3月的最後1日

終於捱到3月份最後1日~
這個3月較不順利~
黑仔到暈~
攪到心情欠佳~
好彩~終於捱過了~
期望4月會更好~
工作不算忙碌~
簡單處理文件~
工作其間~老闆叫我訂枱食飯~
估唔到佢都會為大肚婆farewell~
有點背脊骨落~
食小小醫飽個肚算~
下午有點遊魂~
無得小睡超眼訓~
4點都未到~
有人又扮晒野係到派餅~
科死人唔知佢高調地走咁~
仲搵阿寶黎問我~
答案都係一樣啦~
望都唔使望話唔使~
唔該~別惹我~
小個人做野可能會麻煩d~
但小左個是非精~嘈音都小d~
值得慶祝啦~
放工仲要換工卡~
遲左小小放工~
今晚偷懶無去醫院探嫲嫲~
依舊回家煮飯仔~
就結業既超市幾乎無餸買~
幾難先諗到煮d咩~
洋蔥炒肥牛~
燒汁雞柳~
蒜蓉豆苗~
簡單又好味~
食飽睇陣電視~
再幫鼠鼠換糧~
攪掂晒~
可以早d休息lu~
good night~

恐怖黑雨

睡寶寶今日好好訓~

訓左大半日~

野都唔使食當減肥~kaka

訓醒睇陣電視~

原本想去染髮剪髮~

但掛住睇running man唔捨得出門口~

kaka

更重要係蝦子餅仲訓緊~

睇完電視先叫醒蝦子餅~

一齊到老人院探望奶奶~

補充一下物資~

之後就開車到醫院探望嫲嫲~

嫲嫲今日情況差不多~

並不放鬆~

似乎很緊張~

奕有點氣喘~

希望快d無事啦~

其後落大雨~奕掛上黃雨警告~

我們提早10分鐘離開~

順風車送大姑姐,姑丈回去~

雨勢非常大~

送完姑姐回去~

更大雨到好似落石仔咁~

後來先知落冰雹~.~

好彩好快就返到停車場~

平安到達了~

這場雨來得兇狠~

1個鐘內~黃雨~紅雨~黑雨~

好耐無試過~

我就趕快回家關窗~

蝦子餅就去超市買汽水壽司~

今晚有電劇視大結局~

一於坐定定食野睇電視~

人在家中~最為安全~

睇電視得知黑雨影響甚大~

商場天花塌下漏水~變成水舞間~

地鐵水浸~

這場黑雨多恐怖~

好得人驚呀~

這場黑雨多恐怖~

光波煲仔飯

終於捱到星期六啦~

捱埋今日放假啦~

今早天色陰沉~

有點涼意~特別好訓~

竟然訓過龍遲左起身~

好彩仲趕得切準時返工~

工作不太繁忙~

跟下文件~

以及幫肥佬聽電話~

整日既電話都係搵佢~

好似全世界返黎陪佢返工咁-,-"

原定今日放工到龍山寺拜山~探望爺爺老豆~

約11點天色迅速變黑~

傾盆大雨~

好快就黃雨~

三姑姐奕無法出門~

經商議後~最終取消~

改期於兩星期後~

希望爺爺老豆唔好介意啦~

捱到1點準時閃人~
蝦子餅順風車送我返黎~
但竟然無落雨了~
心血來潮又想去超市行下~
決定買定今晚既餸~
回家後~
先醃好梅頭肉~免治肉碎~
之後就出發到醫院啦~

三姑姐奕改了行程~
相約大姑姐同我到醫院快餐店tea~
4點到達~
3人慢慢食~
慢慢傾計~
笑料百出~
總算輕鬆~
2小時過去~
到了探病時間了~
3人準時入病房探望嫲嫲~

嫲嫲眼睛碌碌~
但心跳似乎有點快~
而且看似很緊張~
手腳奕不能放鬆~
我地一齊幫嫲嫲按摩~
一邊傾計~
一邊按摩~
嫲嫲消腫後顯得更廋~
得返條骨咁~
睇見都心痛呢~
之後就坐車返屋企~
蝦子餅還在睡夢~
我就努力整理晚餐~
原本係想整北菇滑雞~
可惜就結業既超市無雞買=,="
只好轉整第樣啦~
今晚第1次整鹹魚肉餅煲仔飯~
都算成功~好味~
再整埋光波叉燒~
第2次整~更多汁更好味~
半肥廋叉燒更可口~
成功了~
之後焗埋芝士西蘭花~
第2次整~始終唔算成功~
芝士太溶~
下次要焗小d時間~
呢一餐光波爐晚餐~
食就好味~
洗就辛苦了~
不過~幾好玩~~kaka
之後睇陣電視~
再幫鼠鼠沖涼洗籠~
今日個人有點攰~
好想早d訓唷~
希望今晚唔好掛住睇電視啦~
good night~

哈哈…今晚煲仔飯加叉燒 (＾▽＾)

光波pizza

今早返工有點亂~

某同事又放假~

寄貨既事又無人跟~

鄭經理就臨急臨忙拎d貨比我pack~

連邊個客我未知~

問老闆娘~佢又發老脾~

只好自己重新打送貨單~

連包裝女工都做埋~

一踢腳~

急趕出貨~有點輪盡~

一輪忙碌後又回復平靜~

可以輕鬆d入文件~

lunch外出食麥當當~

kit小姐專程返黎搵我地~

仲好識做早d去搵定位~

去到即買即刻有得食~

好開心呀~

不過~遲左走~

仲要等車返公司~

遲左15分鐘~

返到公司比人啤添=,="

下午仍然遊魂般工作~

入單入到有d眼訓=.="

放工準時閃人~

坐車返黎到超市購物~

可能明知超市就快結業~

所以我樣樣都想買定返屋企~kaka

輕鬆購物一番~

買左不小食材~

今晚第1次整光波pizza~

跟網上食譜~整左2個pizza~

1個菠蘿火腿磨菇pizza~

另1個牛肉磨菇蟹柳pizza~

菠蘿火腿pizza都似似地~

味道好夾又好味~

但第2個就失敗左啦~

竟然焗焗下出晒水~

攪到pizza底都霖晒~

都唔知係牛肉碎出事?

定係雜豆出事?

