忙到暈

來到月尾了~

今個月都算過得好快~

忙碌工作~

放下假~

咁快又一個月了~

捱埋今日~
明天國慶放假一天~

以為今日可輕鬆小小~

但最後一日依然好忙好亂~

好多客~好多單~

好多速遞~

好多文件~

忙亂到暈了~

似乎無一刻可以鬆懈呢~
放工換完工卡就離開了~
準備到醫院探望奶奶~
可惜天雨關係~
行慢左~
人又多~
又塞車~
到醫院已經7點半啦~
快快手幫奶奶抹身洗面~
蝦子餅隨後趕到幫手~
再向姑娘查詢日後既用品名單~
之後就趕返黎食晚飯啦~
好餓呀~
食飽快快手趕返屋企~
睇下我d魚仔有無事先~
真係好驚d大阿哥食晒d小bb魚呀~
好彩無事~^^
安心晒啦~
趁有時間~
仲同蝦子餅一齊砌立體pooh pooh公仔~
連最後一隻公仔都砌完了~
無得玩lu~
明天放假可以好好休息啦~
早抖^^

最後一隻pooh pooh都砌埋啦！kaka (♡˘ө˘♡)

又到星期日

琴晚食左藥好似暈左咁呀~

呼呼大睡~

好好訓~

訓醒即刻好返晒~

幸好食左藥仲可以好好休息~

藥到病除~

精神晒^^

訓醒忙碌整理奶奶物品~

再同蝦子餅到吉野家食下午茶~

食飽準備到老人院辦理奶奶入院手續~

但門口職員處事散慢~

又唔理人又叫人等~

等左20分鐘都唔見人~

只好離開唔等啦~

呢間老人院懶巴閉咁~

如果唔係較近同方便d~

真係唔會選擇呢間呀~

既然今日無緣辦理手續~

只好繼續行程~

再到醫院探望嫲嫲~

嫲嫲精神不錯~

但還左等待檢查報告~

希望快d好返出院啦~

之後同蝦子餅買壽司返屋企~

邊食邊睇電視~

再幫鼠鼠沖涼洗籠~

陪鼠鼠玩一陣~

餵埋魚~就攪掂晒啦~

睇多陣電視就要訓啦~

捱埋明天又放假一日啦~

yeah~

疲倦星期六

今早好早起身~

早D出門~約左K小姐食早餐~

8點半準時到達~

舒舒服服嘆早餐~

享受星期六的自在~

回到公司變得繁忙~

一大堆維修機需要開JOB~

一大堆機等待報價~

好忙好亂~

更突然大打噴嚏~

相信係鼻敏感啦~

噢~辛苦了~

嫲嫲今早覆診奕有氣喘~

最終留院檢查~

希望快快好返啦~

放工準時閃人~

下午約左2位姑姐們到銅鑼灣僱傭中心見印傭~

先到茶餐廳食個午餐~

再上去見2位印傭~

可惜未如理想~

再趕返黎與另一菲傭會面~

呢個似乎好d~

起碼可溝通一下~

之後就一齊趕到醫院探望嫲嫲~

精神不錯~

可惜仲有氣喘~

要等醫生詳細檢查~

之後趕到老人院拎野~交代一下~

再返到醫院陪嫲嫲~

之後就返屋企休息一下啦~

好攰了~

等待蝦子飯買粥返黎開餐~

慢慢食~慢慢抖下~

加上鼻敏感奕持續~

真係幾辛苦~

只好食多粒特效藥~

食完頭暈暈~

相信今晚好好訓啦~
希望明天好返晒啦~

七個月 兩子為情自殺亡 可憐媽媽：佢哋丟低我，係咪我唔好？

【蘋果日報】一名命途坎坷的56歲媽媽，10多年前遭丈夫拋棄，一對兒子成為她走出逆境的精神支柱，無奈天意弄人，今年2月，32歲長子情困自殺身亡。至前晚，26歲幼子疑不堪與女友分手，在深水埗住所燒炭喪生。七個月來連受喪子之痛，可憐媽媽當場崩潰，哭得死去活來：「佢哋都丟低我……係咪我唔好？」
記者：陳嘉穎　鄭文輝　溫瑞麟

苦命媽媽陳笑琼（56歲），居住黃大仙彩德邨一單位；退休前任醫院病房助理，與丈夫育有一對兒子盧偉鵬（32歲）及盧偉俊（26歲）。10多年前，陳媽媽遭丈夫拋棄，婚變打擊令她抑鬱成疾；七年前，在朋友介紹下認識新男友，她原以為找到老伴，豈料命運作弄，男友突然中風，兩年前病逝。

事發前煲粥等子返家

陳媽媽昨晚對記者說，長子阿鵬自幼過契給一名老婦，搬去香港仔石排灣邨照顧契媽，她與阿鵬只間中見面，幼子阿俊與兄長反而較親密，無奈兩兄弟命運驚人地相似，同樣魂斷情天。
今年2月4日，阿鵬因感情問題與女友吵架後，在石排灣邨碧園樓寓所自縊身亡，同事上門發現大門插着鎖匙，入內揭發報警，陳媽媽聞訊悲痛欲絕。
更無奈的是，命運總是與陳媽媽過不去，椎心泣血的喪子之痛竟不止一次。幼子阿俊於兩年前認識一名女子，雙方打得火熱，租住深水埗元州街一單位同居，最近感情生變，本月初女方提出分手，阿俊對女友一往情深，飽受困擾。前日早上，女友回來執拾物件，阿俊曾苦苦哀求，但女友堅持分手。

