多~

今早竟然腳抽筋~

好痛呀><

加上頸緊膊痛~
而家連腳都痛埋~
真可憐~
攪到今日做野總係力不從心~
老闆同老闆娘整日黑面~
一時就十問九唔應~
一時就BELI BALA~
日日睇面色做人~
唉~搵食艱難呀~
捱下啦~
放工準時閃人~
慢步到荃灣~
今晚會出席中心講座~
趁未夠鐘順道行下街~
準時到達~
出席人數奕不小~
有遊戲玩~
分享心得~
聚後有茶點~
果然好有滿足感~
下一個目標想試下跑馬拉松~
但要訓練數月~
雖有心嘗試~
只怕自己體能有限呢~
更何況~根本無人支持我~
考慮下先啦！
講座約9時完結~
坐車返屋企休息下~
睇陣電視~睇書~
今晚過得很滿足~
輕鬆自如~
很感恩呢~

有咩唔可以擺上枱？

唔好周圍擺好冇？

賀壽@順德經典

今日真係好攰呀~

頸緊膊痛~

左邊頸似乎真的扭親~

只好自己小心D~~

慢動作吧~

工作不太忙碌~

入資料~入機號~

整理文件等~

尚算悠閒~

老闆娘整日係到發癲~

叫佢聽電話又唔聽~

問佢野又唔應人~

真難頂~

呆下呆下又捱左日~

6點正準時閃人~

慢步到T W~

一方面到書店搵(樓下士多)~
可惜都係搵唔到=,="

另一方面到MTR同人換公仔~

換得心頭好~

順路到烘焙店買材料~

行得真開心~

之後就坐車返黎~

會合蝦子餅~旺旺~肥仔~

今晚同旺旺補慶祝生日~

叫左好多野食~

小籠包~脆皮雞~乳鴿~鵝腸蒸蛋~小食拼盤~

雞絲粉皮~香醋骨~魚香茄子~魚茸湯羹~

嘩~好豐富~超好味~

哈哈~

有人又老一歲啦~KAKA

食飽飽就返屋企啦~

睇電視~睇小說~

好忙碌呢~~KAKA

咁忙~24小時都唔夠用啦~
希望今晚唔好太夜訓啦~KAKA

同燾哥賀壽(≧∇≦) 

輕鬆行書展

今早10點幾就起身啦~

對我而言~星期日10幾起身算早啦~kaka

起身忙碌清潔家居~

清洗大魚缸~

整理盆栽~

再幫鼠鼠們沖涼洗籠~

待蝦子餅起身~

睇陣電視就出門口啦~

到吉野家嘆下午茶~

食飽飽向會展出發~

一年一度又書展~

左兜右兜~

足足1個鐘先入到會場~

又熱又攰~

好彩入到去就變得精神~

向目標出發~

買左好多心頭好~

馬仔既我的低能旅行-2~

文地既Office系列~

九把刀既等一個人咖啡~

梁珮瑚既迷失在感情路上的人~

想買既都買晒啦~

Cosmopolitan雜誌都訂埋啦~

唯一買唔到就係(留下士多)~

果檔書檔奇奇怪怪咁~

竟然收晒D書係收銀處~

去到買時聽到有個人問~(乜唔係第2個封套咩?)

果時職員先話今日無晒~

果個人都比晒錢~
只好無奈地離開~

到我去收銀處比錢~

職員都係話無封套~

叫我明天入場補返~

我問佢~(我要明天比$25入場拎返個套?)

(請問可以去其他分店補返嗎?)

佢都係話無.........

真無奈呀~

最終都係無買到~=.="