都怪自己唔應該(未學行先學走)~

整完pizza~

就整埋芝士青口~炸雞鎚~

蝦子餅返黎~

岩岩有得食~

都算滿意~

下次再努力~

食飽飽洗碗~收衫~洗衫~

睇陣電視再餵鼠鼠~

又捱過星期五啦~

哈哈~

返埋聽日放假啦~

好野呀~~~^^

玩上癮(≧3≦)光波pizza加炸雞 (☆^O^☆)

頭痛了

琴晚唔知做咩~
竟然失眠訓唔著~
2點幾訓~4點幾又紮醒~
攪到今日精神好差好差呀~
加上工作繁忙~
有點力不從心~
昨日返左好多維修機~
今日開job開過不停~
剛巧文具又係今日送貨黎~
又要入貨對數~
另外~某同事放假~
更要幫手pack箱寄貨~
其後有客上黎維修拎機~
又要即時開單~
有點手忙腳亂~
lunch一個人午餐~
大肚婆同寶同事~蓮姐飲茶~
懶神秘咁~
仲要話：你唔去架啦！
正衰人~
下午蝦子餅打黎~
問我可否早走陪奶奶睇醫生~
可惜太忙~根本無法離開~
奶奶疑似尿道炎~
又要麻煩老人院職員送醫院檢查了~
咁又無左幾百蚊陪診費啦~
唉~
放工準時離開~
坐mtr到醫院探嫲嫲~
嫲嫲近日穩定不小~
只是還有肚瀉~
而且轉左奶~轉左高蛋白質高纖維奶~
希望更適合嫲嫲啦~
探完嫲嫲就坐車返黎~
等待蝦子餅~
準備買晚餐回家~
途經商場~
驚見超市張貼告示~
將於下星期日結業~
唉~已經無左5間食肆啦~
宜家連超市都無埋~
唉~點算呀~
呢個消息有d情天霹靂~
第時連買汽水~買餸~買零食都成問題~
真討厭領匯呀><
同蝦子餅買野食返屋企開餐~
食飽就想訓~
好頭痛~好煩~
都係早點休息吧~

韓文班第9課

終於捱到星期三啦~
呢星期又過左一半了~
希望快D到4月~
到時好多假放呀~KAKA
今晚要上堂~
約左KIT小姐一齊食米線~
仲收到KIT上星期去台灣既手信~
好感動呀~
多謝晒~
食飽飽一齊去上堂啦~
今晚韓文班第9課~
上一堂逃學~
都唔知教到邊到添~
仍然有點亂~仍然抄唔切聽唔切~
有D文法仲未攪得清楚~
韓文既現在式~過去式~
似乎比英文更難更複雜呢~
我既知識~仲徘徊緊係讀音階段咋=,="
落堂後~
個人好似虛脫咁~
無晒力~
終於鬆一口氣~
睇黎上堂既壓力不小呢~
之後就坐車返黎啦~
睇陣電視~總算輕鬆D~
再幫鼠鼠換糧~
今晚精神壓力較大~
希望早D訓休息下啦~
GOOD NIGHT~

真真攰

今日終於忙返d~
多左電話響~
奕多左電話查詢~
間中有幾個街客上黎整機~
開job~跟文件~
更要幫忙處理寄貨~
總算充實~
放工快快離開~
到醫院探望嫲嫲~
嫲嫲除左有點肚瀉~
其餘都穩定得多了~
希望病菌消除後可早日回護養院休養~
到時先係真正的鬆一口氣~
之後坐車返黎~
趕到家品店更換花灑喉~
點知要行兩間先有得換~
行來行去~
真真攰=.="
之後就返屋企等待蝦子餅~
蝦子餅買麥當當返黎食~
我地想試下黑椒漢堡同火泰雞腿包~
好味道~kaka
一邊食一邊睇電視~
真享受~
之後就幫鼠鼠沖涼洗籠~
天氣日漸回暖~
鼠鼠們都開始活躍~
見到佢地玩得咁開心~
我地都好開心呀^^

老友聚一聚 @ 赤山放題

今早返工有點輪盡~

屋企無啦啦有聲巨響~

四周找尋~

仲以為又(爆)可樂~

好彩~無事~

但仍然找尋無果~

只好出門口返工啦~

點知行行下~紙袋條繩鬆脫~

差d跌晒d野~

幾艱辛先行到巴士站~~

非常長龍~

仲等左好耐車添~

唉~

今日又遲到了~

早上工作不太繁忙~

遊魂般處理文件~
清下舊file~
趁有時間~
更開始分類自己既文件~
部份文件需報銷~
整理分類~
而家整定差不多啦~
方便日後離職唔使咁亂呢~
放工準時閃人~
坐車到旺角拎團購物品~
早前團購買左廚房百寶切菜器~鬆肉針~
今日終於拎得啦~
遲d可以整燒肉啦~kaka
拎完野~
就坐車返黎~
到家品店買花灑喉~
先返屋企放好物品~
再等旺旺專車接送~
今晚同蝦子餅~旺旺~肥仔~
4人一齊到新蒲崗赤山食放題~
今次我第2次食~
仍然感覺新鮮~
無左以前生蠔長腳蟹青口拼盤~
現只有生蠔1種~
很肥美~好鮮味~好正~
 encore又 encore~
刺身~鮮味十足~
壽司奕算不錯~
番薯~炸蝦~天婦羅炸得好味~
今次更初次品嚐芝士年糕~
嘩~好好味呀~
熱辣辣~好正呀~
效率仍高~
好快有得食~~
服務好~有禮貌~快捷~
又近又方便~
可以隨時黎食都得啦~kaka~
食飽更有旺旺專車送我地返黎~
輕鬆快捷就返到屋企~
睇陣電視~再幫鼠鼠換糧~
又完成一天工作啦~
可以早d休息啦~
昨日既心事~
今日訓醒已忘記得一乾二淨~
很好~
希望所有不愉快的全都忘記~
good night~