 

 

陳媽媽自責地說：「係我唔好，唔應該走開，我唔走開，一定唔會搞成咁。」她表示，阿俊過去曾因與女友鬧分手而自暴自棄，她擔心兒子今次會步兄長後塵，不停致電給他噓寒問暖。前日早上11時許，陳媽媽到兒子住所，但阿俊頂着房門發脾氣不讓她入內，陳婦於是落街閒蕩。中午1時許，阿俊致電給她，聲稱會回家吃飯。陳媽媽說，當時她喜出望外，連忙去買餸，還煮了雞粥，怎料阿俊一直沒有回來，手機也無人接聽。
至晚上11時許，陳媽媽上門找他，發現屋內充斥煙味，不祥之兆襲上心頭，她開門入內，只見阿俊倒卧房間床上，旁邊有炭爐，她慌忙報警，救護員到場證實阿俊已死亡。

燒炭前曾服藥及飲酒

連喪兩子的陳媽媽情緒崩潰，痛哭說：「中秋大仔唔喺度，𠵱家連細仔都陪唔到我過年，佢哋都丟低我……點解跟埋阿哥走，係咪我唔好？」當仵工將屍體抬走時，陳婦追着兒屍大叫：「畀番個仔我，畀番個仔我。」見者心酸。
警方事後在單位發現一盒安眠藥及一樽酒，懷疑死者在燒炭前曾服藥飲酒，初步相信他不堪情困自殺。蘋果日報慈善基金已派員慰問盧偉俊的母親，及即撥緊急援助金兩萬元解其燃眉之急，並按情況協助殮葬。

【前晚　幼子苦戀燒炭　盧偉俊（26歲）】 ■阿俊對女友一往情深，過去曾因情變自暴自棄。

■救護員到場證實阿俊已死亡，遺體被抬落樓。

【2月4日　長子情困自縊　盧偉鵬（32歲）】 ■阿鵬年初因感情問題在石排灣邨寓所自縊身亡。

■阿鵬遺體由仵工移送殮房。資料圖片

 

忙亂

牙痛真係好難入睡~

牙痛又頭痛~

想早d訓都訓唔著~

最終3點先訓到~

今早又無晒精神返工了~

無奈~幾痛仲要頂硬上~

工作繁忙~

好多維修機要跟進~

又要開單又要開job~

十分忙亂~

而其他事奕要開始處理~

奶奶要安排出院~

又要辦理入老人院手續~

更要買需要的日用品~

另一邊奕要同姑姐配合~

要好好選擇工人既事~

仲要努力搵文件~

可惜~始終都係差一份文件~

唉~

大頭蝦究竟放在去邊呀~

種種事~都令人心情煩躁呀~=.="

放工準時閃人~

坐車返黎配隱型眼鏡~

配完眼鏡就行陣街街~

等待蝦子餅返黎一齊到快餐店食晚飯~

食飽飽返屋企睇電視~

整理家務~
總算捱過左煩惱既一日~

攪掂d野後都係快d休息啦~

明日仲要早起身呀~

牙痛

已經牙痛多日啦~
食藥已無法阻止痛楚~
返到公司即刻book牙醫~
可惜~幾間較好既都book full 了~
幸好~搵到嫲嫲樓下既牙醫~
希望盡快解決問題~
整日都遊魂工作~
實在太痛了~
放工即刻閃人~
趕到診所睇牙醫~
同預料中一樣~蛀牙~>.<
可能平時食得太甜了~
加上無用牙線習慣~
導致蛀牙啦~
拖左咁耐~
已到達嚴重地步~
需要導牙根處理~
唉~
又要破費了~
呢個療程仲要分3星期進行~
睇黎有排痛啦~
醫生幫忙整左1個鐘~
打完針有d麻痺~
但藥力過後~比之前更痛呢>.<
辛苦~
連食野都痛~
點算呀~
返到屋企~
已痛到無晒力~
連睇電視都無心機了~
姑姐今天探嫲嫲~
精神似乎好返好多~
奕努力搵緊工人~
程序上大致上只係差文件~
希望盡快處理好~
祈求今次順利吧~

頭痛

昨夜~因苦惱事煩擾~

攪到3點幾都訓唔到覺~

呢件事比想像中複雜~

力不從心~耿耿於懷~

無能為力了~

心痛但無辦法~~

失眠真令人辛苦~

輾轉反側~

終於訓得著~

今早頭痛又無精神~

唉~很討厭這樣的生活呢~
工作繁忙~
手在做~靈魂在遊~
頭痛更令無法集中精神~
幾經辛苦先捱到放工~
放工後同三姑姐傾電話~
大家都在商討選擇工人既事~
言語間~大家都不自覺有感而發~

不禁流淚了~
姑姐叫我唔好再咁炆爭~
大家都已經苦惱了~
只希望盡快解決~
平靜落黎~

上老人院探望嫲嫲~
多日不見~
似乎更憔悴~
坐一陣就離開~
回程時順路買幾件日用品~
以方便下星期奶奶到老人院可用~

之後同蝦子餅買麥當當回家~
邊食邊睇電視~
但心情麻麻~
我對住佢根本無野講~
各有各的~
如同陌路~
可能~咁多年來~大家真係習慣晒~
呢d根本唔係我想要既生活~
唉~
點解近排好似咁黑咁既~
究竟幾時先可以回復安隱呀?