因為果個封套真係好靚~

我唔想無左個套~

只好過兩日到書店買啦~

行左5個鐘~

真係好攰啦~

係時候離開了~

到附近既(越朝)食馳名既火車頭河~

配埋春卷~

簡單又好味~

很滿足~

食飽飽就返屋企啦~

滿載而歸~

真開心~

今日行左咁耐都好攰了~

早D休息抖下啦~

豐收過後=疲憊不堪~
早抖啦~~

一年容易又書展…輕輕鬆鬆來洗錢≧∇≦

今年都幾好收穫~馬仔~文地~等一個人咖啡~梁珮瑚~

想買既都買晒~雜誌都訂埋啦~唯一遺憾買唔到（留下士多）＝0＝

沉悶星期六

終於都捱到星期六啦~
好無聊~好悶~
工作沉悶~
又無客又無電話~
HEA住返工~
浪費時間~
早知放假抖下好過~
準時1點~
即刻閃人~
坐車返黎搵大姑姐,三姑姐,彤彤一齊到快餐店TEA~
我地已經3星期無見面啦~
更多話題~
邊食邊傾計~
很滿足~
為姑姐們送上澳門手信~
三姑姐又送印花比我~
又幫我買甜品用具~
tracy表妹買左俊介筆盒比我~
大姑姐嫁女派餅卡~
嘩~真開心~
多謝大家~
食飽就行陣街街~
一齊到格仔鋪行街~
再到萬寧行下~
仲係屈臣氏買枝洗面膏~
總算有收穫~
傍晚時份~各自離開~
三姑姐去食自助餐~
大姑姐返去行商場~
我就返屋企睇電視~打機~
夜晚就煮肉丸蝦子麵作晚餐~
方便又好味~
食飽飽睇陣電視~
之後就要早D休息啦~
養足精神~
明天要去書展唷~
加油呀~~

冷靜~放鬆

今早返工遇上大塞車~
無奈地又要搵老闆娘講聲~
最終9點5先到公司~
真瘀呢~
今日繼續疲倦~
似是濕氣重令人疲倦~
又或者開始想作感冒~
公司內奕不只我一人有呢種徵狀呢~
幾位同事一齊叫攰~
真係要休息多d~
多加注意了~
工作不算忙碌~
filing ~入report ~
放工有蝦子餅順風車~
好快就返到黎~
趁有時間又唔使煮飯~
到老人院探望奶奶~
情況依然~
沒有太大進展~
仲遇見以前對嫲嫲好好既黃姑娘~
本來黎呢到都夠晒忐忑~
見返呢個黃姑娘更係忍受不了~
即刻返入房冷靜下~
眼紅紅~眼濕濕~
佢可能唔認得我~
但我記得佢曾經對我嫲嫲好好~
好多謝佢~
但我奕十分痛心~
很難過呢~
探望一陣~
又去買大拇指米線回家開餐~
邊食邊睇電視~
總算輕鬆一下~
今日仍然好攰~
希望早d抖下~
放鬆~~再放鬆~

腰酸背痛

呢期已經無波睇啦~
而且呢2晚都叫早訓啦~
但起身仍然好攰~
腰酸背痛~
都唔知係落雨風濕定開始作病~
沒精打彩~
無心工作~
連行去FILING既力氣都無~
只好坐定定入維修紀錄~
整日都不是狀態~
攰到暈~
放工準時閃人~
返屋企休息一陣~
就開始忙碌拖地~清潔廁房廁所~
忙完一輪~
就落街同蝦子餅到快餐店据扒~
簡單又好味~
食飽飽返屋企睇電視~
之後就幫鼠鼠沖涼洗籠啦~
鼠鼠們今日好乖~好合作~
好快就攪掂啦~
希望今晚可以早D休息啦~
唔好再咁夜訓啦~
早抖~~

天氣酷熱~

今日仍然非常眼訓~
好攰~無晒精神~
颱風開始影響本港天氣~
天氣酷熱~
令人更覺辛苦疲倦呢~
幸好工作不算忙碌~
hea住做野~
好快就捱得過~
放工準時閃人~
坐車返黎到mtr同人換公仔~
總算順利~
等待蝦子餅返黎~
一齊到麥當當試下麥爆雞~
味道都幾得意呀~
食飽飽就返屋企睇電視~
再吸麈~清潔~洗bb魚缸~
真忙碌~
今日有點攰~
應要早點休息啦~
早抖啦~