齊齊開餐(≧3≦)yummy

臭事傳千里

好事一定唔會揚得咁快！

滿載而歸星期日~

今日係星期日~
好好訓呀~
訓到自然醒~真舒服~
精神百倍~
起身睇陣電視~
再同蝦子餅到吉野家食下午茶~
原本想食完野去染髮剪髮~
點知食飽~2個人突然改變主意~
想去行街街購物~
於是到九龍城行aeon~
由超市~到家品部~
慢慢行~行左2個鐘~
行得開心~滿載而歸~
之後行到九龍醫院探望嫲嫲~
嫲嫲今天有點氣喘~
我同大姑姐幫手掃掃胸口~
希望令她舒服d~
同時~奕幫嫲嫲按摩手腳~
消腫後的手腳~
似乎顯得更廋~
傾談一陣~
我同蝦子餅先行離開~
坐車返黎~
買壽司返屋企開餐~
仲配埋麵豉湯~豐富又好味~
一邊食~
一邊睇(推理要在晚餐後)~
之後幫鼠鼠換糧~
鼠鼠今晚有點曳曳~
竟然試圖咬我地手指~
幸好~不算大力~
今晚都係唔好同佢地玩啦~kaka
本想早點休息~
但有點心事~始終難眠~
下午收到訊息~
無意中~某人係微信搵到我~
原來~時隔多年~
我仍在意~仍很介意~
最終~係微信中接受加好友請求~
一問一答~
冷淡回應~
得知某人近況很好~
鬆一口氣~
我會繼續祝福~
請勿打擾吧~

輕鬆星期六

琴晚的確相當疲累~
電視都未睇晒就眼訓~
好攰呢~
星期六既早上~
車程順利~
準時返工~
本應可以安心食早餐~
竟然見到有件貨放在枱上~
放得係到即刻要緊急處理啦~
早餐都未食就整~
好彩快手攪掂~
遲左20分鐘食早餐~
原來會覺得餓架~kaka
之後就開始處理文件~
星期六無客又無電話~
相當沉悶~清閒~
文件好快又整理好~悶死我啦=,="
放工快閃~
今日同2位姑姐到新蒲崗睇迷你倉~
先係采頤花園食下午茶餐~
之後就到附近睇幾間迷你倉~
好規模~好整齊~
睇左幾間~
最終決定要間較細小既倉~
奕算較平~
4月份將會把嫲嫲既寶貝鐵箱送到迷你倉~
大家奕算完成一件心願~
其後三姑姐坐車離開~
我同大姑姐就坐車到醫院~
等待到6點~準時去探嫲嫲~
嫲嫲今天手腳已全消腫~
但面仍有點紅~
據說血壓有點高~
希望快點回復~
嫲嫲很努力呢~~
之後就坐車返屋企~
蝦子餅睡得正甜~
無外出晚飯~
只好留係屋企煮雲吞肉丸麵~
好味道~
邊食邊睇電視~
真輕鬆~
其後蝦子餅又偷懶訓覺~
唉~只好一個人努力幫鼠鼠沖涼啦~
一個人的確有d輪盡呢~
星期六~可以無拘無束咁睇電視啦~
真爽呀~^^

混亂星期五

終於捱到星期五啦~
早上清閒~沉悶的渡過~
只要捱埋明天就放假啦^^
早上工作不太繁忙~
跟寄貨~跟維修~跟文件~
總算輕鬆~
LUNCH食飽本想休息片刻~
點知有2個人竟然係點半鐘入黎~
仲話要坐係到等同事返黎~
之後又到經理過黎問我點安排座位約見客人~
攪到我想訓陣都唔得~
只好閉目養神幾分鐘~
無得訓精神差得遠呀><
真討厭呀~
下午專心入單~
電話不停響~
手忙腳亂~
幾個不同既客同時上黎搵經理~
會議室更有師傅大規劃拆機加工~
公司突然變得多人~混亂~
有點應付唔到~.~
下午忙亂~
好快捱到放工~
到公司附近超市購物~
仲買左好多食材添~
今晚煎牛扒配司華力腸~
再整多次蒜蓉芝士焗青口~
好好味呀~
洗完碗~睇陣電視~
再準備訓覺啦~
琴晚訓得唔好~好攰呀~
GOOD NIGHT~

沉悶的星期四

終於都到星期四了~
仍然無心工作~
士氣低沉~
寶同事放完假返工啦~
終於有人同我講下野啦~
間中傾談幾句~
但仍然好悶呢~
lunch小睡片刻~
訓左半個鐘總算好d~
下午幾位sales做完野返黎~
寫字樓有人講野~
終於有返d人氣啦~
每日返工沉悶的渡過~
東東~寶寶~同我~都渡日如年咁~
個個都無晒心機~
好想快d離開呢~
放工準時間人~
到醫院探望嫲嫲~
嫲嫲面有點紅~
仍有點氣喘~
除手還有輕微水腫~
其餘水腫已消腫了~
希望細菌快點消散~
早日康復返護養院休養啦~
探完嫲嫲~
就慢步到九龍城~
心血來潮想買清真牛肉餅~
買埋辣子羊肉~麻油雞~酸辣湯~
買齊野就坐車返屋企開餐啦~
邊睇電視邊食野~
美味~滿足~又開心~
之後幫bb魚缸換水洗缸~
餵糧比鼠鼠們~
係屋企既時間~
往往比返工既時間充實得多呢~
希望今晚早d完成工作~
早d休息啦~
good night~

秘密約會

終於捱到星期三了~
呢個星期總算過左一半啦~
今早有點手忙腳亂~
忙亂急趕打送貨單~
之前叫同事提早通知我打單~
最終都係無提早通知~
攪到今早又急又趕~
好彩仲趕得切咋~
之後繼續整理文件~跟維修~
可能之前忙左輪~
所以覺得好快就到lunch啦~
lunch過後~小睡片刻~
無人嘈我~訓得特別舒服呀~^^
下午繼續遊魂~
非常寧靜~
就連整開大機既師傅都問我有無細機要幫手整~
執下單~filing~入data~
幾經辛苦先捱到6點~
放工準時閃人~
今日無心上堂~
逃學了~@@
反正kit小姐旅行未返~
無人翻譯我都聽唔明~kaka
上堂變約會~
秘密地同三姑姐到九龍富豪酒店食自助餐~
殊~這次約會2人秘密進行~
大姑姐並不知情呢~嘻嘻~
三姑姐比我早15分到達~
奕急不及待拎長腳蟹啦~
而我就7點到達~
一去到就即刻拎青口~凍蝦~長腳蟹等凍盤~
好味道呀~
之後就食刺身~鵝肝~和牛~及其他熟食~
我同姑姐一邊食~
一邊傾計~
傾訴心事~
主要傾談到嫲嫲~
自出事後~大家心情都麻麻~
很不安~
但仍要面對~及解決問題~
趁呢個機會抒發一下內心感受~
奕希望可互相支持鼓勵~
傾下計~講下笑~
更開始談到(想當年)~
由爺爺嫲嫲年代講起~
到老豆和叔的往事~
好高興聽到以前既事~
奕很佩服爺爺嫲嫲~
很溫暖呢~好開心呢~
今晚有姑姐請客~
多謝晒啦~
同姑姐邊食邊傾到9點半~
之後慢步到附近萬寧行街買野~
買完野又各自回家啦~
返到屋企睇陣電視~
洗衫~收衫~
咁又過左日lu~
很滿足~好開心呢~
很舒服的星期三呢~kaka