假如讓我說下去-楊千嬅

 

任我想　我最多想一覺睡去
期待你　也至少勸我別勞累
但我把　談情的氣力轉贈誰
跟你電話之中講再會　再會誰

暴雨天　我至少想講掛念你
然後你　你最多會笑著迴避
避到底　明明不筋竭都力疲
就當我還未放鬆自己

我想哭　你可不可以暫時別要睡
陪著我　像最初相識我當時未怕累
但如果　但如果說下去　或者
傻得我　彼此怎能愛下去

暴雨中　我到底怎麼要害怕
難道你　無颱風會決定留下
但我想　如樓底這夜倒下來
就算臨別亦有通電話

我怕死　你可不可以暫時別要睡
陪著我　讓我可以不靠安眠藥進睡
但如果　但如果說下去　亦無非逼你
壹句話　如今跟某位同居

我的天　你可不可以暫時讓我睡
忘掉愛　尚有多少工作失眠亦有罪
但如果　但如果怨下去　或者
傻得我　通宵找誰接下去
離開　不應再打攪愛人　對不對

貞子2:鬼胎輪迴

今日依然運氣麻麻~
一返公司已經覺得好黑暗了~
入門口已經比老闆娘啤住~

老闆娘由朝到晚都黑晒面~

對住果2粒糖就開心到笑~

對我就黑晒面咁~

又唔知得罪佢d咩啦~

見到黑面神~
好心情都變壞心情啦~
整個上午忙碌入單~
簡直入到眼訓呀=,="

中午同姑姐商議過後~

終搵出解決方法~

希望今次真的順利~

地獄般工作相當難捱~

幾經辛苦先捱到6點~

快快閃人~

今晚到APM睇戲~

趁有時間行下街街~

係IPSA掃左唔小化妝品~
更買埋份生日禮物比就快生日既C小姐添~
購物一番果然輕鬆晒~
等埋蝦子餅放工~
再到東廣場既OYSTER ONE壹蠔試下~
呢間即食蠔都開左1,2個月啦~
上次行街經過見到~
但始終無緣試下~
今晚同蝦子餅一心去試下~
坦白說~東廣場人流較小~
上層既商鋪奕未開晒~
我去親都覺得幾靜架~
雖然人小D~
但呢間OYSTER ONE都算顯眼~
地下直入已經見到~
雖然店鋪唔算大~
但麻雀雖小~五臟俱全~
生蠔款式都幾多~
我同蝦子餅試左法國蠔,南非蠔~
夠晒肥美~鮮味十足~好味~正~
再試埋三文魚同海膽~
嘩~
回味又回味呀~
好抵食呀~
老闆娘更請我地試食凍蝦~
味道同我係泰國餐館食既一樣~
爽呀~
剛巧仲見到蝦子餅2位同事~
閒談幾句就離開啦~
我地仲要趕睇戲~
雖然食左咁多美食~
但呢D唔算飽肚~
要食飽D先可以當晚餐~
於是買埋爆谷汽水準時入場~

終於夾到時間睇(貞子2:鬼胎輪迴)~
邊食邊睇真開心~
起初對呢套戲已期望不高~
或者係因為睇左第1集~
好自然就想睇埋下集~
呢D叫唔叫心癮呢~KAKA
故事以上集作延續~
茜誕下女嬰奈兒~
而茜為用超能力抵制貞子~
寧願昏睡不起~
奈兒奕似乎有不能想像的力量~
每個眼神~都令人膽戰心驚~
然而~小女孩眼中又另一種感覺~
傷感~哀傷~有D感觸~
雖然套戲好努力疑做驚嚇氣氛~
但大多數都比觀眾估到晒~
完全嚇唔到人~
一D都唔恐怖~
劇情奕比第1集還差得多呢~
幸好~選擇在星期二特價日觀看~
就當比自己鬆下啦~

今晚睇貞子BB (★^O^★)哈哈

好味！好想再食 (★^O^★)

王貽興:可以拍拖的人是否等於可以結婚的人

她問：「可以拍拖的人是否等於可以結婚的人？如何區分兩者分別？」
我答：「有些電影你不一定會進場看，只會買回家看，或者非法下載。明白了沒有？」

也許大部分女人都會視拍拖對象為結婚對象，然而男人卻不一定。

誠如亦舒所說，我們愛的是一些人，與之結婚生子的，又是另一些人。也許部分曾經滄海的女人是這樣想，然而我敢說，大部分男人，其實都是這樣想。

有些男人娶的女人不是他真正深愛的女人，只是他不小心搞大的女人；又有些男人娶的只是能夠容忍他缺點，明知失去了也不可惜的女人。

男人可以為了事業而娶一個女人，但女人不會因為責任而下嫁一個男人。女人可以為錢嫁給一個男人，只是她們嫁得這個男人，總是有心理準備要斷絕其他男人的。

男人？倒不一定。

對男人來說，有些女人只屬非法下載或者上網觀看層次，偷來的，犯法也沒關係，反正他們都不介意質素比較低，快速搜畫，快快做齊要做的便算，看過了也沒印象，不上心；有些也會跟人家借來看，但再好看畢竟也是別人的收藏，借了始終要還；除非真的很精彩很吸引，不時重看，又不忍心隨便用電腦播或者看VCD褻瀆了它，必須用最漂亮的闊熒幕與環迴音響，以藍光素質拿著搖控器慢慢欣賞，逐格重播，隨時翻看的，就非要真金白銀買回家，據為己有不可了。

如果你想成為一個男人願意娶回家據為己有的女人，請反思一下自己究竟是一齣怎樣的電影。太3D的女人男人只會急著進場先睹為快，但出了碟不一定買回家，因為在電影院看跟在家裡看是兩回事，正如某些冶艷女人只適宜做女朋友，成了妻子又是另一回事一樣。

假如你只是一齣沒有內容的爛片，就不要怪責你的所有觀眾都不願花時間在你身上，別說花一毛錢進場看，就連網上看盜版也Fast Forward跳來看了。

 

 

作者 王貽興 | (轉自yahoo 戀問戀答 )

囉囉攣

星期日晚掛8號真令人煩惱......