短聚@和民居食屋-OPC

今日似乎比琴日更攰更眼訓~

魂不附體一樣~

可能呢兩三日都會係咁~

無左世界盃~攪到好似出現時差咁~

希望快d適應返原本生活~

工作不算繁忙~

遊魂般整理文件~

心不在焉~

放工準時閃人~

蝦子餅順風車黎接我~

送我到老人院探奶奶~

仲有拎藥比院舍姑娘~

蝦子餅先離開返公司~

我就陪伴一陣先坐車出官塘~

時間差不多就去會合BB~

今晚約左BB食和民居食屋~

臨時加埋蝦子餅~

3人行可以食得更豐富呢~

呢間OPC分店都係首次去試下~

服務好~

環境整潔~味道不錯~

叫左好多野食~

3串王串燒~7味咖哩雞翼~

 溫泉蛋凱撒沙律~三色刺身~

 鐵板西冷牛扒鴨肝~串燒盛合~

 吉列熊本白豚~

 石頭黑椒牛肉飯~天婦羅烏冬~

樣樣都好美味~

但叫得太多~

眼闊肚窄~

始終食唔晒=O=

慢慢食~慢慢傾~

食得開心~傾得開心~
輕鬆晒~

食飽飽又各自離開~

又要等下星期再聚了~

返到屋企~

忙碌餵鼠餵魚~

好攰~

沖完涼早D休息啦~

GOOD NIGHT~

嘩，好豐富呀！

[娛樂] 古巨基結婚了！

[娛樂] 古巨基結婚了！

 

 

  

他與助手兼女友Lorraine拍拖多年，他們於美國拉斯維加斯註冊結婚拉埋天窗，結束20年愛情長跑。下午，古巨基把結婚照上載微博，還寫上：「從94年我第一張唱片開始，在我工作上妳一直緊守在照顧我的崗位。然而此後，妳的未來，就讓我來好好的照顧。」

(轉貼基仔微博)

世界盃過後

今早睇波睇到天光~
德國贏左冠軍啦~
買主客和就贏波輸盤~
買半場和同總冠軍就有錢落袋~
都算好運~
果球真係入得靚~
好精彩~
世界盃過後~將會變得清靜~
玩左成個月~
係時候抖下啦~
之後訓返個半鐘~
7點半起身返工啦~
好彩仲知醒咋~~
熊貓女又攰又眼訓~
返到公司忙碌做野~
一杯咖啡~精神起來~
總算捱得過~
原定今日下午放假陪奶奶覆診~
而家唔使索性銷假~
繼續返工~~
由於家中電腦尚未維修好~
只能暫時用公司電腦UPLOAD相上網啦~
文件堆積如山~
不急趕的~慢慢處理~
疲倦不堪~
放工快速閃人~
坐車到老人院探奶奶~
今日出院精神不錯~
每次到老人院也特別心噏~
上次朋友開車接我~我奕忍唔住~
失禮人前~
每行到果到都會眼濕濕~
唉~
還有排捱呢~
陪伴一陣~
買大拇指米線返屋企同蝦子餅開餐~
酸辣米線加口水雞~蒜泥白肉~
超好味呀！
之後我就幫鼠鼠沖涼~換木槺換糧~
而蝦子餅就幫我裝返電腦程式~
電腦終於強勢回歸~
不過~今晚應該都係無得用啦~
我已經好攰啦~
今晚應該早D訓啦！

海洋公園承認人為錯誤致59條魚死亡

海洋公園「海洋奇觀」內兩個小型魚缸，59條魚於本月3日清晨被發現死亡，包括於園內繁殖的一條幼年狗侶竹鯊及兩條黑點土鯆，還有一些梭羅魚及花鱸等。

公園承認事件是人為錯誤，表示非常難過，會嚴肅處理，包括已紀律處分有關員工，檢討工作程序，以及加設額外感應器等。
海洋公園接受查詢時表示，魚類的死因主要是缸內的含氧量偏低，導致窒息，並相信含氧量跌至比正常低，是因為未能透過造浪功能，重新開啟活門，為魚缸提供已過濾之池水所致。
海洋公園表示，一般程序下，當維修水缸或為魚類治療時，造浪功能可關閉長達6小時，不會影響缸內之魚類健康。不過在魚類集體死亡事件的前一天，造浪功能因為進行池水處理項目而被關閉，完工後又未有妥善地重新啟動，魚缸內含氧量因而逐漸下降，最後導致魚類死亡。

海洋公園承認人為錯誤致59條魚死亡　

轉自│香港電台│

Email下款要有乜？

在下款預先set好你的聯絡資料，很難嗎？

還是，你不想那麼輕易被我聯絡上？咁你就唔好叫我call你啦......