難捱的星期二

琴晚好好訓~

無紮醒可訓到天光~

真舒服~

可能實在太攰太攰了~~

訓醒總算精神d~

星期二~如常返工~

好靜~好悶~

呢排公司已經夠晒靜啦~

今日又有3個人請假~

公司好似無晒人氣咁~

靜得可怕~

加上肥佬整個早上坐出黎~

更覺難捱呢~

lunch小睡片刻~

充下電總算好d~

下午繼續清閒~

悶到暈~

只好整理一下舊文件~

幾經辛苦先捱到6點~

快快離開呢個沉悶既地方~

之後坐車到太子~

再轉車上醫院探嫲嫲~

今日人多車多~較平時遲呢~

嫲嫲今日仍然差不多~

手腳輕微消腫~

間中微微張開眼睛~

睡得安祥~很舒服的樣子~

探完嫲嫲就準備等車返黎~

可惜等極都無車~

只好行到九龍城轉車~

今晚旺旺約左蝦子餅食飯~

3人一齊到附近食西餐~

美味~

食飽返屋企睇陣電視~

再幫鼠鼠沖涼洗籠~

天氣潮濕~令人好唔舒服~

攪到心情都麻麻地~

希望快d渡過討厭既春天啦~

接受~改變~離開……

疲憊的星期一

琴晚又訓得唔好~

3點先訓得著~

竟然6點鐘紮醒~

趁仲有時間~決定訓多陣~

但訓醒仍然唔夠訓呢~

相當疲憊~

早上工作繁忙~

整理文件之餘~

更要幫同事試機~

寶寶同事今日開始放假3日~

又小個人陪我傾計講笑~

相當寧靜~

lunch食飽後小睡片刻~

竟然一樣紮醒~

究竟咩事呀=,="

下午有點遊魂~
電話又小~
又無客人~
只好跟單~開job~

幾經辛苦捱到6點放工~
放工後到嫲嫲取物品~

順道代姑姐交收物品~

攪掂後就回家煮飯~

今晚煮花膠炆冬菇~

蒜蓉豆豉雞~

甜豆炒牛肉~

簡單好味~
一邊食一邊睇電視~
之後洗碗~掃地~整理家務~
突然心血來潮想玩小手工~
於是拎以前買落既毛毯公仔~
邊睇電視邊玩篤毛毯公仔~
玩一陣就好啦~
唔好玩太夜~
個人好攰呢~
早d休息仲好啦~

討厭的鄰居

請問可唔可以將這種同事掉到垃圾筒？

啲嘢食無遮無掩咁掉喺垃圾筒，不時傳出陣陣食物味道，嘢飲滴到一地係，成地零食碎屑，小強係常客，你以為自己喺垃圾房返緊工！

又試新野~

琴晚果然非常放縱~

睇電視睇到3,4點先訓~

哈~好耐無試過~

真爽呀~

星期日~無拘無束訓到中午自然醒~

正呀~

起身睇陣電視~~
再由蝦子餅做大廚~
整肉丸雲吞麵做早餐~
飽肚美味~
之後就做下家務~
洗衫~收衫~清潔廚房~掃地~拖地等~
蝦子餅就休息片刻~
趁有時間~

決定試整牛油曲奇~

睇食譜似乎不難~

但整到上手~就非常輪盡~

已經跟足食譜上的份量~

但整出黎~竟然好浠~

完全不能成粉團~

呆左一陣~

終於諗到加多d麵粉~

終於成功整到粉團~

再用花花印模~

放在烘盤上~

焗左一陣~試味~

未得~再焗~

最終成功啦~

第1次整~味道都算合格啦~

可惜賣相麻麻~

花形唔太似花形~

而且有d餅厚身唔夠脆~

下次要整薄身d~

整完曲奇~

就同蝦子餅坐車到太子花墟~

到花檔買富貴竹~

再轉車到九龍醫院探望嫲嫲~

嫲嫲今日轉院到九龍醫院~

7點幾到達~

仍然在隔離病房~

仍需穿上保護衣~

嫲嫲手腳輕微消腫~

呼吸~心跳已回復~

希望轉院後得到更好照顧~

探完嫲嫲~

就同蝦子餅坐車返黎~

到附近餐廳食海南雞飯~

配埋肉骨茶~正呀~

食飽就返屋企睇電視~

繼續煲日劇~

真寫意~

希望今晚唔好睇咁夜啦~

唔係明天唔知醒返工啦~

第一次整牛油曲奇，算合格，希望下次好d ^o^下次再來!加油! (≧∇≦)

捱到星期六~

琴晚又訓得唔好啦~

連續兩晚半夜紮醒~

不能熟睡好辛苦呀~

又攰又眼訓~

好彩今日只係捱半日JA~

今日竟然有街客上黎整野~

星期六竟然咁忙亂~

真小有~

工作忙亂~

又要開JOB~又要跟單~

好容易就到1點放工~

準時閃人~

蝦子餅順風車送我到嫲嫲家~

今日照舊同2位姑姐TEA~

到附近既壹粥麵食下午茶~

美味~滿足~非常豐富~

多謝三姑姐請客~KAKA

之後返嫲嫲屋企執物品~

2個見証歷史既鐵箱~

好多嫲嫲既舊衫~

有近期著過既衫~

更有比我年歲更大既衫~

望見嫲嫲既物品~

愈執愈SAD~

愈執愈唔捨得~

唉~

之後同三姑姐到醫院探望嫲嫲~

嫲嫲今日帶上口罩~

男護士話嫲嫲時常用口抖氣~

有口罩可令貓鬚更有效~

我同姑姐邊傾計~

一邊幫嫲嫲按摩手腳~

之後一齊坐MTR離開~

返到屋企~

開始忙碌整理晚餐~

無買食材~只好即興見咩整咩~

煎牛扒~光波芝士青口~

光波薯條~瑞典肉丸~

哈哈~簡單又好味~

蝦子餅食到津津有味~

第1次焗青口~成功~^^

YEAH~

之後睇陣電視~

再幫鼠鼠們沖涼洗籠~

明天放假~

今晚可以放縱D~
睇電視睇夜D都唔怕啦~

是日晚餐~牛扒青口 (☆^O^☆)