打風過後

今早6點幾起身~

見到仲掛緊8號風球~

心諗可以訓多陣啦~

大安旨意咁繼續訓~

竟然訓到10點起身~
先知原來落左8號波啦~

匆匆忙忙趕住返工~

天晴無雨~相當悶熱~

返工人潮甚多~

仲要等好多架車先上到車~

迫爆巴士~

返到公司已經11點9啦~

比預定既遲左25分鐘~

公司大部份同事都返左公司工作~~

我係尾二返到公司~

老闆同老闆娘都黑口黑面~

令整個公司氣氛更差~

公司同事奕不發一言~

唉~

係呢個地獄到做野~

對住黑面神工作真辛苦~

好可憐唷=.="

好彩過多1個鐘就到lunch~

可安心食餐抖一下~

下午繼續遊魂般工作~

幾經辛苦捱到放工~

準時離開~等車到醫院探望奶奶~

奶奶情況好轉~
手腳有點郁動~
下星期便可出院了~
希望所有野都順利啦~
之後就坐車到太子(香港仔魚蛋)~
食我最愛既牛腩米線~
食飽飽順道買埋倉鼠糧~
之後mtr回家啦~
睇下電視~餵下魚~
總算捱過左個黑色星期一啦~
希望明天會更好啦~

打風的星期日

原定既計劃無法實行~

總有點唔高興~

無奈只好留在家中~

訓左大半日~

非常充足既睡眠~

起身睇下電視~

做下家務~

整D小食當早餐~

打下機輕鬆一下~

之後繼續煲劇~

真輕鬆~

可能因為知道今晚會打風~

就連外出都懶了~

整日在家避風雨~KAKA

下午心血來潮想整牛肋骨~

一於早D準備一下~

用左3小時炆牛肋骨~

晚餐除左牛肋骨~

更首次試下整瑞典肉丸~

加埋個羅宋湯螺絲粉~

美味呀~

牛肋骨相當入味~好霖~

這個西式晚餐~

我喜歡呀~

不過~洗碗~清洗廚房就辛苦啦~KAKA

攪掂之後~

就舒舒服服咁睇下電視~

再幫鼠鼠沖涼洗籠~

奕要忙碌餵魚清潔魚缸等~

WO~

這個打風的日子~

總算充實滿足呢~

打風無街去…留在家中整瑞典肉丸同牛肋骨^^超霖^o^美味 (≧∇≦)

天兔明日凌晨香港以北約一百公里掠過

八號西北烈風或暴風信號生效，強颱風「天兔」已經在汕尾登陸，預計明日凌晨在香港以北約100公里掠過。

在 晚上10 時 ， 強 颱 風 天 兔 集 結 在 香 港 之 東 北 約 110

公 里 ， 即 在 北 緯 22.9 度 ， 東 經 115.0 度 附 近 ， 預 料

向 西 或 西 北 偏 西 移 動 ， 時 速 約 22 公 里 ， 繼 續 橫 過 廣

東 沿 岸 。

天 兔 繼 續 以 強 颱 風 強 度 逼 近 香 港 。 現 時 本 港 多 處 吹

烈 風 ， 部 分 地 區 風 力 正 進 一 步 增 強 。 天 兔 會 在 明 日

凌 晨 時 分 在 香 港 以 北 一 百 公 里 內 掠 過 。

天 兔 引 致 的 風 暴 潮 會 令 水 位 比 正 常 潮 水 位 增 加 0.5

至 1 米 。 風 暴 潮 和 大 雨 可 能 會 令 低 窪 地 區 水 浸 。 香

港 現 時 吹 西 至 西 北 風 ， 部 分 區 域 風 勢 會 被 遮 蔽 ， 但

預 料 明 晨 當 轉 吹 西 南 風 時 ， 現 時 屏 蔽 的 地 方 將 變 得

當 風 。 市 民 應 繼 續 保 持 警 惕 ， 完 成 防 風 防 水 浸 措 施 。

在 過 去 一 小 時 ， 長 洲 、 流 浮 山 及 天 星 碼 頭 分 別 錄 得

的 最 高 持 續 風 速 為 每 小 時 90 、 78 及 65 公 里 。

天文台改發三號強風信號

天文台預計，天兔會逐漸移向廣東沿岸，星期日晚至星期一凌晨最接近珠江口。天兔雖然減弱為強颱風，但由於它是成熟颱風，會對香港構成嚴重威脅，低窪地方更可能水浸。

天兔逐漸迫近本港，威力開始顯現。本港深夜開始下雨，雨越下越大。風大了，維港的浪高了。天文台表示，香港的高地已經開始吹強風，本地普遍的風地亦會逐漸增強。由於天兔是成熟的風暴，會對香港構成嚴重威脅，天氣稍後會惡化。