冠軍戰

上半場和呀……

捨不得回來

今早訓得3個鐘又起身啦！

有得玩~抖陣已經足夠~

 hea下~執拾行裝check out ~

之後出發食翅當早餐~

正呀~好味道~

食飽分道揚鑣~

肥仔又去買四驅車~

爸爸同基哥就去買波~

我地都順路睇下~

之後同蝦子餅坐車到威尼斯人~

向第二個目標進發~

Transformers 30周年展覽~

呢個展覽奕係我地黎既主要目的~

7米高既柯柏文~大黃蜂~

好型呀！

舊板模型~進化史~精品~模型~

都幾好睇~

不過~似乎比想像中細~

好快行晒~

之後到官也街行下~
先食杯木槺布甸~
再食多個葡撻~
行下鉅記買手信~
買左厚山豬比同事~
鳳凰卷比姑姐~
買左一大袋~真開心~
之後等齊人~
一齊到昌誠食水蟹粥~
鯪魚肉丸~椒鹽魷魚~炒蜆~瑤柱扒生菜~
樣樣都好好味~
很滿足~
臨走時~再食多杯木槺布甸~
滿足的行去銀河轉車到碼頭~
上船後~
休息一陣~訓醒已到達上環~
真係唔想返黎~
未玩夠呢＝0＝
希望好快又可以去玩啦！
有得玩~有得食~有得睇~仲有得賭~
真係好輕鬆舒服~
返屋企執好物品~
再忙碌洗衫~
希望快d攪掂d野~
夜d仲要睇波架~
今晚德國對阿根廷~
加油啦！

返到黎啦！玩得唔夠喉，完全唔想返黎囉＝0＝

季軍戰

訓左兩個鐘~
果然唔知醒起身~
遲左起身~
又係只睇得下半場~
蝦子餅更睡得正甜~
自己睇~薯片汽水陪伴左右~
最終~巴西對荷蘭季軍戰~
荷蘭3:0獲季軍~
哈哈~今場有錢贏啦＼(^o^)／

完場了

Happy Together

今日四點幾到達~
立即去十六蒲check in ~
爸爸~阿基~肥仔三個一間房~
我就同蝦子餅住隔離房~
洗個面~
佢地就到賭場玩~
而我就同蝦子餅去M J 博物館~
細心欣賞Michael Jason 用過既物品~
之後同佢地會合~
再出發陪肥仔搵四驅車~
山長水遠~行左好耐先搵到~
又熱又攰~
行到腳軟~
買完四驅車~
再行去搵餐廳食野~
基哥話想去食地道葡國菜~
幾經辛苦先搵到~
富仕葡國餐廳~
環境就一般~
但味道的確好味~
忌廉焗馬介休~葡國雞~葡汁四蔬~
炭燒豬頸肉~炒蜆~菠蘿炒飯~
最特別係燒雞釀飯~
好味道~
之後就返酒店~
再次到賭場玩下~
有起有跌~
最終有贏小小~
好好玩~
玩陣就返上房休息啦！
抖陣希望一陣4點知醒起身睇波~
加油呀~

出發澳門去

來啦！我要Transformers…又要水蟹粥…仲想要木槺布甸 … ( ˘ ³˘)♥

掛心

今日繼續悠閒自在~
老闆同老細都無返公司~
悠閒的慢慢做野~
文件雖多~但不算急趕~
可以慢慢來~
而東同事奕外出工作~
整日無人整機我就更加清閒啦~
自由又舒服~
下午突然收到老人院電話~
奶奶又氣喘要入院~
咁岩蝦子餅今日仍然病假~
即刻打電話叫佢去醫院~
放工後急趕到醫院~
情況已穩定~
安排住院觀察幾日~
希望快d 無事啦~
我們明天將出發澳門之旅~
既不想浪費~
又擔心~
雖然玩得兩日ja~
但已同朋友們安排多時~
很難取捨~
即使出發~也定必掛心呢~
最終蝦子餅決定如常出發~
晚餐後睇陣電視~
再忙碌幫鼠鼠沖涼洗籠~
之後就要執好隨行物品~
準備就緒~
明天出發輕鬆一下~
希望真的能放鬆啦！