Happy Friday~

琴晚訓得唔太好~

竟然半夜紮醒~

直到3點半先入睡~~

幸好今日仲算精神~

自己既工作不太繁忙~

仍然係簡單處理文件~

寫字樓人手嚴重不足~

有d要報價既電話比晒老闆同經理聽~

間中又要跟寄貨~

更要幫手落單~

十分忙亂~

中午突然心血來潮~

同東東~寶寶3人行到百樂門飲茶~

我地預先畫定張點心紙~

開位時即刻比侍應~

果然~點心好快送到~

脆皮燒腩仔~皮脆肉軟~正呀~

雪山叉燒包~蘿蔔千絲酥~開心煎堆仔~

燒賣皇~招牌流沙包~小籠包~

樣樣都好好味~

食到停唔到口~

唯獨牛肉球同煎蘿蔔糕就麻麻地啦~

仲有甜品~楊枝金露糕~

3個人竟然食左咁多野~~

好彩有東東包底~kaka

相當開心滿足~

呢一餐~係呢星期最值得開心事了~kaka

食飽行返公司~

時間岩岩好~

可能食得太飽~

又無小睡既關係~

竟然3個人一齊嗌眼訓~kaka

幸好下午工作繁忙~

一個頂幾個~

走來走去~

真係攰~

忙到仲遲左放工~

只快趕快到醫院探望嫲嫲~

到達醫院~

大姑姐,三姑姐已在場幫嫲嫲按摩~

由於只限定2人探望~

只好輪流進入~

嫲嫲今天有點面紅~

條痢有點腫~

手腳仍有水腫~但已比昨日好~

希望快點好轉~

之後就坐mtr返黎~

原本打算同蝦子餅慶祝白色情人節~

可惜~等極都未返~

加上要趕返屋企睇電視大結局~

只好自己先回家~

肚仔餓~

只好食杯麵啦~

唉~

好可憐呀~

每次等蝦子餅返黎食晚餐~

都會好炆好炆~

真好討厭成9點幾10點先食晚餐~

咁夜食~想唔肥都難啦~

過份~

破壞晒我Happy Friday既心情=,="

睇陣電視~早d休息~

好攰好攰好眼訓呀~

Happy Friday ~3人嘆茶 (≧∇≦)

身心疲累

這星期很難捱~
很漫長~
終於捱到星期四~
今日又有點忙~
忙碌跟文件~跟單~
間中更要處理鎖碎事~
人手不足~
連報價~落order都要做埋~
有點混亂~
中午收到姑姐消息~
嫲嫲或明天轉院觀察療養~
但由於仍然帶菌~
院方要求出院後需轉單人房~
嫲嫲既病情已經夠擔心啦~
仲話要轉單人房~
唉~
如果真係轉單人房~
支出將會更大~
恐怕負擔不來呢~
不過~最緊要嫲嫲平安無事為首要~
整天心事重重~
有點忐忑不安~
下午繼續忙亂~
左走右走~
人手不足~
真係忙得多~
今日較容易渡過~
放工準時離開~
坐車到醫院探嫲嫲~
嫲嫲今日情況較穩定~
姑姐說比琴日好~
沒有氣喘~只是手腳有點腫~
希望那種病菌不會對嫲嫲做成大傷害~
探完嫲嫲~坐車回家~
近日肚子經常不適~
今日更隱隱作痛~
晚餐只好清淡d~
食粥~食腸粉~
食飽睇陣電視~
再幫鼠鼠換水換糧~
希望今晚可以早點休息~
身心疲累呢~=,=