天文台預計，天兔會在周日深夜至周一凌晨登陸。若果發出八號烈風或暴風信號的話，天兔將會是1950年以來，吹襲香港第二最強的颱風。至於對香港的影響有多大，還要看他的路徑。

天文台解釋，如果在香港的北面掠過，風勢會受到山勢阻擋，影響將會沒那府嚴重；如果在南邊，風由海吹來，威脅就大得多，情況會與08年的黑格比很相似。

天文台呼籲，市民家中的窗如果損毀，應該盡快找安全地方暫避。

擱置北上行程

又到星期六啦~

原定今日係要返工既~

幸好太多人放假~

公司決定(賣大包)比所有人放假~

多左半日假~~

可以訓返晏d先起身~真舒服~

蝦子餅就繼續返工~

我一個人係到屋企嘆世界啦~

哈哈~

起身整個河粉做早餐~

打機輕鬆一下~

下午到老人院探望嫲嫲 ~

大熱天時~真令人心煩氣燥~
遇上不愉快既人~不愉快既事~
今次一定有排黑了~><
討厭呀~
阻住晒~
坐左陣就離開~
趕返黎去樓下老人院~
幫奶奶辦理入院手續~
手續辦好~總算鬆一口氣~

原定今晚打算北上揼骨~

但颱風(天兔)來襲~

似乎來勢凶凶~

最接近本港可能就係明晚~~

上去玩本來無問題~
但只怕打風後回來會有阻滯~

最怕不能過關又或無車回來~
以免混亂~
都係擱置行程啦~
買kfc回家~
今晚早d開餐~
慢慢睇下電視都幾舒服~
留在家中總算令人悠閒自在~
更令心情好返d~
餵下魚~同鼠鼠玩下~
幫植物淋水~
無拘無束~
真係人生一大樂事~
enjoy~~

只好待下星期啦~

中秋過後的假日

今年總算有留在家中食月餅~
雖然蝦子餅仍然無同我外出賞月~
但留在家中一樣舒服自在~
假日特別令人夜訓~
今日訓醒已日上三竿~
睇下電視~輕鬆下~
打下機~娛樂一下~
下午茶時段先整個愛心公仔麵當早餐~
無拘無束真舒服~
天氣酷熱~似乎即將打風~
咁焗奕無心外出~
寧願在家中休養~
夜晚煎肉眼扒~炸薯條作晚餐~
太耐無食~份外美味~
之後幫鼠鼠們沖涼洗籠~
一日輕鬆假日過去了~
雖然無特別事做~
但我仍然享受放假既樂趣~

我的珍藏

趁未爆晒…影返張合照先！kaka @.@

123猜猜猜 ~達人~

又爆左~玩完…放假無得玩添=-=

1. 
   

爆左罐可樂=.="

昨夜~夜晚晚…失驚無神…爆可樂=.=鳴…我罐珍藏版呀！T.T

中秋節晚飯

中秋節快樂~

終於捱到中秋啦~

yeah~

有假放似乎特別開心~

今早hea住咁做文件~

開埋d單~

filing~簡單整理下文件~

最忙既就係處理寄貨~

得上午收件的確幾緊張~

遊魂到竟然出錯~

2件貨寄得1件出去~

攪到要放在管理處待收~

真瘀呀=,=:"

差不多1點就等收工啦~

可能公司講2點食飯~

竟然無人夠膽收工~

既然無人離開~

只好待到夠鐘先閃人啦~

準時離開~

仲有時間行下超市買野比嫲嫲~

之後到酒樓食飯啦~

早到早揀位~

今次更唔使同高層坐~

輕鬆咁食~慢慢嘆~

食到3點幾快快離開~

幾位同事一齊到投注站買六合彩~

之後就等車到老人院探嫲嫲啦~

姑姐奕在場陪同~

隔左一陣就離開~

得返我同嫲嫲等待蝦子餅~

好彩蝦子餅唔算好遲~

6點幾到達~

同嫲嫲到附近食晚飯慶祝中秋~

簡單小菜~欖菜肉碎四季豆~

京都肉排~豉椒炒蜆~

食得津津有味~

未夠8點就護送嫲嫲回老人院~

今晚~我借花敬佛~

將公司月餅送比老人院姑娘品嚐~

反正我都食唔晒既~

就此更希望她們可對嫲嫲好d呢~

之後同蝦子餅慢步回家~

一邊欣賞月光~

再到超市購物一番~

總算令人輕鬆自在~
今年~竟然無心外出賞月~
可能近日實在太忙太憂心啦~
又或者根本無左以前既中秋氣氛~

寧願睇下電視~都好舒服呀~

幫鼠鼠換糧~餵魚等~

又完成一日的工作啦~

天日放假~可以慢慢抖下啦~

中秋節快樂啦~^^

中秋節快樂！

中秋節快樂！ ☆^O^☆

          