熊貓睇波

哈哈~
琴晚1點鐘訓~
本想4點起身睇波~
點知都係唔知醒添~
最終4點9先識起身~
睇埋下半場啦~
初時仲以為自己買左半場和贏左錢~
訓醒睇返先知原來自己無按傳送無買到=,="
真大頭蝦啦~
同寶寶同事一邊whatapp~
一邊睇波~
和局~加時無入波~
要12碼入波分勝負~
最終~阿根廷贏左~
呢場波睇到6點幾~
唔夠時間再訓啦~
索性約寶寶同事去葵興麥當當食早餐~
好耐無食~份外好味~
食飽就返工啦~
今日兩隻熊貓不是狀態~
眼訓到呢~
幸好工作不算忙碌~
悠閒的做~
lunch小睡片刻~
總算好d啦~
下午遊魂般渡過~
好彩老細唔係到~
爽呀~
放工坐車到ntk~
要幫個朋友拎野比同事整~
傾談一陣後離開~
再買快餐店晚餐返屋企~
一人一個冬瓜盅~
好味呀！
之後睇陣電視輕鬆下~
今日好攰呀~
早d休息啦！
good night ~

睇完波…嘆早餐…兩隻熊貓返工啦! (-, – )…zzzZZZ

一腳踼

琴晚場波成4點先踢~
叫我夜訓就得JA~
叫我起身就難D啦~
無得睇~齋買算啦~
今早訓醒驚見賽果真係有點嚇親~
德國大炒巴西7:1~
嘩~~勁呀~
呢場有錢贏啦~
真開心呀~
贏波心情更佳~
早D返工嘆早餐~
加上肥佬外出工幹3日~
呵呵~又可以自由輕鬆幾日啦~
工作不太繁忙~
開JOB~打單~整理文件~
下午蝦子餅請假半天~
扭親條頸需要休息呢~
放工後快速買餸回家煮飯~
今晚煮既梅子排骨味道不錯呢~
忙碌煮飯~忙碌洗碗~
更要忙碌幫鼠換木槺換糧~
仲要洗衫收衫~
一腳踢~
真係忙呀~
突然想起~會計同事曾經話我辛苦命~
唉~我都開始覺得係啦！
仲諗住快快手攪掂早D訓陣~
我好想4點起身睇波~
希望真係知醒啦~

Lucky Chance

琴晚停電~咩都停止做唔到~
所有事情只好順延~
最終又2點先訓~
攰死人啦=,=
工作不太繁忙~
跟文件~入data 等~
沒有特別事發生~
而老闆同老闆娘就黑面天王~
整日面燶燶~
真難頂呀~
放工準時閃人~
坐小巴到旺角銀城廣場領獎~
之前玩line日日抽~
抽左咁耐咁多次終於中獎了~
真好運呀~
滿心歡喜~
中得熊大錢箱呀~~
勁開心~
咁大盒~都唔方便行街街啦~
只好坐小巴回家~
蝦子餅今晚夜歸~
好睇我今晚唔覺肚餓~
9點半先返到黎~
一齊到快餐店食晚餐~
方便~快捷~
食飽就返屋企~
有點攰~
早d沖涼休息啦！
good night !

哈哈~玩Line Lucky Chance ~咁都比我抽中熊大錢箱~勁開心呀！＼(^o^)／

星期一之大停電

琴晚睇完恐怖片後訓得唔太好~
成3點幾先訓得著~
下次夜晚都係唔好睇鬼片啦><
人愈大~膽愈細啦~kaka
早上渾噩的返工~
初時仲天朗氣晴~
回到公司就行雷閃電~
慶幸大雨來臨前已回到公司~
避過濕身一劫呢~
工作不算繁忙~
清閒的整理文件~
下午有點遊魂~
入data 入到眼訓~
放工準時閃人~
蝦子餅順風車送我到老人院探奶奶~
剛轉院還有好多事要跟進~
希望穩定下來會好d啦~
進入這老人院~
很感觸~
雖說唔同樓層~
但間隔~人物~很熟悉~
加上窗口位置~
太多回憶了~很想念呢~
奶奶似乎很不習慣~
不停搖頭~
似乎很不滿意呢~
希望快d習慣啦~
之後旺旺同蝦子餅黎接我~
一齊去食小菜晚飯~
好味道~
食飽返屋企睇電視~
正當睇到緊張之時~
竟然突然停電~
無電~無冷氣~無電視~
真係嚇左一跳~
從未試過~
好彩電話仲有電~
其後經無線新聞~東網新聞~蘋果新聞~
得知中電變壓站火警~
東九龍大多數停電~
但呢條邨只得呢座停電咋~
真奇怪~
想節省時間~
只好摸黑沖涼~
第一次~總算有驚無險~
其後~約12點已恢復電力~
真好呀~
雖然已是夜晚~但都好熱~
更好彩我兩缸魚都無大礙~
回復電力~
又要繼續洗衫~繼續完成未完的工作~
加油呀！