韓文班第6課~

今日好攰呀~

琴晚又訓得唔好~

攪到今日精神麻麻地~

電話較小~有時好清閒~

有時又變得忙碌~

有時更要幫其他同事跟野~

忙完一輪~

又回復清閒~~

唉~

有d出街~有d出差~有d放假~

成個公司好似無晒人咁~

水靜河飛~

寶寶同東東都叫悶啦~

日日等放工~

真係唔係辦法呢~

幾經艱辛捱到放工~

準時閃人~

車程順利~

好快就到達tw~

kit奕早早到達~

到餐廳開定位~

叫定餸~

2個小菜都幾好味~

不過得半碗飯似乎又唔夠啵~

而且~價錢奕唔平呢~

食飽飽趕快去上堂啦~

今晚上韓文班第6課~

仍然混亂複雜~

咁多堂仍然未習慣~

仍然係抄唔切~聽唔切~

更發現~原來我唔止唔識聽英文~

就連miss既中文我都聽唔明~

唉~

只怪自己吸收力有限~

睇黎我真係唔係讀書材料~

放學後~

心血來潮想到aeon購物~

買零食~麵豉湯~

再到living plaza購買家品~

可能太耐無行~

竟然愈買愈多~

1袋2袋~好重唷~

只好趕快坐小巴回家~

返到屋企~

忙碌洗衫~執好物品~

更努力將奶奶既舊衫包起~

整齊放好~

好彩諗到個新方法包起d衫~

果然慳返好多位呀~

之後睇陣電視~

再幫鼠鼠換水換糧~

晚上的時間比日間更充實~更忙碌~

過得平日間快~

成日好似好似唔夠時間用咁~

希望今晚唔好咁夜啦~~

好攰了~

清閒的第2天

今日寶同事返工啦~

佢返黎起碼有人同我傾幾句~

唔使悶到啞巴咁~

工作又有麻煩事~

有個客上黎搵杜經理拎貨~

點知杜經理話而家個客已經唔係佢跟~無錢收架~

叫我pass返比老闆娘~

唉~你內部d野又唔攪清楚~

個客問到我口啞啞~

好彩最終佢都出黎say個hello交代一下~

唉~

琴日有人咩都唔理就放假~

今日又有兩個咩都唔交低就出差公幹~

留返d手尾要人跟~

老闆娘又做到發老脾~

口黑面黑~

電話查詢~接駁奕非常混亂~

加上某經理又出街見客~

又要兼顧聽電話重任~

有點亂~

維修機暫時無人維修~

只係清閒地整理文件~

好眼訓~

東東同事~寶同事同我一樣都沒精打采~

三個人都渾噩地過~

真難捱~

放工快快閃人~

到醫院探望嫲嫲~

嫲嫲今日驗出有萬古霉素腸道鏈球菌~

唉~

需轉病房~

去到醫院叔已到達一齊等待~

三姑姐大姑姐係病房內~

需著上黃色保護衣~

姑姐讓我同叔入房探望~

嫲嫲似乎很辛苦~

發出聲音~很痛苦似的~

其後叔先行離開~

我同2位姑姐一齊幫嫲嫲按摩~

嫲嫲手腳仍很腫~

而且有瘀傷~

唉~好心痛呀~

姑姐更回想起~

1年前既今日~

3月11日~

當年今日我地4個係澳門旅行~

好開心~美好的回憶~

咁就1年啦~

1年前後分別真大~

而家見到嫲嫲咁辛苦~

真係好難受~

我真希望嫲嫲平安無事~

舒舒服服吧~

探完嫲嫲坐mtr回家~

蝦子餅今晚遲放工~

只好自己先返屋企煮麵~

食飽飽幫鼠鼠沖涼洗籠~

個人好攰好攰呀~

希望今晚可以早d訓啦~

沉悶的第1天

呢排無街街去~

沒有太大娛樂~

只好努力煲劇~

早前煲完韓劇【來自星星的你】~

睇完又返睇~

而家又煲返日劇啦~

琴晚又睇到3點~

次次都睇到唔捨得訓=,="

好彩今早仲知醒起身返工~

沒有kit同事的第1天~

工作上~運作上~明顯有d唔慣~

加上寶同事今日又放假~

無人傾談~

悶足一日~
專心工作~整理文件~
filing~入資料等~
無左kit幫手聽電話~
就連去廁所都唔方便~
下午連經理都放假~
d客既報價又無人理~
亂七八糟~
唉~~
日後有排煩啦~
末日既開始~><

放工準時閃人~

今晚偷懶唔去醫院了~

回家煮飯~

瑞士汁雞翼~蝦醬排骨~xo醬炒小棠菜~
簡單~好味~滿足~
每當煮飯~
蝦子餅就特別高興~
飯後更有甜品糖水供應~
真好味~
輕鬆睇陣電視~
就要忙碌洗碗~整理家務~
好攰了~
早d休息啦~
good night~

故障！

遲到......沒有最遲，只有更遲，尤其遇上列車故障！

愛炒蜆 @ 生記菜館

又到星期日啦~

好好訓~

今早10點起身~

事關今日要到嫲嫲家~

代姑姐同人交收電視櫃~

起身後刷牙洗面化妝~

而蝦子餅就趁有時間煮牛肉雲吞麵做早餐~

簡單又好味~

之後一齊出發到嫲嫲家~

執好部份物品~

等待人地黎搬電視櫃~

好快就有人黎搬野~

檢查~交收~

只係短短幾分鐘就完成~

執埋野就同蝦子餅返屋企~

睇陣電視後竟然有d睡意~

哈哈~

訓多陣先~

小睡片刻~

傍晚時份準備出發到老人院探奶奶~

補充物資~抹面~

之後就出發到醫院探嫲嫲啦~

嫲嫲今日奕算ok~

手腳有水腫~

較早前有d辛苦~

其後稍為好d~

同大姑姐一齊幫嫲嫲按摩~

8點鐘又要離開~

沒有陪姑姐坐車~

與蝦子餅步行到廟街~

到生記菜館食煲仔飯~

窩蛋牛煲仔飯~炭爐燒更有味道~

有飯焦~正呀~

蠔餅~今日既粉似乎較多較厚~

麻麻地~

豉椒炒蜆~鮮味~好味~很喜愛~

勝瓜炒鮮魷~ 

新鮮熱辣~~正呀~

wa~

太耐無食~

好味道~好滿足~~

食飽飽就坐車到太子買倉鼠糧~

仲好順路到義順食雙皮奶作甜品~kaka

超好味~

食飽坐車回家啦~

睇陣電視~幫鼠鼠換糧~

餵魚~洗衫~換床單~

好充實~

很滿足~

輕鬆又舒服既星期日呢~

 我愛炒蜆又愛煲仔飯 (☆^O^☆) 

捐血

雖然琴晚未見早訓~

但今早仍算知醒~

比平時更早起身~

更比平時早半個鐘出門口~

今日係KIT既最後一個工作日~

大家約埋一齊食最後既早餐~

同東東,KIT,PO 4人行到葵芳食麥當當早餐~

這是最後一次4人行早餐了 ⊙▽⊙

雖然我仲會同KIT見面~

仲會一齊繼續上韓文班~

但工作時已小個人傾談啦~

日後有排唔慣啦~

工作不太繁忙~

星期六都係返黎HEA住等收工JA~~

放工快快閃人~

今日無同姑姐們TEA~

各有各渡過~

蝦子餅順風車接我到KT~

趁有時間~到KT捐血~

話咁快又4個月啦~

係時候捐血啦~

今次職員比上次既好~

禮貌得多~

而且無整痛我~

捐完血有D攰~

帶住疲倦身軀買野~

係APM順路買埋化妝品~

再會合蝦子餅~及3位同事~

一齊食下午茶~

食飽飽旺旺順路車我地返黎~

回家休息一陣~睇陣電視~

傍晚時份~同蝦子餅到老人院探望奶奶~

之後就到醫院探望嫲嫲~

嫲嫲今天情況同琴日差唔多~

手腳仍有點腫~

病情尚算穩定~

希望快D出院啦~

之後買壽司返屋企~

邊食邊睇電視~

很寫意~
之後再幫鼠鼠們沖涼洗籠~
可能天氣清涼~
鼠鼠們又唔願沖涼了~KAKA

星期六晚~

可以放鬆D又放縱D~

好舒服唷~

捐完血了 (=^0^=)