holiday mood

就快放假啦~

捱埋明天就休假3日~

好期待呀~

雖然好多文件需要處理~

但holiday mood早就出現~

無心工作~

hea住咁做~

等緊放假呢~

原定放工準時閃人~

但去完洗手間發覺有人整古我~

收埋左我個小袋仔~

攪到搵到6點7先搵到~

仲要比同事暗串~以為我等佢收工關門鎖門~

串我幾句先走~>.<

遲左收工~仲要比老細串我~

問我幾時先生仔~>.<

關佢鬼事咩~

連續發生呢3件事都令我憤怒~

黑到爆呀>.<

氣沖沖即刻閃人~

攪到成7點半先到老人院探望嫲嫲~

咁夜先去~

陪嫲嫲既時間就更短了~

只係傾談一陣咋~

之後旺旺開車黎接我~

再上樓拎埋個行李喼~

等埋蝦子餅返黎一齊食飯~

到意八餐廳据扒當做節啦~kaka
之後就返屋企餵魚~餵鼠啦~
好攰好眼訓~
捱埋明天半日放假啦~
yeah~yeah~yeah~

今年公司真識做

今日本應心情好好~
因為某d事令心情變得差~
決定左既事我唔希望因別人而要改變初衷~
奕唔希望人地打散我整盤計劃~
有d炆~有d深深不忿~
無奈只好寄情工作~
非常忙碌~
根本無閒分身處理其他事~
所有煩惱都暫時消失晒咁~
加上好多同事外出工作~
要幫忙既事就更多啦~
忙到暈低呀~
堆積如山既文件~
睇見都頭痛呢~
下午~
老闆娘突然吩咐我派月餅~
罕有地又一次有月餅派~
仲要係1人1盒~
多謝晒呀~
計4百蚊超市現金劵~
而加又有月餅~
今年公司真識做~
仲出埋e 貓~
告知中秋當日有中秋午飯~
食完可以收工啦~
完全未試過~
總算有d驚喜~
更令人高興係~
公司將假期後的星期六作假日~
大家唔使返工啦~
真係歡喜萬分~
得知呢個消息~
開開心心咁放工~
再到老人院放低用品比嫲嫲~
然後離開了~
既然嫲嫲已外出食飯~
奕唔浪費時間等佢回來了~
下次再黎啦~
趁有時間~
行下街街輕鬆一下~
等待蝦子餅回來~
一齊買kfc返屋企開餐~
邊食邊睇電視~
總算悠閒自在~
之後就幫鼠鼠沖涼洗籠~
再餵大魚同bb魚~
哈哈~
又係充實既一日~
捱多日半放假啦~
yeah~~

荔枝角的士反肚 手機頂住 @ 蘋果日報

【本報訊】一部手機頂住翻側的士？該宗「奇觀」車禍，發生於荔枝角公園對開，西九龍快速公路落橋支路。昨晨7時許，33歲姓謝男司機駕駛的士駛落天橋，途至荔寶路分岔路口前，失事直鏟石壆，的士全車翻轉四輪朝天，逆向擱在通往尖沙嘴支路路邊，車身損毀嚴重。

謝僅受輕傷，接受救護員包紮後拒絕送院，但現場有人發現，一部手機離奇出現路邊，頂着的士車頂燈箱（圖），場面趣怪。

充實

琴晚又掛住睇電視睇到2點幾啦~

咁夜訓~又無晒精神啦~

好彩今早仲知醒返工~

工作不太忙碌~

先入好自己既維修紀錄~

再處理其他野文件~

心情依然麻麻~

      某d人既說話~口吻~

非常多暗示~好討厭~

攪到整日都無晒心機~

渾渾噩噩咁又過左日~

 放工準時閃人~

幾日無去醫院探奶奶~
情況仍然一樣~

已經無咩可以做~

只好幫手抹身~清潔一下~

按摩一下後又要離開~

同蝦子餅慢步到九龍城食晚餐~

順道到aeon,日本城行陣街~

買完家品就可以返屋企啦~

今晚輪到清潔大魚缸~

幫孔雀們洗缸換水~

之後餵魚~再幫鼠鼠換水換糧~

更要幫植物淋水~

wo~

又係充實既一日~

今晚要早d休息啦~

gd night~

吃不消……

食唔晒，捐畀有需要嘅人啦！下年唔好再亂咁訂月餅喇！

祝願

今日又睡寶寶啦~

一訓就訓到下午先起身~

真好訓~

訓左成日~攪到無晒d時間添~

匆忙食野~

匆忙準備出門口~

快速趕到老人院探望嫲嫲~

嫲嫲精神尚算ok~

但始終心神彷彿~

奕得知叔叔同琳琳今天曾探望嫲嫲~
這更希望能激發嫲嫲的鬥志呢~
祝願嫲嫲身體健康~
早日活動自如~
最好快d可以返屋企嘆世界~
我地個個都好愛你架~加油呀~
探完嫲嫲~
就同蝦子餅坐車到SSP行街~
可惜已到入夜~
想幫奶奶買既野都已關門~
只好下次買啦~
既然出到SSP~
順道行下黃金同高登啦~
買左個mouse同一條html線~
今晚又有新野玩啦~~
之後到西九龍中心行陣街~
再到food court 食野~
味道一般~感覺不太衛生呢~
食飽就坐車回家~
返屋企忙碌幫鼠鼠沖涼洗籠~
更要餵魚~清潔魚缸~
真充實呢~
攪掂晒就舒舒服服咁睇電視啦~
幸好有電視~
可令自己更輕鬆d呢~
希望今晚唔好睇太夜啦~
明天仲要返工啦~