點解得我果座停電既=皿=無冷氣~無電視~

你們的想像力

關你咩事啫？

身邊咁多嘢唔關心，係要留意啲唔關你事嘅嘢......

搬遷

琴晚蝦子餅又掛住訓~
又唔陪我睇波啦~
不過一個人睇波奕有另一種感覺~
樂在其中~
呢兩場波賽果似乎已預料之內~
眼光不錯~
明天lunch 又可以食好d唔~kaka
星期日本來可訓妟d~
但自己既時間制竟然著左~
早上8點起身~
對我而言似乎太早啦~
結果再訓過~
一星期就只得今日有得訓咋~kaka
一訓就訓到中午啦~
起身忙碌幫鼠鼠沖涼洗籠~
洗衫~收衫~
之後蝦子餅煮麵比我食~
仲落左好多丸添~
又蝦子丸~芝心丸~黑椒牛丸~珍珠丸~
好味道~
仲洗埋碗添~
哈哈~大少奶一樣呀~
之後就出發到老人院~
繳交7月份租金~
再執好物品準備離開~
除衣服外~床鋪~膠箱~膠櫃~
全部搬走~
因為之前入住時已交$1200床上用品~
既然比左錢緊係搬走啦~
仲有餘下一箱奶~
好彩蝦子餅問旺旺借車~
有專車仲有手推車都算方便~
我就負責照顧奶奶~
蝦子餅負責搬運~
當我到達老人院~
架車迫係門口~
眼淚已不停流了~
的確再忍唔到了~
很痛心~
無奈~日後還要經常到訪呢~
放好物品~
安頓好奶奶~
辦好手續~交好費用~
就要準備離開~
搬遷總算順利~
終可鬆一口集氣~
開車返黎~到怏餐店食晚餐~
之後就返屋企~
執好物品~清洗乾淨~
之後就舒舒服服咁睇電視啦~
總算過左搬遷呢個難關~
希望日後都順順利利啦~
good night ~

購物星期六

琴晚睇埋場波先訓~
總算眼光不錯~
贏左錢~今日下午茶可以食好D啦~KAKA
訓小兩個鐘~
十分眼訓~
好彩星期六只返半日JA~
不過，仍然難捱~
無電話又無客~
很沉悶~
放工準時閃人~
蝦子餅順風車送我到樂富~
今日三姑姐要陪澳州返黎既仔仔~
而大姑姐奕話有事唔去TEA~
自己搵節目吧~
行住樂富等蝦子餅~
之後一齊到UNY既美食廣場食下午茶~
食飽飽行街街~
買衫~買褲~收穫很好~
再到實惠買吸塵機~家用品等~
有蝦子餅幫手拎野~
可放心購物~
購物完就返屋企玩吸塵~
新既吸塵機好好用~
整間屋乾淨晒啦！
仲攪到一身汗~
今日仲趁機買埋抽真空袋~
將冬天既被抽真空放好~
真係慳好多位WO~
完成後~
睇陣電視~食下零食~
爽呀~
休息抖下再準備睇波啦~
今晚阿根廷對比利時~
一定相當精彩呀~
加油呀~

又悶又眼訓

今日時間過得特別慢~
整日都渾渾噩噩地過~
成朝不停入data~
等極都等唔到lunch~
加上寶同事心情好差~
整日都不發一言~
又悶又眼訓~
幾經辛苦先捱到放工~
到附近街市買紅燒雞翼~
再返屋企準備晚餐~
煮水餃酸辣湯通粉~
相當好味＼(^o^)／
睇陣電視~
休息一下~
抖足精神~
今晚12點要睇波呀~
法國對德國~
加油呀！