FAREWELL

琴晚做左睡寶寶~
懶到係個廳訓~
張梳化真係有魔力~
蝦子餅訓親係梳化又係唔願起身~
而家連我都係咁~
哈哈~
做廳長都好舒服架~
仲訓到今早差D唔知醒添~KAKA
又到星期五HAPPY FRIDAY~
捱埋明天放假啦~
可以係件開心事~
又可以係麻煩事既開始~
KIT小姐做埋明天離職~
今日肥佬老闆專程幫佢FAREWELL~
以往走咁多人~
老闆都不聞不問~
就係得肥佬中意果2個先有得FAREWELL~
佢寵愛既鞋油~
又小左個啦~
日後我地個圈子又小左個後生女一齊傾一齊玩~
而家公司得返D唔多岩傾又有代溝既同事~
將會更悶更悶~~
而工作量奕會增加~
最麻煩係老闆仲唔請人~
係都要等果班被某公司遣散既人~
4月先黎~
又唔係熟手~
純粹係政治同面子~
唉~日後公司將會相當麻煩~
煩死人啦~
今日FAREWELL係公司附近新開酒店內既酒樓~
新裝修的確幾豪華~
整潔~乾淨~
老闆叫我們自己叫點心~
今次都算自由啦~
味道奕算不錯~
近公司~很方便~
食到2點半先返公司~
繼續工作~
FILING~跟文件~
HEA下HEA下好快到放工~
快速閃人~
再到醫院探望嫲嫲~
嫲嫲今天情況穩定~~
聽姑姐講~醫生又再次轉藥~
主要針對肺炎病菌~~
而且嫲嫲今天需聞氧氣~
希望有助呼吸~
手腳仍水腫~
2位姑姐不停幫嫲嫲按摩~
探望完畢~
又各自回家~
返黎會合蝦子餅~
一齊返屋企繼續食未食完既PIZZA~KAKA
邊食邊睇電視~
總算輕鬆~
睇多陣電視好訓啦~
明天約左人食早餐~
希望知醒唔好遲到啦~

梁安妮 - 星星的啟示

【晴報專訊】集科幻與愛情於一身的韓劇《來自星星的你》引起全城熱話，也吸引我在網上觀看。其實，我已多年沒有收看香港的電視劇集，因為我覺得劇集內容多是重複欠新意。我曾跟隨香港知名導演、編劇，如陳慶嘉及林超榮先生等學習編劇。因為一套電視劇要拍得出色，故事內容才是最重要。

我特別欣賞這套韓劇的結局，因它沒有傳統韓劇的陰陽相隔，也沒有荷里活式的大團圓結局。編劇編寫了一個浪漫又有適度傷感的完結篇——男主角每隔一段時間，才可回到地球和女主角相聚，可是時間長短不能控制，女主角因而更珍惜他們在一起的日子。這不就是現實生活的最佳寫照嗎？我們很多時誤以為任何關係都能長久持續。猶記得女兒小時候，我想反正天天可以朝夕相對，便掉以輕心。誰料她在15歲時便出國讀書，自此以後每年只能和她見面不超過一個月。就像這套電視劇的結局一樣，珍惜眼前人，把握在一起的每分每秒，說出心底話，才是《來自星星的你》給大家的最佳啟示。

A點知句：把握分秒，說出心底話
Make use of opportunity to say what's on your mind.


轉自│晴報│撰文︰梁安妮│

攰

我又開始回復夜鬼生活啦~
又係咁啦~
日頭就相當眼訓~
夜晚就唔捨得訓相當精神~
近日又瘋狂煲劇~
睇完一次又要返睇多次~
真係好好睇~
夜訓~好攰~
好彩仲知醒起身返工~
清靜左一星期~
d煩人又返黎啦~
見到d煩人~
心情又麻麻啦~
成日持肚生驕~
嘈喧巴閉~煩死人~~
工作不太忙碌~
又係整理下文件~filing~
間中跟下維修~
尚算悠閒~
幾艱辛先捱到5點幾~
又係呢段時間先有幾個客上黎拎野~
唉~又趕唔切6點收工了~><
遲左15分鐘離開公司~
快快趕車到醫院探嫲嫲~
嫲嫲沒有氣喘~
似乎穩定下來~
但手腳仍有水腫~
真令人擔心~
幫嫲嫲按摩一下~
按腳板時嫲嫲竟然眼睛微微張開~
唔知嫲嫲聽唔聽到我講野呢~
之後同大姑姐坐巴士回家~
佢就搵姑丈食飯~
我就會合蝦子餅~
一齊買pizza返屋企~
邊食邊睇電視~
總算舒服寫意~
天氣潮濕~更有d倦意~
攰到咩都唔想做~
今晚早d抖下唔煲劇啦~

無辜被鬧

日日都咁眼訓~

日日都唔想起身返工~

好攰好想長抖~

天色仍然陰沉~

心情麻麻~

早上工作沒精打采~

更無辜受罪~

杜經理上倉pack貨~

某個客搵佢已經take message~

咁經理未返位點通知佢呢~

點知個客轉頭打黎投訴我~

打黎發癲鬧我話我唔通知人搵佢~

無辜被鬧~真無奈~

只好urgent打電話比經理~

點知經理仲叫我問佢咩事~叫我搵佢~

彩佢都傻呀~~我叫佢自己覆人呢~

唉~

好無辜呀~

攪到我整個朝早無晒mood~

lunch有自家製飯盒~

食飯本想訓陣~

但掛住煲劇~唔捨得訓~

最終下午渾噩地遊魂~

好想釣魚~=,="

幸好有杯咖啡頂住~

悠閒左大半日~

臨收工前突然忙到7彩~

世事就係咁~

5點半有客上黎拎野買野~

另一個客又上黎整野~

師傅又打返黎叫我幫佢call車~

仲咁岩有貨送黎要收貨~

同時間做咁多野~

最終都係遲收工~

幸好好快有車~

同k小姐到tw食麥當當~

食飽飽上學去~

今晚韓文班第6課~

仍然混亂複雜~

讀音~認字都未攪得掂~

已經學緊文法~

愈學愈亂~

 真複雜~

放學後趕快回家~

睇陣電視再幫鼠鼠換紙粒換糧~

仲要餵魚~洗碗~洗衫~

很忙碌~

係屋企工作似乎比公司更充實呢~

係時候作出準備啦~~

疲憊不堪

好難捱呀~

今日先星期二咋~

幾時先捱到放假呢~

個人好攰好攰~

疲憊不堪~

精神欠佳呢~

今早蝦子餅放假半天~

到佢留係屋企等洗衣機~

洗衣機送返黎~

終於有得用~

唔使再拎出街磅洗啦~

工作仍然沉悶~

搵單~入單等~

hea住做~

kit小姐仲有幾日離職了~

開始交低公事比同事了~

唉~~日後有排捱啦~

原本打算準時放工~

點知又遇上突發事~

遲左收工~

去到車站仲要送車尾=,="