1,2代 魚B

第一代孔雀B又大左啦！已經見到藍色尾啦^^第二代橙色魚B都好精靈！今次真係魚樂無窮啦！kaka

心酸感覺

琴晚訓得唔太好呀~

一方面擔心嫲嫲既情況~

另一方面覺得有點精神緊張~

煩惱愈來愈多~

好苦惱呢~

又到星期六~

今早買kfc做早餐~

比平時豐富~

總係覺得~星期六可放縱d既~

工作不太繁忙~

即使有更多文件奕無心處理啦~

放工準時閃人~

趕返去搵嫲嫲tea~

已幾星期無嘆茶了~

為慶祝嫲嫲出院~

特意請客飲唐茶~
但嫲嫲的確好辛苦~
要佢上梯落樓梯真係幾攰~
係酒樓叫左好多鍾意既野食比佢~
但佢始終食得好小~
而且仲話坐得唔舒服~
之後返屋企坐下~
休息一陣~無耐佢已經話要返老人院啦~
係屋企搬野去老人院~
整理一輪~佢又要休息了~
唉~都係我唔好啦~
為左要大家陪我飲餐茶~
攪到嫲嫲咁攰咁辛苦~
對唔住呀~
我同姑姐陪嫲嫲坐到7點幾先離開~
返到屋企就開始處理家務~
洗衫,收衫,掃地,拖地~
更要忙碌幫魚苗換水洗缸~
整理完一輪~
就可安心坐定定睇電視啦~
蝦子餅仲買壽司返黎~
邊食邊睇電視 ~
真舒服~
雖然人在家中~
但心裡就好掛住嫲嫲~
心酸的感覺~
好擔心佢呀~T.T

心痛

今星期真係過得好快呀~

忙下亂下又到星期五~

今早嫲嫲打比我~

原來佢已經有電話用啦~

琴晚整夜都好擔心佢~

幸好佢把聲都ok~

仲話訓得著~
咁先安心d咋~

工作繼續忙碌~

仲有好多野未做呢~

除左大量文件~

仲有人追維修~
忙到扒低啦~

lunch同幾位同事一齊外出食飯~

再到超市購物一番~

買左好多飲品同麵呀~
今次有排食啦~
放工準時閃人~
蝦子餅順風車送我到老人院~
去到已見姑姐係到陪嫲嫲~
環境一般~殘舊~地方唔算整潔~
但勝在有一人一間板間房~
起碼有d私隱既~
見到嫲嫲只係到坐~
電視又唔敢去睇~
又無得出街~無晒自由咁~
真係好心痛~
而佢奕話(唔中意都要接受啦~)
唉~
陪嫲嫲睇陣電視先離開~
暫時所有姑娘都幾好~
算有禮貌啦~
而其他院友就唔多出聲~
有d會自我介紹~
有d眼望望咁~
唉~要嫲嫲係老人院生活~
真係完全無諗過~
而家咩都做唔到~
可以點呢~
只願嫲嫲快d復原~
可以自己照顧自己~
唔再需要住係果到啦~
我真係好驚嫲嫲會屈到病~
唔開心或者太悶~
恐怕第時佢都無晒表情啦~
但願嫲嫲早日離開老人院~
回復開心自由既生活啦~
陪完嫲嫲~
就慢步返黎等待蝦子餅啦~
佢真係愈來愈夜返~
又要等佢一齊食晚餐~
只好四處行街等埋佢啦~
今晚買麥當當~玉子將軍漢堡~
好味呀~
買返屋企仲可以一邊食~
一邊睇電視~
總算舒服寫意~
之後就幫鼠鼠沖涼洗籠~
再餵魚清理魚缸~
琴日出世既魚b合共6條~
有2條好精靈~其他既似乎麻麻地~
仲未識游~
我將佢地放埋落育嬰魚缸~
同金色既魚苗~
仲有第1代魚b一齊養~
希望全部都快高大~
健康成長啦~

同事短聚@金泰皇正宗泰國菜館

今早又唔願起身返工啦~

好攰好眼訓~

好想繼續訓到夠呢~

無奈~仲未到放假既日子唷=o=

工作忙碌~

早上忙於整理貨物~

到有時間坐低做文件時~

先發覺電腦更新後用唔到excel~

而電腦部同事又外出工作~

只好搵黃老闆求救~

可惜~未能解決問題~

整個上午都好似遊魂一樣~

唔使點做野咁~

只係簡中走去filing~

下午電腦同事返黎~

好快幫我攪掂左部機~

可以如常工作啦~

以免影響進度~

放工準時閃人~

今晚約左k小姐,p小姐,c小姐外出食飯~

我地先到葵芳行街購物~

買左幾件戰利品~

再轉車到荃灣食晚飯~~

我地選擇返上次食果間既泰國菜館~
(金泰皇正宗泰國菜館)~
但今次感覺有點不同~
什錦拼盤~活蝦刺身~冬蔭功湯~
串燒~豬頸肉~炒通菜等~
今次無辣沙律~似乎唔夠辣啵~
而且~呢餐泰國菜~
並唔係個個岩食~
我同k小姐全部都岩食~
但p小姐又唔食海鮮~
c小姐又唔飲冬蔭功湯~魚肉等~
基本上佢地係揀住黎食~
根本無左上次係咁食既氣氛~
食飽大家又傾下公事~
呻訴一下工作既辛酸~
講下笑~傾下計~
2小時既閒談~總算令人輕鬆~

之後仲行下新之城~

可惜~大部份鋪頭都關門啦~

都係下次早d啦~

今晚約會就此結束~

輕鬆晒~

返到屋企已經11點啦~

忙碌整理戰利品~

餵魚~幫鼠鼠換糧~

今晚有條孔雀媽又生左幾條b仔~

似乎仲未生晒~

唔知明天會有幾多條呢~

嫲嫲今日出左院啦~

已經直接送到老人院~

依然好擔心~

但願嫲嫲今晚訓得著~

早日適應生活~

身體康健~

我知道嫲嫲好難受~

我都一樣~內心痛苦~

無奈地~暫時只有呢個方法~

希望嫲嫲住得舒服啦~

明天我會黎探你啦~

早抖啦~

閒情泰國菜 (≧∇≦)