耿耿於懷

昨晚已經好早訓~
但仍然好攰好攰~
早上不停對住電腦入資料~
間中處理寄貨~
更發現~我既交收單上出現了問題~
話說上次幫C公司寄速遞~
之後老闆娘遲遲未比返錢我~
我今日再追佢~但佢話早幾日已比左我~
我有印象我地傾過呢條數~
但的確無收過錢~
極之無奈~
仲叫我自己搵下~
唉~我寫住~仲夾住張紙係到証明架~
如果收左錢我點會無拎走張紙呢~
真係炆炆地~
既然係咁只好自己頂返果百幾蚊啦~
無耐佢又拎d錢過黎比我~
話無理由我頂wo~
我話比返佢先~搵唔到先再算~佢又話唔使~
都唔知係咪架~
定係自己記得無比過我好落台d咋~
雖然佢比返錢~但心有點耿耿於懷~
唔知仲以為我握佢錢添呀><
可能琴晚冷親~
還是今早一冷一熱呢~
流鼻水~打噴嚏~
似乎想作病~
趕快食粒感冒藥~
希望藥到病除~
好彩食完藥好返好多了~
整日都十分忙碌~
有點分身不暇呢~
放工返黎去拎隱形眼鏡~
再回家休息一陣~
等待蝦子餅返黎一齊買晚餐~
返屋企邊食邊睇電視~
真自在舒服~
再幫鼠鼠沖涼換木槺~
攪掂就要早d休息啦！
好攰攰了＝0＝
good night ~

身心疲倦

琴晚心情麻麻~
訓得唔太好~
夜訓仲半夜紮醒~
精神欠佳~
好彩今日仲知醒返工~
加上連日贏波輸盤~
有點氣餒~
好彩都係玩下ja~
只係條氣唔多順ja＝0＝
早上工作不太繁忙~
肥佬出差同事們也輕鬆得多~
佢老婆就成朝發癲~
真難頂唷~
輕鬆也只不過是半天的事~
與預期中一樣~肥佬飯後已回公司~
很失望吧~
佢一返黎就同佢個小甜甜講衰野~
嘈死人啦！
好心佢地果d咸濕野就唔好咁大聲講啦~
雖算講笑~但大聲談論似乎很過份~
真討厭呢~
捱到6點放工~
快快閃人~
趕到太子指定既醫療用品店買奶袋~
買完又趕頭趕命到老人院~
7點20分到達~但老人院已關門~
只好打電話叫人出黎拎~
真係趕到命都無呀！
好鬼辛苦~
抖順條氣~
坐車到樂富行街購物~
買完化妝品~
總算令自己輕鬆一點~
之後就買kfc~
再轉mtr 返黎會合蝦子餅~
回家開餐~休息~睇電視~
今日身心疲倦~
真係好攰~
今晚要早休息先得啦~

Transformers @ 青衣城

今日7月1日回歸假期~

唔使返工竟然都7點幾起身~

好彩仲訓得返~

琴晚場波一直令我耿耿於懷~

很無奈呢~

訓醒又收到消息~

老人院來電話唔夠奶袋~

要自己出去買><

明明一早講左訂到結業果日啦~

而家先話唔夠貨~

攪到我同蝦子餅即刻趕去太子買~

最重要係間鋪頭今日休息~

白行一趟~

唉~明晚放工又要趕去買~

真係煩呀！

既然買唔到~只好轉行程~

去唔到銅鑼灣就到青衣城睇變型金剛模型~

睇住呢隻先啦~

都幾靚呀~

係唔夠果隻大ja ~kaka

下次先去影果隻啦~

影完相~行下街~

順便食埋晚餐先返~

晚市時間~間間餐廳都好多人等位~

最終選擇到<米線陣>等位~

米線套餐有口水雞~蒜泥白肉~皮蛋辣青瓜~

再加埋肥牛米線~

好味又抵食~

食飽就返屋企啦！

今晚仲要洗衫~同鼠鼠換木槺~

好忙呢~

最重要係~仲要睇波呀！哈哈~

明天仲要返工架~
唔好睇咁夜啦~kaka

今日去住青衣城先啦！ ≧▼≦