等左好耐先有車~

今日去拎隱形眼鏡~

原本想配多副有框眼鏡~

可惜~夜左又有人驗緊眼~

無心等待了~

只好到超市買餸煮飯~

突然心血來潮想煲湯~

快快手煲紅蘿蔔廋肉湯~

今晚更首次整雞絲粉皮~

第1次整有d輪盡~

雞肉太多~

太厚唔似雞絲~

下次要再幼細d先得~

蒸水蛋~翠玉瓜炒牛肉~

呢幾樣餸都唔難~

好方便好快煮好~

三餸一湯~

本應開胃滿足~

可惜~

中途有d意外~

有重物跌落嫲嫲盆鐵樹~

令鐵樹樹葉受傷折斷~

唉~好心痛呀~~

sorry ar~

我會盡量小心啦~

心痛~

令食慾大減~

食飽忙碌洗碗~

之後仲要洗衫~

奕要將廚房廚架還原~

真忙碌~

唉~

忙到今晚連電視都無時間睇~

真可憐唷=o=

今晚沒有探望嫲嫲~

仍有大姑姐照顧~

尚很放心~

今日疲憊不堪~

早點休息吧~
早抖~~

疲憊星期一

琴晚又好夜訓啦~

心情麻麻地又訓唔著~

索性唔訓追劇好過~

幸好今早仲知醒返工~

工作不太繁忙~

又開始回復平靜~

開job~開單~跟維修~

今日公司氣氛很差~

大部份人都沒有笑容~

雖然未算忙碌~

但有人離職~

工作還未分配好~

另外~

銷售部奕有所改變~

好亂~好煩~

只好自己顧自己~

閒事莫理~

眼訓~疲憊~煩惱~

幾經辛苦先捱到放工~

準時離開~

坐車到醫院探望嫲嫲~

大姑姐,三姑姐奕已經到達~

奕幫嫲嫲按摩~抹面~

嫲嫲今天不用心跳機檢查~

反而需要貓鬚協助呼吸~

護士說嫲嫲肺有積水~

唉~

嫲嫲病情仍然反覆~

真令人擔心~

其後表妹同男朋友到達~

我同三姑姐出去坐住等~

免得護士出聲話人多啦~

傾談一陣~

先同三姑姐離開~

一齊坐MTR~

姑姐就回家食~

而我就返黎搵蝦子餅~

原本想回家食粥~

好友旺旺又突然約一齊食飯~

反正無飯開~

一齊到藍天使据扒~

邊食邊傾計~

總算輕鬆點~

之後回家整理好廚房~

明天洗衣機回歸~

終於有洗衣機用啦~

好野呀~

借刀殺…

明知老闆借你嚟過橋/發洩......但無啦啦捱一刀，都好傷㗎！

沒精打采的星期日

星期日~

好好訓~

將一星期既疲勞抖返夠~

沒有陽光~

天色陰沉~

令心情一樣低沉~

心情不知怎的沒精打采~

好煩惱呢~

訓醒去洗衣店拎衫~

去便利店拎雜誌~

再買外賣下午茶返屋企開餐~

同蝦子餅一邊下午茶~

一邊睇電視~

有電視睇時總算能分心一下~

暫可減輕煩惱~

傍晚時份相約三姑姐拎甜品杯~
多謝姑姐的杯~
我唔使四圍搵啦~tks~

之後同蝦子餅渣車到醫院探望嫲嫲~

去到醫院~大姑姐同姑丈都係到~

嫲嫲今日心跳較快~

護士話醫生加左藥~

而且要再用心跳機監測~

呼吸有點急促~
病情有點反覆~

唉~真擔心~

希望嫲嫲快d穩定返啦~

按摩一下~

傾談一陣~

之後就一齊順風車返黎~

再係屋企附近食晚餐~

邊食邊傾計~

總算能輕鬆點~

食飽飽返屋企睇陣電視~

幫鼠鼠們沖涼洗籠~

雖然今日放假~
但不見得自在~
很不快~很有壓力~
嫲嫲病情反覆~
屋企洗衣機壞左已經夠煩~
又要諗安置嫲嫲個鐵箱~
又要煩公司d野~
唉~
好煩好煩呀~
好想避世靜下呀~

好煩呀!比我靜下啦！

捱到星期六

捱到星期六了~

終於等到放假啦~

早上返工心情麻麻~

返到公司更忐忑不安~

又攰又眼訓~

可能夜訓~天氣濕潮~濕氣又重~

有點影響我的心情~

真討厭春天=.=

星期六返工都幾無聊~
無客人又無電話~
只係果兩公婆要全公司返黎返佢=.="
渾噩地渡過半日~

放工準時閃人~

一離開公司~
心情即時回復輕鬆~

好似脫離魔咒咁~
即刻開朗晒~kaka
放工趕返屋企拎衫~
匆忙拎衫去附近商場磅洗~

再趕到酒樓會合兩位姑姐~

今日同姑姐到富臨飲茶~

好多美食~
叉燒酥~煎堆~蝦餃~
樣樣都好好味~
食到我地3個好飽飽呀~
今餐大姑姐請客~
多謝晒呀~~
食飽飽一齊上嫲嫲屋企執野~
床架~床褥已賣出~
其他大部份也分好~
餘下的會慢慢收拾~
我地一齊執野~
每一件物品都有深刻既回憶~
真的好難受~
一齊圍埋睇舊相~
睇到家人~小朋友~
有點回味開心~溫馨場面~
更覺得歲月催人~
而且~邊看邊難過~
內心好唔舒服~
更掛念爺爺嫲嫲呢~
就當我逃避~
暫時唔想處理呢~
執到差不多時間~
一齊坐車到醫院探望嫲嫲~
嫲嫲今天也差不多~
尚算穩定下來了~
我地一齊幫嫲嫲按摩手~腳~
大姑姐更幫嫲嫲抹面~
嫲嫲有張開眼睛~
眼珠左右望~
果刻呼吸似乎急促左~
唔知係咪見到我地~同聽到我地講野呢~
無耐佢就繼續訓覺~
我地都繼續按摩~
8點鐘一齊離開~
大姑姐就搵姑丈食飯~
而我就陪三姑姐到義順食甜品~
雙皮奶係我地至愛~
好好味~
食完甜品就返屋企啦~
蝦子餅好乖乖咁洗緊內衣~襪等~
今次都算肯幫下手啦~
之後煮牛肉麵~食點心~
好味又開心~

睇陣電視~
真輕鬆~
之後幫大魚缸換水洗缸~
驚覺~原來小左幾條魚仔~~
果時太多根本數唔到有幾多~
而家數只得返10條咋~
另外細魚缸只有3條bb魚~
開始長大了~
遲d先合返埋一齊放啦~
踏入3月既第1日~
總算輕鬆舒服~
但願每天如此~