叮噹 USB

多謝你隻手指呀！kaka (♡˘ө˘♡)

輕鬆行街

今日好忙好忙呀~

由朝忙到晚~

開送貨單~開job~

仲要跟維修同報價~

嗚嗚~

忙到抖唔到氣~

真係攰呀~

加上牙痛頭痛喉嚨痛~

多重痛楚真難捱~

好辛苦呀~

好彩食左藥好返d咋~

放工準時閃人~

一個人到大窩口行下吉之島~

由於無想要既野~

於是慢步到遙遠既荃灣~

去另一間吉之島繼續努力~

果然掃左唔小家品呢~

行完街街成個人輕鬆晒啦~

再行返出去坐車啦~

途經嫲嫲屋企~

上樓拎走幾盆植物離開~

以免多日無淋水枯萎啦~

3盆植物都幾重架~

連埋自己袋戰利品一次過拎返屋企~

噢~又重又攰呀~

返到黎忙於整理植物~

又要收好戰利品~

真係忙呢~

等待蝦子餅返黎~

一齊買外賣返屋企開餐~

邊食邊睇電視~

真寫意~

希望今晚可以早D休息啦~

好攰啦~~
早抖啦~~

老闆請飲茶~

今早起身有D喉嚨痛~肩頸痛~

似乎有D作感冒先兆~

要小心D啦~

近日天熱又熱返~

出入冷氣真係好易冷親~

加上休息唔夠~

日日都攰到暈~

真係好易病架~

返到公司即刻沖杯(清熱酷)補充下維他命先~

希望增強抵抗力~

千萬唔好病呀~

工作依然忙碌~

好多文件需要跟進~

但遠比琴日好~

起碼可以抖到氣~

唔會樣樣急~樣樣趕咁辛苦先啦~

中午叫外賣準備留係公司食~

突然黃老闆WHATAPP我話請我同C小姐飲茶~

WO~老闆出聲~

只好將午餐留待明天享用~

老闆一邊飲茶一邊講攝影~

真係愈講愈開心呀~
呢個老闆對我地真係好好~
所以我地幾難捱都留係到繼續做~
其實~如果唔係有呢個老闆~
我同C小姐一早走左啦~
飲完茶就返工啦~
繼續努力FILING~
整個下午都忙於整理文件~
好彩仲可以準時收工閃人~
蝦子餅接我放工~順風車送到醫院探望嫲嫲~
嫲嫲精神OK~
但心情同我一樣~
既擔心又無奈~
醫院通知~
嫲嫲星期四出院~
手續辦好將會直送護老院~
唉~心情一沉~
奕唔想多言了~
探完嫲嫲坐車返黎~
相約蝦子餅一齊食吉野家~
食飽就返屋企餵魚~
今日又無啦啦死左條魚啦~唉~
至於BB魚尚算OK~
希望順利養大佢地啦~
其間~同姑姐閒談幾句~
自決定將嫲嫲送護老院開始~
我就無晒心機~
說話小~冷淡~咩都唔想講~
今晚已係講得最多既一晚~
所有事都比之前清楚~
無奈~但奕只好繼續~
但願明天會更好~
傾完電話~睇陣電視~
再幫鼠鼠們沖涼洗籠~
好攰好攰~
希望快D攪掂~
要早D休息啦~
GOOD NIGHT~

問又死 唔問又死

做嘅時候唔畀我問你，做錯時又鬧我唔問你，玩晒！

聾貓陪你過中秋@APM

雖然琴晚好夜訓~

但今早仲算知醒返工~

心情仍然一般~

沒有太大期望~

如常返工~

好彩有電視~有工作~有同事~

分散下下專注力總算好d~

工作繁忙~

整個早上忙到亂七八糟~

某d客又急又趕黎拎野~

又要搵野~又要開單~

忙亂到暈~

整張工作枱好似打仗一樣~

七國咁亂=,=

lunch食飽小睡片刻~

總算令人精神d~

下午繼續忙碌~

開job~跟單~跟文件~

完全無一刻可輕鬆抖氣~
忙碌~真係過得好快~
唔覺唔覺~又到放工~

準時閃人~

今晚輪到去探望奶奶~

先等蝦子餅順風車返公司~
再開車到醫院探奶奶~
更巧遇表姊~
 傾談~問候~幫奶奶洗面~抹身~
之後就車返表姊回家~
再與蝦子餅一班同事會合~
到(愛野手)食日式放題~
而我同旺旺更趁有時間到APM行下街街添~KAKA
去到(愛野手)佢地已經叫晒野食啦~
雖然唔係好多野~
但都有生蠔~青口~刺身~
天婦羅~熟食等~
當然~稱不上好食~
但都過得去啦~
一班朋友~同事聚下~有講有笑~
食下野又真係幾開心既~
食飽又有旺旺順風車回家~
方便快捷~
返到屋企就要忙碌幫鼠鼠換水換糧~
餵魚時~更發覺其中一條孔雀媽媽已離開左~
唉~真可惜~
而琴日出世既27條魚B~
經點算已有7條離世~
唉~咁細條~
又真係幾弱幾難養既~
我會盡心盡力照顧魚B~
希望魚B都努力捱住呀~
要好好生存呀~

聾貓陪你過中秋…仲有十日咋 (★^O^★)